Buzuk ka Abud’a 15:16 - Bible azumeina

¹⁶ Vunadigazi mba d’i pat fek, mandarâ mba mi lazi ngola. Yam ad’eng mang nga ang tagat teid’a, azi mba ngel lei d’igi ahinad’a na gak sum mangâ a mba kal tua, gak suma ang prud’uzi woina a kal tua mi.

Buzuk ka Abud’a 15:16 ပူးပေါင်းရင်းမြစ်များ

Ad’u Tinda 35:5

Azi tchol iya; mandarâ hAlonina mi ve suma kur azì ma nguyuzina; sama i bugol Jakob ki groma nga d’i.

2 Samuel 7:23

Andjaf ma ding ma yam andagad’a ma d’igi Israel-lâ na na nga d’i. Ni mam ba, ang i pad’am mbei abo Ezipte suma a nga djobom vunam kalo mazina tetengâ, ang mbud’um andjaf mangâ. Ang suburum simiyêmu, ang lahle suma atchapma kahle suma mandarâ kam kur ambas manga mi.

Sawal la giled’a 105:38

Ezipte-na a le furîd’a yam buzuk mazid’a, kayam mandar ma azi lum yam Israel-lîna mi vaziya.

Sawal la giled’a 74:2

Ang djib’er yam mang suma ang guzuzi adjeu dedeina, ang djib’er yam andjaf sumala ni mang suma ang hlazi djona na, ang djib’er yam Siyon ndala ni yi mang ma kaka d’a.

Sawal la giled’a 89:14

Ni bigang ang ba, tad’enga kal pet, nabong ang ba, mi sib’ika kal pet, abong ma ndjufâ, mi nga zid’a akulo mi.

Buzuk ka Abud’a 11:7

Wani aduk Israel-lâ adina pî mba mi ngo vunam á bu sana d’oze d’uwar ma ding tu d’i, kayam agi mba wagi ala an Ma didina ni ma wal ir Ezipte-na woi ki Israel-lîna.

Buzuk ka Abud’a 15:13

Yam we hohou manga, ang tin mang suma ang prud’uzi woina; yam ad’eng manga, ang nga izi ata yi mang ma ang tinim iram vama.

Buzuk ka Abud’a 15:5

Abilâ mi hlubuzi kä, azi sir kä kur galileina d’igi ahinad’a na.

Buzuk ka Abud’a 15:6

Ma didina, abong ma ndjufâ mi tak ad’eng manga woyo. Ma didina, abong ma ndjufâ mi hahl mang suma djangûna woyo.

Buzuk ka Abud’a 18:8

Moise mi väd’u ahle suma Ma didina mi lazi ki Faron ki Ezipte-na yam Israel-lîna, ki ndak ka pet ta ti fazi glovot ta Ma didina mi pad’azi woi kura.

Buzuk ka Abud’a 20:2

An ni Ma didina Alo mang ma pad’angî woi kur ambas sa Ezipte-d’a ata yima a lang magomba kuana.

Buzuk ka Abud’a 23:20

Ma didina mi de kua ala: Gola! An nga ni sun malaikana tu avorogi á ngomogi glovot á kalagi ata yima an minima.

Buzuk ka Abud’a 23:22

Wani le agi humum vunamu, le agi lagi ahlena pet suma an dagi kazina ni, an arî ma djangûna hi suma djangû maginina, an mba ni noî suma a noyôgina mi.

Buzuk ka Abud’a 23:27

An mba ni mbut suma mandarâ ngola avorogiya, an mba ni pleî suma agi mba kalagi avo hatazina woi yayak, an mba ni ar magi suma djangûna pet a mba ring avorogiya.

Buzuk ka Abud’a 6:7

an mba ni yogi á mbud’ugi sum mana, an mba ni arî Alo magina mi. Agi mba wagi ala an ni Ma didina Alo magi ma pad’agi woi kur sun nda anek ka Ezipte-na a tinigizi kagid’ina.

Isai 51:10

Ni ang ba, so alum ma ngolâ ki mbiyo ma ngol ma d’id’ilima d’uo zu? Ni ang ba, ge lovota kur galileina halum ma ngolîna yam suma ang wurak kazina á djak ki woi d’uo zu?

Isai 63:12

Mam ma mi tit yam bik ka ndjufa hi Moise-sa ki sib’ik mambina mi nga ni lara ge? Ni mam ma wal mbina woi aduk mbà avorozi tala simiyêm mi yi gak didinu d’a.

Jeremi 31:11

Kayam Ma didina mi tchuk Israel-lâ akulo, mi prud’uzi woi abo mazi suma djangû suma kalazi kad’engina.

Ezekiyel 16:8

An kal gevegu, an gologu. Wana ni yi mak ma ndak á ved’ina. An barak baru man nda ngola kagu, an zlubuk gandila maka, an gunuk tanu, an djin vunan ki sed’egu, an Salad’a Ma didina ni dala: Ndak arî manda.

Sunda hi suma a sunuzinid’a 20:28

Agi gologi tagi djivi kadesâ hi suma pet ma Muzuk ma bei tchod’a ba na mi tinigi kam á polina. Agi pologi suma toka hAlona d’a mi guzut ki buzuna hi Goromid’a.

Gat ta a hat á mbàd’id’a 11:25

Sama mba mi tchol avorogina mi nga d’i. Kur ambas sa lara d’a agi mba igi kuad’a, Ma didina Alo magina mba mi mbut suma mandarâ, a mba zlak avorogi d’igi mam tam de na mi.

Gat ta a hat á mbàd’id’a 2:25

Ini an nga ni mbut suma yam andagad’ina mandarâ avorogiya; a mba zlak avorogi mi. Ata yima a mba humugi simiyêgi ma nde yinina, a mba zlak avorogiya, a mba tcha tata mi.

Gat ta a hat á mbàd’id’a 2:4

Ang he vuna mablau suma, ang dazi ala: Agi nga halagi ir hagad’a hi b’oziyogina Esau grom suma a nga kaka Seir-râ. A mba lagi mandaragiya, wani agi gologi tagi djivi ped’et.

Gat ta a hat á mbàd’id’a 32:6

Agi suma lilid’a, agi suma bei wad’ud’a, ni hina ba, agi tid’igi avok Ma didina zu? Mi nga nabugi ma lagina d’uo zu? Ni mam ba, mi lagi mi siragi mi d’uo zu?

Gat ta a hat á mbàd’id’a 32:9

Wani b’raud’a hi Ma didinid’a ni Israel-lâ, andjafâ hi Jakob-ma ni djo mama.

Wana ni mbaktum mba Paul mi b’irit mi Tit-ta 2:14

Ni Ma he tam kei á sud’i woi kur tcho d’a lara ge pet á mbud’i mam suma yed’et suma tazi lazi zlezleû á le sun nda djivid’ina.

Josue 2:9

ti dazi ala: An wala Ma didina mi hagiya wa ambas sa wanda abogiya; mandaragi mi vamiya wa batei. Suma kur ambas sa wandina pet a tchuk wa susub’ok abogiya.

Josue 4:24

Mi le na kayambala suma yam andagad’ina pet a wala Ma didina ni ma sib’ika, kayambala agi lagi mandara Ma didina Alo magina burâ ki burâ d’a.

1 Pierre 2:9

Wani agi nandjaf ma Alona mi manama, agi namulei suma ngat buzuna, agi nandjaf ma a tinim iram vama, agi ni suma hAlonina mi. Mi managi kayam agi tagagi sun nda djivid’a hAlo ma yagi woi kur nduvunda á igi kur b’o mam mba kal papad’ina woyo.

2 Pierre 2:1

Wani adjeu suma djok vun suma ka zlad’a a nga aduk suma. Hina mi, suma hat suma ka zlad’a a mba kal adigagi ki ngeid’a ki hat ta nga ata yat tuo d’a. Azi mba tin vunazi yam Salazi ma sud’uzina, a mba mba ki b’laka kazi atogo zak.

1 Samuel 2:9

Mba mi ngom suma a nga ge yazi kä avoroma, wani suma bei hum vuna ba na, a mba ba woi kur nduvunda, kayam sana mi ndak á kus ayîna kad’eng mamba tata d’i.

1 Samuel 25:37

Wani tcha yorogod’a Nabal iram d’igila. Amamba ti dum ahle suma a lena; vunadigam mbi pat fek, mi mbut ni d’igi aguna na.