Buzuk ka Abud’a 13:12 - Bible azumeina

¹² agi mba hagi grogi suma agi vud’uzi avo’â mi Ma didina, suma d’oze d’uwarâ. Suma andjofâ pet ni suma hi Ma didinina.

Buzuk ka Abud’a 13:12 ပူးပေါင်းရင်းမြစ်များ

Nehemi 10:36

á mbami ki gromi suma vut avo’â ki d’uwar mami ma vut avo’â d’igi a b’ir kur Gata na, á mbami kamuzlei suma a vut avo’â kahok suma a vut avo’â mi suma ngat buzu suma a nga le sunda kur gong nga kud’ora hAlo mamid’ina,

Nehemi 10:37

á mbami kafut mamid’a ki he d’a hawad’a hi vud’agu maminid’a pet ki süm guguzlu d’a bei ned’a ki mbulâ mi suma ngat buzu suma a nga kur gong nga kud’ora hAlo maminid’a, á hami dima hahle suma ami zumuzina mi suma hi Levi-na mi. Ar suma hi Levi-na a i ve dima ni azi tazid’a kur azì ma nglo ma nga yam andaga d’a ami nga zumumi kuad’a.

Buzuk ka Abud’a 13:1

Ma didina mi de mi Moise ala:

Buzuk ka Abud’a 13:2

Ang tin gro suma a vud’uzi avok aduk Israel-lîna pet irazi vaziya, kayam gro suma a vud’uzi avo’â pet, le ni suma d’oze d’uwarâ, a ni mana.

Buzuk ka Abud’a 22:28

Agi ngulugi an Alo magina d’i, agi ngulugi amul magina d’uo mi.

Buzuk ka Abud’a 22:29

Agi lagi lilinga á han awu magina ki vud’agu magi ma ne avo’â d’i. Agi handï grogi suma a vut avo’â.

Buzuk ka Abud’a 34:19

Gro suma agi vud’uzi avo’â pet ni mana, d’uwar magi ma ndjof ma a vud’um avok aduk amuzleinina d’oze aduk aho’îna ni mana.

Buzuk ka Abud’a 34:20

Gor koro ma a vud’um avo’â, agi mbud’um ki gor timina. Le sama mi mbud’um nga d’uo ni, agi kuzum mogonomu, agi mbud’ugi yam grogi suma a vud’uzi avo’â pet. Ar sa mi mba avoron abom hawa d’i.

Ezekiyel 16:20

Ndak yo grok suma andjofâ ki grok suma arop suma ndak vud’undjina, ndak hazizi ahle suma ngat buzuna á ngalazi woyo. Wana ndagak nga yam gaulang ma’â d’uo tua zu?

Ezekiyel 44:30

Vud’agu ma ne avo’â kahle suma a handjina pet ni mazina. Avungô ma agi mba ilim avo’â, agi mba humî mi suma ngat buzuna. Hina wani, an mba ni b’e vunan yam aziyagiya.

Sunda hi suma hi Levi-nid’a 27:26

Ma didina mi de kua ala: Sana mi ndak á tin d’uwar mam ma vut avo’â iram vam á hum mi an Ma didina d’i, kayam ahle suma a vut avo’â pet, le ni gor amuhlâ d’oze gor b’ëna d’oze gor timina, a tinizi ni irazi vazi mi an Ma didina da’.

Ndumba 18:15

Ahle suma a vut avo’â pet suma a mba handjina, sana d’oze d’uwarâ, a arî mangâ. Wani ang mbut yam gor ma a vud’um avo’â ki d’uwar ma ndjendje ma a vud’um avo’â mi.

Ndumba 3:12

Ni an ba ni man suma hi Levi-na aduk Israel-lâ á vrak balum gro suma a vut avo’â hi Israel-lîna á kak sum mana.

Ndumba 3:13

Gro suma a vut avo’â pet a ni mana. Kur bur ma an ni tchi gro suma a vut avo’â hi Ezipte-na woi yam ambas mazid’ina, an tin gro suma a vut avo’â hi Israel-lîna irazi vazi mi anu. Le ni suma d’oze d’uwarâ a ni mana. An ni Ma didina.

Ndumba 8:17

Gro Israel suma a vut avo’â pet aduk suma d’oze d’uwarâ ni mana, kayam bur ma an tchi gro suma a vut avo’â hi Ezipte-nina woi kur ambas mazid’ina, an tin gro Israel suma a vut avo’â irazi vazi mi anu.

Wana ni Zla d’a Djivi d’a Luc mi b’irita 2:23

Ni d’igi a b’ir kur gata hi Salad’id’a na ala: Gor ma lara pî ma a vud’um avo’â, a mba tinim iram vam mi Salad’a.

Gat ta a hat á mbàd’id’a 15:19

Moise mi de kua ala: Agi tinigi gro d’uwar magi ma andjof ma mi vut avok aduk d’uwar magi ma nglona ki ma gureinina irazi vazi mi Ma didina Alo magina. Ar agi lagi sunda ki gor amuhl ma mi vut avo’â d’i, ar agi tchawagi gor timi ma mi vut avo’â woi d’uo mi.