Buzuk ka Abud’a 12:22 - Bible azumeina

²² Agi hlagi agu hisop ma djinda mugulak d’igi asimatna na na, agi nigim kä aduk buzu ma a vom kä kur halîna, agi yamam akulo avun bilâ, avun gonga abo hî abo hî mi. Agi ar sa mi nde woi avun aziyam mbi gak yima fod’a.

Buzuk ka Abud’a 12:22 ပူးပေါင်းရင်းမြစ်များ

Sawal la giled’a 51:7

Gola! Ata yima asun van wirîna pî, an ni kur tchod’a; ata yima a vud’una pî, an ni kur tchod’a mi.

Buzuk ka Abud’a 12:7

Agi vagi buzuwamu, agi yamam avun gonga abo hî abo hî, agi yamam avun bilâ akulo mi, avun azì ma agi mba tum kuana.

Isai 26:20

Sum mana, agi igiya, agi tchugugi klavi hatagiya, agi dugugi vun gonga blogogiya, agi ngeyegi tagi ndjö gak ayî mama mi kal lei tua.

Ndumba 19:18

Ar sama yed’etna mi hlagu hisopma, mi nigim kä aduk mbina. Bugola, mi yamam yam zlub’ud’a, yam ahle suma kurutna, yam suma kurutna, yam sama mi doï aso’îna d’oze sama a tchuma d’oze ma mi mit kä na d’oze asud’ina.

Matiye 26:30

Ata yima a hle sawal la gile Alona tuna, a buzuk a i yam ahina d’a Olif-fa.

Hebre-na 11:28

Ni yam he gagazid’a ba, mi le Pa’â, mi he vuna á yam buzuna avun azina, kayam malaika ma tchi suma mi tchi gro suma a vud’uzi avo’â hi Israel-lîna woi d’i.

Hebre-na 12:24

Agi mbagi go gen Jesus ma aduk suma kAlona yam vun ma djin ma awilina ki buzuwam ma yama a nga dum zlam djivid’a kal buzuna hi Abel-lîna.

Hebre-na 9:1

Vun ma djin ma avo’â nga ki vun ma hed’a á kud’or Alona kur gong mamba ka hî yam andagad’a.

Hebre-na 9:14

buzuna hi Christ ma he tam mAlona bei ndala yam minda hi Muzuk ma gak didinina, mi ndak á mbuzi djib’er ra kurid’a hi sun nda hawa yaka woi á le sunda mAlo ma arina kal luo zu?

Hebre-na 9:19

Ata yima Moise mi tak suma vun ma hed’a hi gatina petna, mi hle buzuwa gro amuzleina ki buzuwa aho’â zlapa ki mbina ki tumus sa hleud’a hi timinid’a ki hisopma, mi yam buzu máma yam mbaktum mba gata, yam suma pet mi.

Josue 2:19

Sama lara ma mi nde woi avun agrek ma’îna, buzuwamî kam mam tamba. Wani le sa adigami mi tin abom ata sama nga avo hata’â ni, buzuwamî kamiya.

1 Pierre 1:2

Agi ni suma Abui Alona managi yam min mamba avok dei á mbud’ugi sum mama yam Muzuk mama á gagi yagi kä avok Jesus Christ ma mi mbuzugi woi yed’et ki buzuwama. Ar Salad’a mi vagi sumad’a ki b’leng nga halasa avogovogo.