Buzuk ka Abud’a 12:16 - Bible azumeina

¹⁶ Kur bur ma avo’â agi mba togogi tok ka a tinit irat vata, kur bur ma kid’iziyana agi mba togogi tok ka ding nga a tinit irat vata mi. Ar sa tu pî mi le sun kur bur máma d’i, ar nge nge pî mi le ni te mama hol.

Buzuk ka Abud’a 12:16 ပူးပေါင်းရင်းမြစ်များ

Buzuk ka Abud’a 16:23

Moise mi dazi ala: Wana ni vama Ma didina mi de kama. Avin ni bur ma sabat ma tuk tad’a, ni sabat ma a tinim iram vam mi Ma didinina. Agi sorogi vama ndak á sorina, agi yagi vama ndak á yid’ina mi. Vama arâ, agi ngomogizi gak yorogo.

Buzuk ka Abud’a 16:29

Gola! An hagi bur ma sabatna. Ni kayam ndata ba, an hagi tena kur bur ma karagayana ir burâ mbà ni na. Ar nge nge pî mi kak ata yima mi nga kuana, ar sa mi nde woi kur bur ma kid’iziyana ata yima mam nga kaka kuana d’i.

Buzuk ka Abud’a 16:5

Kur bur ma karagayana, ata yima azi mba le te ma azi yoma, azi mba fumî ir burâ mbà, kal ma agi nga yom burâ ki burîna.

Buzuk ka Abud’a 20:10

Wani bur ma kid’iziyana ni bur ma sabat ma ang tinim iram vam yam an Ma didina Alo mangîna. Ar ang le sunda kua d’i, nala, ang tanga, gorongâ, goronga, azong mangâ, wei manga, d’uwar mangâ d’oze angei ma nga kaka avo hatangâ.

Buzuk ka Abud’a 34:18

Agi ngomogi vun til ma a lum kavungô ma bei angufina. Kur burâ kid’iziya, ata yima ngam kur til ma Abip-mina, agi tagi avungô ma bei angufina d’igi an hagi vuna na, kayam ni kur til ma Abip-ma ba, an buzugugï woi kur ambas sa Ezipte-d’a.

Isai 1:13

Ar agi mbagi ki he magi d’a hawa d’a hawa yaka d’i. Andosâ hi dubang magi ma his djivid’ina ni vama ndjendjed’a iranu. Ar agi mbagi kahle magi suma ngat buzuna kur bur ma deîd’a hi tilîna d’oze kur bur ma sabatna d’oze kur bur ma vun til ma teteng ma a ngama d’i. Kayam an nga ni min kud’or ra zlapa ki mat ma tchid’id’a d’i.

Sunda hi suma hi Levi-nid’a 23:21

Kur bur máma agi tchagi wala yam tok ka a tinit irat vata. Agi lagi sun nda kaud’a kur bur máma d’i. Wana ni gat ta didinda yam andjavagi ata yima lara ge pet ma agi mba kagagi kuana.

Sunda hi suma hi Levi-nid’a 23:27

Kur bur ma dogona hi til ma kid’iziya mámina, ni bur ma a zlup yam tchod’a kuana. Agi togogi tok ka a tinit irat vata á kud’uronu, agi mbud’ugi tagi hohoud’a, agi hagi ahle suma ngat buzu suma ngala mi an Ma didina.

Sunda hi suma hi Levi-nid’a 23:35

Kur bur ma avo’â agi mba togogi tok ka a tinit irat vata, agi lagi sun nda kaud’a kur bur máma d’i.

Ndumba 28:18

Kur bur ma avok máma agi togogi tok ka a tinit irat vata á kud’uron an Ma didina, agi lagi sun nda kaud’a kur ri.

Ndumba 28:25

Kur bur ma kid’iziyana agi togogi tok ka a tinit irat vata á kud’uron an Ma didina, agi lagi sun nda kaud’a kur ri.

Ndumba 28:26

Ma didina mi de kua ala: Kur bur ma Pantekot-na ata yima agi mbagi kawu magi ma navo’îna, agi mba togogi tok ka a tinit irat vata á kud’uron an Ma didina, agi mba lagi sun nda kaud’a kur ri.

Ndumba 29:1

Ma didina mi de kua ala: Kur bur ma avo’â hi til ma kid’iziyanina, agi togogi tok ka a tinit irat vata, agi lagi sun nda kaud’a kur ri, kayam ni bur magi ma aîd’a.

Ndumba 29:12

Ma didina mi de kua ala: Kur bur ma dogo yam vahlâ hi til ma kid’iziyanina, agi togogi tok ka a tinit irat vata, agi lagi sun nda kaud’a kur ri. Agi lagi vun tilâ á suburun an Ma didina gak burâ kid’iziya.

Jean 19:31

Bur máma ni bur ma a min ahlena yam bur ma sabatna. Juif-fâ a djop Pilat á kus suma a b’alazina aseziya, á pad’azi kä, kayam mad’azi mi ar akulo ata aguna kur bur ma sabatna d’i, kayam bur ma sabat máma ni bur ma ngolâ.

Gat ta a hat á mbàd’id’a 16:8

Agi tagi avungô ma a lum bei angufina gak burâ karagaya kur bur ma kid’iziyana, agi togogi tok ka ngola avok Ma didina Alo magina. Ar agi lagi sun kur bur máma d’i.