Buzuk ka Abud’a 15:7 - Bible azumeina

⁷ Yam ngol mang nga kal teglesa, ang nga zut suma a kak djangûna ki sed’engâ kä; ang ar ayî mang ma bibiliuna nga mi ngalazi d’igi akud’a nga d’i ngal kuzad’a na.

Buzuk ka Abud’a 15:7 ပူးပေါင်းရင်းမြစ်များ

Wana ni mbaktumba hi Job-pa 9:4

Ned’a ni mamba, ad’eng nga kal teglesa ni mamba mi. Ni nge ba, mi d’elem bei mi ngobom ge?

Sawal la giled’a 148:13

Ar agi pet gilegi simiyê Ma didina, kayam simiyêm mam tu ni ma kal petna; subur mamba nga d’i te yam andagad’a kakulod’a mi.

Sawal la giled’a 59:13

Zla d’a ndavunazid’a ni tchod’a; ar azi puk kä yam yam mba ad’eng mazid’a, yam vun ma ge ma azi nga gum mi suma ki zla mazi d’a kad’ina mi.

Sawal la giled’a 68:33

Agi amulei suma nga tagi leud’a yam andagad’ina, agi suburugi Alona ki sawala, agi gilegi Salad’a mi. Tchol ndjö

Sawal la giled’a 83:13

Sum ndazina a dala: Ei hlei yima kaka hAlonina.

Buzuk ka Abud’a 14:27

Moise mi hlabom akulo yam alum ma ngolâ. Kid’a yina ar go á fod’id’a, alum ma ngolâ mi hulongî kusa kä blangâm kad’enga bindit! Ezipte-na a nde tcha ringâ tata abo hep pa mi hebezi ped’eta. Wani Ma didina mi zud’uzi kä kur alum ma ngolâ atogo zak.

Buzuk ka Abud’a 5:12

Kayam ndata, suma Israel-lâ a b’rau kur ambas sa Ezipte-d’a pet, a ar zla d’a yo kuzad’a woi ta, a yoï ni hububuna.

Buzuk ka Abud’a 9:16

Wani an arang nga kaka ini ni yambala ang wad’eng manda ar suma a yan simiyên ndei yam andagad’a ped’u d’a.

Isai 37:17

Ma didina, ang tin humang ang huma! Ma didina, ang mal irang ang gola! Ang hum ngul la Sanakerip mi ngulung ang Alo ma bei matnina.

Isai 37:23

Ang ngulî nge? Ang kra’î nge? Ang er ad’ung akulo a lazî nge? Ang hle yang akulo ni yam nge? Ni an Alo ma tin tan irat vat yam Israel-lîna.

Isai 37:29

Ang nga gurut ki sed’enu. An hum ngul la ang nga ngulunda. Kayam ndata, an mba ni tchong atchinangû, an mba ni tchugung djamad’a avunang mi, an mba ni tanang hulongông avo hatang kur lovot ta ang hlad’ïd’a.

Isai 37:36

Malaikana hi Ma didinina mi mba kur kangâ hi suma Asiri-na, mi tchi suma 185.000. Kid’a suma a zlit akulo yorogod’a, a gol matna kä didi.

Isai 37:38

Bur tu mi i kur gong nga kud’ora halo mama Nisrok-ka á tchenda. Groma mbà, ma dingâ a yum ala Adramelek, ma dingâ a yum ala Sareser, a tchum ki mbigeu d’a fiyaka, a ring kur andaga d’a Ararat-ta. Gorom ma dingâ a yum ala Esar-Hadon mi vrak tamula blangâmu.

Isai 47:14

Gola! Azi ni d’igi asu ma akud’a ngalama na. Azi ndak á sut tazi woi abo sin akud’a d’i, nga ni kiwil ma sana mi le ki tenina d’oze ma sana mi hol ki tama d’uo mi.

Isai 5:16

Ma didin ma ad’engêm kal petna, a mba suburum yam sariya mam mba ka d’a d’ingêra. Alo ma bei tchod’a ba na mba mi tak tam mbei ala mam mi Ma bei tchod’a ba na yam d’ingêr mamba.

Isai 5:24

Kayam ndata, a mba mbut ni d’igi asu ma sod’a ki kuzad’a na, sin akud’a mba d’i ngalazi woyo, sideyezi mba mi tchim mbeyo, b’ozi mba d’i galal kä woi andaga mi, kayam azi noî gata hi Ma didin ma ad’engêm kal petnid’a woyo, azi gol zlad’a hi Ma tin tam irat vat yam Israel-lîna is mi.

Jeremi 10:6

Ma didina, sama hle tam d’igi ang na na nga d’i. Angî ma ngolâ, angî ma simiyêng mi nde yina ki sib’ik mangina mi.

Mise 4:11

Ki tchetchemba, andjaf suma ablaud’a a tok wa kagi á durâ, a nga dala: Ar azì mazi ma ngolâ mi b’lak keyo, ei golei b’laka hi Jerusalem-mba.

Zakari 14:3

Ma didina mba mi nde woi á dur kandjaf sum ndazina d’igi mam nga mi dur adjeu dei kur bur ma ayîna na.

Zakari 14:8

Kur bur máma mbiyo ma he arid’ina mba mi djangî woi kur Jerusalem. Abom ma hina mba mi i iram kur apo d’a Matna abo ma yorogona, abom ma hina mba mi i iram kur alum ma ngol ma Mediterane-na abo ma fladegena mi, a mba le hina andol kawaliya.

Zakari 2:8

Ma didin ma ad’engêm kal pet ma ganï sundina, mi de zla d’a ndaka yam andjaf suma a hurumugina ala: Sama lara ma dogina mi don ni iran nda aduka.

Matiye 3:12

Mam nga kangot mam ma sira abomu, mba mi sir awu mama woi yuyung, mba mi togom kur avir mama, wani mba mi ngal brad’a woi kaku d’a bei mit tei ba d’a.

Sunda hi suma a sunuzinid’a 9:4

Mi puk kä, mi hum dela ti dum ala: Saul, Saul, ni kayam me ba, ang djobon vunan hina ge?

Gat ta a hat á mbàd’id’a 33:26

Moise mi de kua ala: Jesurun, alo ma ding ma d’igi Alo mangâ na na nga d’i. Nga mi djï kur akulod’a á ndjunungû, nga mi tit kur d’ugula ki subur mamba.

Gat ta a hat á mbàd’id’a 4:24

Kayam Ma didina Alo magina naku d’a ti ngal yinid’a, nAlo ma yungôrâ mi.

Hebre-na 12:29

kayam Alo meina naku d’a nga d’i ngal ahlena woid’a.