Buzuk ka Abud’a 13:14 - Bible azumeina

¹⁴ Fata grogina a mba djobogi avin ala: Ad’u zla ndata nana ge d’a, agi mba dazi ala: Ni Ma didina kad’eng mamba ba, mi buzugumï woi kur Ezipte kur yima a lami magomba kuana.

Buzuk ka Abud’a 13:14 ပူးပေါင်းရင်းမြစ်များ

Ad’u Tinda 30:33

Ndjivin nda ang mba mba á gol wurak mandid’a, ang mba wala an ni sama d’ingêrâ; ahok b’ogei suma tazi nga ndundub’uk kuo na, suma tazi nga tchetchef fuo na d’oze tumiyô suma tazi nga wurad’a d’uo na, le a nga aduk mandjiyo ni, ndata ni kula.

1 Sunda Hamuleinid’a 16:12

Agi andjafâ hi Israel azong mamina, agi andjafâ hi Jakob ma mam manama, agi djib’eregi yam sun mam mba ndandal la mam lata, yam ahle suma yoyouna ki sariya d’a nga mi kata mi.

Nehemi 1:10

Ami nazungeî mangâ, ami ni sum mang suma ang pad’ami woi kad’eng mang nga kal teglesa kabong ma ad’engîna.

Sawal la giled’a 136:11

Ni ma buzugï Israel-lâ woi aduk Ezipte-nina, kayam o mamba nga d’i dap pi.

Sawal la giled’a 145:4

Ar suma kur atchogoi d’a lara ge petna a suburung sun manga, ar a de woi yam sun nda ad’eng nga ang lata.

Sawal la giled’a 78:4

Ei mba ngeyeizi mi gureina d’i. Wani ei mba dei woi mandjaf ma nga mi mba bugolâ, yam subura hi Ma didinid’a, yam ad’eng mamba ki sun nda ndandal la mam lata mi.

Buzuk ka Abud’a 10:2

Ni kayambala ang mba de zla ndata woi mi grongâ ki grong ngolona ala ni nana ba, an ngop Ezipte-na kahle suma simat suma an lazi adigazina ge? Ni hina ba, agi mba wagi ala an ni Ma didina.

Buzuk ka Abud’a 12:41

Kid’a biza d’a kikis fid’i yam dok hindi ndata ndaka, kur bur máma tamba, suma hi Ma didinina pet a buzuk kei yam ambas sa Ezipte-d’a.

Buzuk ka Abud’a 13:3

Moise mi de mi Israel-lâ ala: Agi djib’eregi yam bur ma agi buzugugï woi kur Ezipte kur yima a lagi magomba kuana. Kayam ni Ma didina kad’eng mamba ba, mi buzugugï woi kua. Ar sa mi tavungô ma a lum kangufina kur bur ma ge hum máma d’i.

Buzuk ka Abud’a 13:8

Kur bur máma agi mba dagi mi grogina ala: Ni vama ge humba yam vama Ma didina mi lum ki sed’emi kid’a mi buzugumï woi kur ambas sa Ezipte-d’id’a.

Buzuk ka Abud’a 13:9

Bur máma mba mi mbut ni vama ge humba d’igi vama taka na djinda del abogiya, ni d’igi vama djib’era na djinda avorogi mi, kayam agi aragi gata hi Ma didinid’a ti wal lei ki vunagi d’i. Kayam ni Ma didina kad’eng mamba ba, mi buzugugï woi kur ambas sa Ezipte-d’a.

Buzuk ka Abud’a 20:2

An ni Ma didina Alo mang ma pad’angî woi kur ambas sa Ezipte-d’a ata yima a lang magomba kuana.

Buzuk ka Abud’a 6:1

Ma didina mi de mi Moise ala: Ki tchetchemba, ang mba we vama an mba ni lum ki Faron-na. Ad’eng manda mba d’i oromom gak mam mba mi arazi á id’a. Ad’eng ndata mba d’i oromom gak mba mi digizi woi yam ambas mamba.

Buzuk ka Abud’a 6:6

Kayam ndata, ang i de mi Israel-lâ ala: Alona mi dala: An Ma didina nga ni pad’agi woi kur sun nda anek ka Ezipte-na a tinigizi kagid’a, an nga ni pad’agi woi kur magom mba a nga lagizid’a mi. An mba ni ngobozi ngop pa tchod’a, an mba ni prud’ugi woi ki bigan nda zid’a kan akulo zid’a,

Buzuk ka Abud’a 6:7

an mba ni yogi á mbud’ugi sum mana, an mba ni arî Alo magina mi. Agi mba wagi ala an ni Ma didina Alo magi ma pad’agi woi kur sun nda anek ka Ezipte-na a tinigizi kagid’ina.

Jeremi 34:13

An Ma didina Alona hi Israel-lîna ni djin vunan kabuyogi ngolo kur bur ma an buzuguzï woi kur ambas sa Ezipte-d’a kur yima a lazi magomba kuana, an dazi ala:

Daniel 9:15

Ki tchetchemba, Salad’a Alo mamina, angî ma buzugï sum mangâ woi kur ambas sa Ezipte-d’a kabong ma sib’ika á yi simiyêng d’igi nga mi yi ini na na. Ami lami tchod’a, zla d’a nga kami mi.

Sunda hi suma a sunuzinid’a 13:17

Alona hi Israel-lîna, mi man abuyoi ngolo. Kid’a azi nga angoyogeina kur ambas sa Ezipte-d’id’a, mi zuluziya. Bugola, mi pad’azi woi kur ambas sa Ezipte-d’a kad’eng mamba.

Gat ta a hat á mbàd’id’a 5:15

Ang djib’er ala ang ei ni magomba kur ambas sa Ezipte-d’a, ni an Ma didina Alo mangâ ba, ni ndangî woi kabon ma ad’engâ ki bigan nda zid’a kan akulo zid’a mi. Ni kayam ndata ba, an Ma didina Alo mangâ ni hang vuna á tuk tad’a wana.

Gat ta a hat á mbàd’id’a 5:6

An ni Ma didina Alo mang ma pad’angî woi kur ambas sa Ezipte-d’a ata yima a lang magomba kuana.

Gat ta a hat á mbàd’id’a 6:12

fata agi tagizi agi hobogi ki sed’ezid’a, agi gologi tagi djiviya! Ar agi maragi yam Ma didin ma pad’agi woi kur ambas sa Ezipte-d’a kur yima a lagi magomba kuana d’i.

Josue 22:24

Nga ni na d’i! Ni yam mandar ma kurumina ba, ami lami ki wana. Ami djib’eremi ala bur tu grogina a mba de mi gromina ala: Vama zlabagi darigïd’a ki Ma didina Alona hi Israel-lîna ni me ge?

Josue 24:17

Kayam Ma didina nAlo mamina; ni mam ba, mi buzugumï woi kur Ezipte kabuyomi ngolo kur yima a lami magomba kuana; ni mam ba, mi lahle suma atchapma kä iramiya; ni mam ba, mi ngomomi kur lovot ta ami hlad’ï aduk suma wanid’a.

Josue 4:6

kayambala ahuniyô ndazina a ka’î vama simata adigagi ata yima grogina a mba djobogi ndjivin ala: Ahuniyô ndazina ad’uzi nana ge na.

Suma ka sariyad’a 2:12

A ar Ma didina Alona habuyozi ngolo ma buzuguzï woi kur Ezipte-na woyo, a zlap kalo ma tetengâ hi suma a nguyuzina, a nga grif kä avoromu. Ni hina ba, a zal hur Ma didina.

Suma ka sariyad’a 6:8

Ma didina mi sunuzi ma djogom vunama. Sa máma mi dazi ala: Ma didina Alona hi Israel-lîna mi dala: An ni buzugugï woi avo Ezipte kur azì ma a lagi magomba kuana.