Buzuk ka Abud’a 14:4 - Bible azumeina

⁴ An mba ni b’al hur Faron kiki. Mam mba mi digigi ad’ugiya, wani an mba ni mbut ni vama subura yam Faron ki azigar mama. Hina wani, azi mba wala an ni Ma didina. Israel-lâ a lahle suma Ma didina mi hazi vuna kazina.

Buzuk ka Abud’a 14:4 ပူးပေါင်းရင်းမြစ်များ

Nehemi 9:10

Ang tak ahle suma yoyou suma ndandalâ woi ata Faron, ata azungeî mama, ata suma yam ambas mambina pet mi, kayam ang we murud’um mba ngol la azi lat mabuyomi ngolod’a, ang tak subur manga woi atazi d’igi ini na mi.

Buzuk ka Abud’a 10:2

Ni kayambala ang mba de zla ndata woi mi grongâ ki grong ngolona ala ni nana ba, an ngop Ezipte-na kahle suma simat suma an lazi adigazina ge? Ni hina ba, agi mba wagi ala an ni Ma didina.

Buzuk ka Abud’a 10:27

Wani Ma didina mi b’al hur Faron kiki; Faron mi min arazi á id’a d’i.

Buzuk ka Abud’a 12:28

Israel-lâ a iya, a le d’igi Ma didina mi he vuna mi Moise azi ki Aron na.

Buzuk ka Abud’a 14:23

Azigar suma Ezipte-na a nga digizi ad’uziya. Akulumeina hi Faron-na ki pus mam ma dur ayîna ki mam suma djang akulumeina a tchuk kä kur alum ma ngolâ blogoziya.

Buzuk ka Abud’a 14:25

Mi d’elezi abo pus mazi ma dur ayîna á djangâ, nga mi pret ti. Ata yi máma Ezipte-na a dala: Ei ringî woi avok Israel-lâ, kayam Ma didina nga mi duri kaziya!

Buzuk ka Abud’a 14:3

Faron mba mi de yam Israel-lâ ala: A vid’a wa woi kur ambasa, fulâ mi duga wa abom kaziya.

Buzuk ka Abud’a 14:5

Suma a mba, a de mamul ma Ezipte-na ala: Israel-lâ a ring wa. Ata yi máma Faron kazungeî mama djib’er mazid’a mbut kä yam Israel-lâ, a dala: Ei lei ni me hina ba, ei arei Israel-lâ a i ge? Ni kayam me ba, ei arazi á lei sun nda magomba d’uo ge!

Buzuk ka Abud’a 14:8

Ma didina mi b’al hur Faron amul ma Ezipte-na kiki á dik ad’u Israel-lâ. Israel-lâ a buzu’î ad’u ad’enga hAlonid’a.

Buzuk ka Abud’a 18:11

Ki tchetchemba, an wala Ma didina ni ma kal alona petna, kayam tcho d’a Ezipte-na a ngat kuruzi á lat mi Israel-lîd’a ti hulong kaziya.

Buzuk ka Abud’a 6:7

an mba ni yogi á mbud’ugi sum mana, an mba ni arî Alo magina mi. Agi mba wagi ala an ni Ma didina Alo magi ma pad’agi woi kur sun nda anek ka Ezipte-na a tinigizi kagid’ina.

Buzuk ka Abud’a 7:17

Ni kayam ndata ba, Ma didina mi dala: Nata vama simat ma wana ba, ang mba wala an ni Ma didina. Gola! An nga ni wat mbiyo alum ma Nil-lâ ki totogo d’a abonda, mbina mba mi mbut buzuna!

Buzuk ka Abud’a 7:3

Wani an mba ni b’al hur Faron, an mba ni zul ahle man suma simata ki suma ndandalâ kur ambas mamba.

Buzuk ka Abud’a 7:5

Ata yima an mba ni ngop Ezipte-na, ni buzugï Israel-lâ woi adigazina, azi mba wala an ni Ma didina.

Buzuk ka Abud’a 9:16

Wani an arang nga kaka ini ni yambala ang wad’eng manda ar suma a yan simiyên ndei yam andagad’a ped’u d’a.

Ezekiyel 20:9

Wani an le nga hina d’i, kayambala ar azi mbud’un simiyên vama ndjendjed’a ir andjaf suma azi nga kaka adigazina d’uo d’a, azi sumala ni glangâsâ yam vun ma hle ma an hlum ala an mba ni buzuguzï woi kur ambas sa Ezipte-d’a na.

Ezekiyel 28:22

Ang dum ala: Salad’a Ma didina mi dala: Ang azì ma Sidon-na, an nga ni durungû, an mba ni subur tan kurungû. Fata an kang sariyad’a kanga, suma a mba wala an ni Ma didina, a mba han ngola kurung mi.

Ezekiyel 32:15

Fata an mba ni mbut ambas sa Ezipte-d’a djona mba ni dap ahle suma kurutna woi pet ni tchi suma kurutna woi pet mi d’a, azi mba wala an ni Ma didina.

Ezekiyel 38:16

Ang mba mba ata man suma Israel-lâ d’igi d’ugul la ti duk yam andagad’id’a na. Bizad’a mba d’i kal ablaud’a, ahle ndazina a mba ndaga. Ang Gok, an mba ni mba ki sed’eng á dur ayîna kambas manda kayambala andjaf suma dingâ a wala an nAlo ma bei tchod’a ba na d’a. Wana ni vama an mba ni lum ki sed’eng kä irazina.

Ezekiyel 38:23

Hina wani, an mba ni tak tan ndei mandjaf suma pet ala an nAlo ma ngol ma bei tchod’a ba na. Ata yi máma azi mba wala an ni Ma didina.

Ezekiyel 39:13

Suma yam andaga ndatina pet a mba tozoziya. Simiyêzi mba mi yi yam zla ndata, kayam ni bur ma an mba ni tagazi subur manda woina. An Salad’a Ma didina ni de na.

Sunda hi suma hi Levi-nid’a 10:3

Ata yi máma Moise mi de mi Aron ala: Wana ni zla d’a Ma didina mi data: Suma a mba go ki sed’en á lan sundina, mbeî a tak kak man nda yed’eta woi abua, mbeî a suburun avok suma pet mi. Wani Aron mi kak ki vunam ma du’â.

Romê-na 11:8

D’igi mbaktumba hAlonid’a ti de na ala: Alona mi mbud’uzi lilid’a, mi mbud’uzi suma bei wed’a, mi mbud’uzi suma bei humba gak ini.

Romê-na 9:17

Kur mbaktum mamba, Alona mi de mamul ma Ezipte-na ala: An tining amula ná tak ad’eng manda woi atangû, kayam simiyên mi wet tei yam andagad’a pet.

Romê-na 9:18

Ni hina ba, Alona mi we hohowa sama mam min wum hohowoma, mi b’al hur sama mam min b’alam huruma mi.

Josue 11:20

Kayam ni Ma didina ba, mi b’alazi huruzi á dur ayîna ki Israel-lâ kayambala Israel-lâ a dabazi tchid’a woi bei wazi hohowozi d’igi Ma didina mi he vuna mi Moise na d’a.

Suma ka sariyad’a 4:7

An mba ni lobï Sisera ma ngol ma dur ayîna hi Jabin-na ki pus mam ma dur ayîna ki azigar mama woi geveng avun toliyon nda Kison-nda, an mba ni hangzi abongû.