Buzuk ka Abud’a 15:20 - Bible azumeina

²⁰ Miriyam mba djok vun Alona Aron wiyemba, ti hleï daliyâd’a abod’u; aropma pet a buzuk blogot ki daliyâ mazid’a, a nga lü ndjongâ.

Buzuk ka Abud’a 15:20 ပူးပေါင်းရင်းမြစ်များ

Ad’u Tinda 31:27

Ni kayam me ba, ang lan lemba, ang ringî gumun bei dan nge? Le ni djivid’a ni, an tiningî ki furîd’a ki sawala ki daliyâd’a kadingâ mi d’uo zu?

2 Samuel 1:20

Ar agi dagi zla ndata woi kur azì ma ngol ma Gat-na d’i, ar agi tchat walat tei ir palum mba Askalon-nda, tala arop suma Filistê-na a furîya d’a d’i, d’oze arop suma hi suma bei ngat bayâd’ina a ayâd’a d’uo mi.

2 Samuel 6:14

David nga mi lü avok Ma didina kad’engêm pet ki baru d’a efo d’a luluîd’a djinda furum mi.

2 Samuel 6:16

Ata yima a kal zandu’â hi Ma didinina avo kur Azì ma ngolâ hi David-nina, Mikal Saul goromba ti gol ir fenetred’a, ti wamulâ nga mi gal akulo ki ndjongâ. Ata yi máma ti golom is kurut krovo.

2 Samuel 6:5

David ki Israel-lâ pet a nga lü avok Ma didina kandjaf ahle suma bud’a teteng suma a minizi kagu siprenina, ading ma nglona ki ma gureina, daliyâd’a, tchuguyod’a ki ndendeta mi.

2 Amuleina 22:14

Ma ngol ma ngat buzuna Hilkiya ki Ahikam ki Akbor ki Safan ki Asaya a i avo hi d’a djok vun Alona Hulda d’a nga kaka avo Jerusalem kur kartiye d’a awilid’id’a. Natchad’a hi Salum ma Tikva gorom ma Harhas gorom ngolonina, ni ma ngom baru ma nga kur gong nga kud’orina. Azi vat ad’u zla d’a azi mba kata.

1 Sunda Hamuleinid’a 15:16

David mi de mi suma avok suma hi Levi-nina ala: A ndjar b’oziyozi suma hle sawala kandjaf ahle suma bud’a teteng, nala, ading ma nglona kading ma gureina ki tchigiyeud’a, ar a hle sawala ki delezi akulo á tak furî mazid’a woyo.

1 Sunda Hamuleinid’a 6:3

Amram groma ba wana: Aron, Moise ki Miriyam. Aron groma ba wana: Nadap, Abihu, Elazar ki Itamar.

Nehemi 6:14

An tchen Alona kua ala: Alo mana, ang djib’er yam Tobiya azi ki Sanbalat yam sun nda azi nga lata, ki d’a djok vuna Nowadiya ki suma djok vun suma ding suma a nga hal lovota á mbud’un mandarîna.

Sawal la giled’a 149:3

Ar a gilem simiyêm ki ndjongâ, ar a hle sawala á gilem ki daliyâd’a kadingâ mi,

Sawal la giled’a 150:4

Agi gilegizi ki daliyâd’a ki ndjongâ, agi gilegizi kadingâ ki taulâd’a.

Sawal la giled’a 30:11

Ma didina, ang humunu, ang wan hohowonu; Ma didina, ang ndjununu!

Sawal la giled’a 68:11

Alo mamina, yam djivi manga sum mangâ a nga kaka yam andaga d’a ang minit yam suma hohoud’id’a.

Sawal la giled’a 68:25

Alo mana, Amul mana, suma pet a we mba mang nga ei ata yima kus ayînid’a, a we kal mang nga kur gong mang nga kud’orid’a mi.

Sawal la giled’a 68:26

Suma hle sawala a nga i avogo, suma bu adingâ a nga bugolo, gro yugunei suma a bu tchigiyeud’ina a nga adigaziya.

Sawal la giled’a 81:2

Agi hlagi sawala ki furîd’a mAlo mala nad’eng meid’a na, agi hlagi sawala ki furîd’a mAlona hi Jakob-ma.

Buzuk ka Abud’a 2:4

Gorâ wiyemba ti tchol sä woi hina nde á we vama mba mi luma.

Ma tchi wala 3:4

yima tchina mi nga, yima sanda mi nga mi; yima tchi horâ mi nga, yima lü ndjongâ mi nga mi;

Jeremi 31:4

Ndak gor wei d’a Israel-la, an mba ni hulongôk blangâk ma adjeuna, ndak mba min tak ki daliyâ mak ka djifâ min nda dinga kua á nde ndjongâ aduk suma a nga lü ndjongâ ki furîd’ina.

Mise 6:4

Kayam an buzugugï woi kur ambas sa Ezipte-d’a, an wurak kagi kur yima a lagi magomba kuana, an sun Moise azi ki Aron ki Miriyam avorogiya.

Ndumba 12:1

Miriyam azi ki Aron a nga ka ad’u Moise yam atcha d’a Etiyopi d’a mi vata, kayam mi vatcha d’a Etiyopi-d’a. A de tazi ala:

Ndumba 12:2

Na ni Ma didina mi de ni zlad’a ki Moise tutu zu? Nga mi de zlad’a ki ei mei d’uo zu? Ma didina mi hum zla ndata.

Ndumba 20:1

Kur til ma avo’â, ablaud’a hi Israel-lîd’a pet ti mba hur ful ma Tisin-na, ti tchol kä Kades. Nata yi máma ba, Miriyam ti mid’a; a tozot ni kua mi.

Ndumba 26:59

Atchad’a hi Amram-mba a yat ala Jokebet, ni Levi gorom mba a vud’ud’ï Ezipte-d’a. Ti vut grona mi Amram, nala, Aron, Moise ki wiyezid’a Miriyam.

Wana ni Zla d’a Djivi d’a Luc mi b’irita 2:36

Ta djok vun Alona nga, simiyêt ala Anne, ni Fanuwel ma ad’u andjafâ hi Aser-rîna goromba. Ti le bizad’a ablaud’a; kid’a ndjuvut mi vat ki weyeta ti le bizad’a ki sed’emî kid’iziya.

Sunda hi suma a sunuzinid’a 21:9

Mam nga ki grom yuguneina fid’i suma a nga djok vun Alonina.

1 Korente-na 11:5

Wani atcha d’a lara d’a nga d’i tchen Alona d’oze nga d’i djok vun Alona kur Tokid’a, le ti zlup nga va kat tuo ni, ti mbut ni ndjuvut zulona. Ndat ni d’igi atcha d’a wel yat teid’a na.

1 Korente-na 14:34

ar aropma a kak kur Toka ki vunazi ma du’â, arazi a de zlad’a d’uo mi. D’igi a b’ir kur gata hAlonid’a na, ar a ge yazi kä.

Suma ka sariyad’a 11:34

Jefte mi hulongî mi mba avo hatam Mispa. Gol wani, goromba ti ndeï á d’ugulom ki daliyâd’a abod’u, ti nga d’i lü djongâ. Ndat nabom vat tu, gorom ma ding nga d’i.

Suma ka sariyad’a 21:21

agi gologi yina. Ata yima gro arop suma Silo-na a mba buzugï woi á lü djongîna, agi buzugugï woi aduk asine ma guguzlud’a, nge nge pî mi hle gor atchad’a tutu á atchad’a, mi i ki sed’et yam ambasa hi Benjamin-nda.

Suma ka sariyad’a 4:4

Kur atchogoi ndata Debora d’a djok vun Alona d’a atchad’a hi Lapidot-ta, ni d’a ngola nga avok Israel-lîd’a,

1 Samuel 10:5

Mi dum kua ala: Bugola, ang mba mbaza avo Gibeya-Elohim ata yima Filistê-na a nga ki kangâ kuana. Ata yima ang mbaza go ki vun azinina, ang mba ngaf kadesâ hi suma djok vun Alonina, a nga tchugï asezi kä woi yam yima nding ma a tinim iram vama. Suma a nga lü kadingâ, daliyâd’a, taulâd’a ki gangad’a avoroziya, azi tazi a nga djok vun Alona woi mi.

1 Samuel 18:6

Kur hulong mazi d’a avod’a, ata yima David mi tchi ma Filistê-nina, arop suma kur azì ma Israel-lâ tetengâ a nga hle sawala ki ndjongâ á ngaf amulâ Saul. A nga bu daliyâd’a, a nga er ad’uzi akulo ki furîd’a kading ma ziyom hindina mi.