Buzuk ka Abud’a 15:1 - Bible azumeina

¹ Ata yi máma Moise azi ki Israel-lâ a hle sawal la wanda mi Ma didina, a dala: An mba ni hle sawala á gile Ma didina, kayam me mi tak ad’eng mam mba kal teglesa woi abua. Mi tchuk akulumeina ki suliyozina kä kur alum ma ngolâ.

Buzuk ka Abud’a 15:1 ပူးပေါင်းရင်းမြစ်များ

Nehemi 9:11

Ang wal alum ma ngolâ woi avoroziya, azi djagam kasezi sod’a tchitching, wani suma a nga digizi blogozina, ang sirizi kä aduk galileina d’igi ahinad’a sir kä aduk mbina na.

Wana ni mbaktumba hi Job-pa 36:24

Ang djib’era, ang he ngola mi sun mam mba suma a nga suburut ki sawalid’a.

Sawal la giled’a 105:43

mi buzuk sum mama woyo, a le furîd’a; suma mi manazina a hle sawala.

Sawal la giled’a 106:12

Ata yi máma a he gagazid’a yam zla mamba, a gilem ki sawala mi.

Sawal la giled’a 107:15

Ar a gile Ma didina yam o mam mba didinda, yam sun mam mba ndandal la mi lat yam sumid’a.

Sawal la giled’a 107:8

Ar a gile Ma didina yam o mam mba didinda, yam sun mam mba ndandal la mi lat yam sumid’a.

Sawal la giled’a 32:7

Angî yi man ma ngeid’a, ang nga ngomon kur ndaka, ang nga nguyun kä ki sawal la bangâna. Tchol ndjö

Sawal la giled’a 76:6

Suma dur ayî suma ad’engâ, a hurumuziya wa, azi pet a bur wa sen ma ki irazi fafatna. Suma dur ayî ndazina, ad’engêzi d’a dur ayîna nga d’uo d’a.

Sawal la giled’a 76:7

Ata yima ang Alona hi Jakob-ma ang ngobozina, suma djang akulumeina a puk kä kakulumei mazina.

Buzuk ka Abud’a 14:26

Ma didina mi de mi Moise ala: Ang hlabong akulo yam alum ma ngolâ. Mbina mba mi hulongî kusa kä yam Ezipte-na, yam pus mazi ma dur ayîna, yam mazi suma djang akulumeina mi.

Buzuk ka Abud’a 14:27

Moise mi hlabom akulo yam alum ma ngolâ. Kid’a yina ar go á fod’id’a, alum ma ngolâ mi hulongî kusa kä blangâm kad’enga bindit! Ezipte-na a nde tcha ringâ tata abo hep pa mi hebezi ped’eta. Wani Ma didina mi zud’uzi kä kur alum ma ngolâ atogo zak.

Buzuk ka Abud’a 15:21

Miriyam ti hulong dazi ala: Agi hlagi sawala á gilegi Ma didina, kayam me mi tak ad’eng mam mba kal teglesa woi abua, mi tchuk akulumeina ki suliyozina kä kur alum ma ngolâ.

Buzuk ka Abud’a 18:11

Ki tchetchemba, an wala Ma didina ni ma kal alona petna, kayam tcho d’a Ezipte-na a ngat kuruzi á lat mi Israel-lîd’a ti hulong kaziya.

Zla d’a d’ogolâ 29:6

Suma asa’atna a mbut ni magumeina hi tcho mazid’ina, wani suma d’ingêrâ a nga hle sawal la bangâna ki furîd’a ngola.

Isai 42:10

Agi suma nga tid’igi kur alum ma ngolîna, agi suma nga oîd’a kuruma, agi suma nga kaka yam tilina, ar agi hlagi sawal la awilid’a mi Ma didina, agi hagizi ngola, agi gilegizi avun dabid’a handagad’id’a pet mi.

Jeremi 51:21

Ni ki ndak ba, an kus kakuluma ki sama djangâma, ni ki ndak ba, an kus ki pus ma dur ayîna ki sama mi djangâma mi.

Wana ni mbaktumba hi Oze-d’a 2:17

Ata yi máma an mba ni hulongôt asine mat ma guguzlud’a, an mba ni mbut hor ra Akor-ra d’igi vun agrek ma mi malat lovot ta tin hurîna na. Ti mba d’i tit ad’un d’igi ndat ti tit ad’un adjeu ki weyeta na, d’igi bur ma ndat ti nde woi yam ambas sa Ezipte-d’ina na mi.

Habakuk 3:18

hina pet pî, an ni le furîd’a yam ang Ma didina, an ni le hur ma hapma yam ang Alo man ma suta.

Ndumba 21:17

Nata yi máma ba, Israel-lâ a hle sawal la wanda ala: Ndak golonga, ndak hoba akulo!

Kolos-sâ 2:15

Christ mi yo ahle suma dur ayîna hi muzuk ma teteng ma tcho ma te yamba ki muzuk ma teteng ma ad’eng ma sä akulona woyo, mi tagazi woi pid’ak ala mi kus kazi nakulo ata agu ma b’ala.

Vama ndum mbeina 15:3

Azi nga hle sawala hi Moise azongâ hAlonid’a ki sawala hi Gor timinid’a ala: Salad’a Alo ma ad’engêm kal petna, sun manga ni sun nda ngol la kal papad’a. Amulâ handjaf sumina, nga hur mangâ ni d’ingêr gagazi.