Buzuk ka Abud’a 15:10 - Bible azumeina

¹⁰ Ma didina, ang fo simet ma avunangâ; alum ma ngolâ mi hlubuzi kä! Azi sir kä d’igi lomba na aduk mbiyo ma d’id’ilima.

Buzuk ka Abud’a 15:10 ပူးပေါင်းရင်းမြစ်များ

Ad’u Tinda 8:1

Wani Alona mi djib’er yam Noe azi kazureina kambureina ki d’uwarâ pet suma a nga ki sed’em kur batod’ina, mi sir simetna yam andagad’a, mbina mi hulong ngara kä.

2 Samuel 18:8

Ayîna mi wet tei kur ambasa pet. Kur bur máma suma a ba woi abagei aduk agud’ina a kal suma a tchazi avun ayînina.

Nehemi 9:11

Ang wal alum ma ngolâ woi avoroziya, azi djagam kasezi sod’a tchitching, wani suma a nga digizi blogozina, ang sirizi kä aduk galileina d’igi ahinad’a sir kä aduk mbina na.

Sawal la giled’a 135:7

Nga mi ka d’ugula akulo avun dabid’a handagad’id’a, nga mi wile á se alona, nga mi buzugï simetna woi ata yi mam ma ngei ahlena.

Sawal la giled’a 147:18

Nga mi de zlad’a, a nga lau woyo, mi le simetna, mbina mi djang mi.

Buzuk ka Abud’a 14:21

Ata yi máma Moise mi hlabom akulo yam alum ma ngolâ. Ma didina mi keng mbina woi ki simet ma ad’eng ma abo ma yorogo ma sir kur andjege ndatina; mi so alum ma ngolâ woyo, mi wal mbina woi aduk mbà.

Buzuk ka Abud’a 15:5

Abilâ mi hlubuzi kä, azi sir kä kur galileina d’igi ahinad’a na.

Zla d’a d’ogolâ 30:4

Ni nge mi djak akulo ba, mi hulongî kä ge? Ni nge mi ve simetna hur abom ge? Ni nge mi gul mbina atam kur baruna ge? Ni nge mi tin vun dabid’a handagad’id’a ge? Simiyêm nana ge? Simiyê goroma nana ge? Le ang wumu ni, ang danu.

Isai 11:15

Ma didina mba mi so vun alum ma ngol ma Ezipte-na woyo, mba mi tin abom yam alum ma Efrat-na, mba mi fom kad’engêmu, mba mi wad’am á walam ad’u kid’iziya. Hina, suma a mba tit hurum kä katuguru mazina aseziya.

Jeremi 10:13

Ata yima mi he vunina, mbina nga mi tok kur akulod’a. D’ugula nga d’i tcholï avun dabid’a handagad’id’a teteng. Wiled’a nga d’i wile á salona, simetna nga mi buzugï woi ata yi mam ma ngei ahlena mi.

Jeremi 46:17

Ata yi máma a tchi ala: Faron amul ma Ezipte-na, siwela gandjau ndata ni zla d’a hawa yaka, mi ar yina mi kal da’.

Amos 4:13

Gola! Mam mi ma lahuniyôna ki simetnina, ni ma nga mi tak djib’er mamba mi sanina, ni ma nga mi mbut yorogod’a nduvundina, ni ma nga mi tit akulo yam fiyaka handagad’ina, simiyêm ala Ma didina Alo ma ad’engêm kal petna.

Matiye 8:27

Wani sum ndazina a le atchap, a dala: Ni sama me ba, simetna ki mbiyo apod’a pî a ge yazi kä ad’um na ge?

Gat ta a hat á mbàd’id’a 11:4

Agi wagi sun nda mi lat yam b’ranga hi Ezipte-nid’a, yam akulumei mazina, yam pus mazi ma dur ayîna kid’a mi kuzuzi mbiyo alum ma ngol ma Tchereuna kazi kä ata yima a nga digigi blogoginid’a. Ata yi máma Ma didina mi tchazi woi ki irazi fafat gak ini.