Buzuk ka Abud’a 12:14 - Bible azumeina

¹⁴ Bur máma mba mi mbut ni bur ma ge humba. Agi mba lagi vun tilâ kur bur máma á suburun an Ma didina. Vun til máma mba mi mbut ni gat magid’a kur atchogoi d’a lara ge pet.

Buzuk ka Abud’a 12:14 ပူးပေါင်းရင်းမြစ်များ

2 Amuleina 23:21

Amulâ Josiyas mi he vuna mi suma pet ala: Agi lagi vun til ma Pa’â á he ngola mi Ma didina Alo magina d’igi mbaktum mba Alona mi djin vunam kura ti de na.

Sawal la giled’a 111:4

Mi nga mi ge hum suma yam sun mam mba ndandala. Ma didina ni ma we hohowa sumina, ni ma sumad’a mi.

Sawal la giled’a 135:13

Ma didina, simiyêng mi nga gak didin; Ma didina, suma a nga djib’er kangî kur atchogoi d’a lara ge pet.

Buzuk ka Abud’a 12:17

Agi mba ngomogi vun til ma a lum kavungô ma bei angufina, kayam ni kur bur máma tamba ba, an mba ni buzugugi ades magina woi kur ambas sa Ezipte-d’a. Agi ngomogi bur máma d’igi gat ta didinda na yam andjavagi kur atchogoi d’a lara ge pet.

Buzuk ka Abud’a 12:24

Agi kandjavagi agi mba ngomogi bur máma d’igi ni gat magid’a na gak didin.

Buzuk ka Abud’a 12:43

Ma didina mi de mi Moise azi ki Aron ala: Wana ni gat ta yam vun til ma Pa’îd’a: Ar andjaf ma ding mi tum zlapa ki sed’egi d’i.

Buzuk ka Abud’a 12:6

Agi ngomom gak bur ma dogo yam fid’ina hi til ma wanina, toka hi Israel-lâ pet a ngat ahu ma a manam máma ki fladege d’a afata i nikid’a.

Buzuk ka Abud’a 23:15

Agi ngomogi vun til ma a lum kavungô ma bei angufina, agi lum gak burâ kid’iziya kur til ma Abip-ma d’igi an hagi vuna na. Kayam ni kur til máma ba, agi buzugugï woi avo Ezipte. Ar sa mi mba avoron abom hawa d’i.

Buzuk ka Abud’a 27:21

Ar Aron azi ki groma a tin lalamba kur zlub’u d’a ngaf tad’a avok baru d’a ka ir ra nga avok zanduk manid’a, kayam ti ngal avoron an Ma didina andjege dei gak yorogo. Gat ndata ti arî gat ta didinda yam Israel-lâ kur atchogoi mazid’a pet.

Buzuk ka Abud’a 5:1

Bugol ahle ndazina, Moise azi ki Aron a i gen Faron, a dum ala: Ma didina Alona hi Israel-lîna mi dala: Ang ar sum mana a iya, kayam azi i le vun tilâ á gilen simiyên abagei hur fulâ.

Ezekiyel 46:14

Yorogo d’a lara pî a handji ni zlapa ki gemena kilona vahl gizeîd’a ki mbulâ lidirâ mbà. A le yam gat ndata hina burâ ki burâ.

Sunda hi suma hi Levi-nid’a 23:6

Kur bur ma dogo yam vahlâ hi til mámina ni vun til ma a lum kavungô ma bei angufa á kud’uron an Ma didinina. Agi tagi avungô ma a lum bei angufina gak burâ kid’iziya.

Zakari 6:14

Avavala ti arî vama ge humba kur gong man nda kud’ora yam Heldai, Tobiya ki Jedaya kandjaf ma danana hi Sofoni-na mi.

Ndumba 10:8

Ma ngat buzuna Aron groma a but ni aziya; ti arî gat ta didinda kagi kur atchogoi magi d’a lara ge pet.

Ndumba 15:15

Gat ndata mba d’i ka’î yam ablaud’a pet, yam agi Israel-lâ d’igi yam angoyogeina na mi. Mba d’i ka’î gat ta irata kur atchogoi d’a lara ge pet ta nga d’i mbad’a. An Ma didina nga ni le ki Israel-lâ vazi mi, ni le kangoyogeina vazi mi d’i.

Ndumba 16:40

Zla ndata ti arî vama ge humba mi Israel-lâ tala sama ding ma nga nandjafâ hi Aron nduo na, mi ndak á hut go á ngal dubang ma his djivid’ina avok Ma didina d’uo d’a. Le sama dingâ mi le na ni, mba mi mit ni d’igi Kore ki sum mama na d’igi Ma didina mi de woi yam Aron avun Moise na mi.

Ndumba 18:8

Ma didina mi de mi Aron ala: Gola! An hang sun nda ngom he d’a hawa d’a Israel-lâ a nga handjid’a, an hangzi kahlena pet suma Israel-lâ a tinizi irazi vazina mi ang ki grongâ. A arî b’rau manga kandjavang ki iragi fafat.

Matiye 26:13

Gagazi, an nga ni dagiya, ata yima lara ge pet ma a mba tchi wal Zla d’a Djivid’a kua yam andagad’a petna, a mba de yam vama atcha ndata ti luma á djib’er kad’u.

Wana ni Zla d’a Djivi d’a Luc mi b’irita 22:19

Mi hlavungôna, mi le mersi mAlona kamu, mi mbrugum kä, mi haziziya, mi dazi ala: Ma wana ni hliwin [ma an hum mbei kagina. Ar agi lagi hina á djib’eregi kanu.

Gat ta a hat á mbàd’id’a 16:1

Moise mi de kua ala: Agi ngomogi til ma a yum ala Abip-ma, agi lagi vun til ma Pa’â á subur Ma didina Alo magina. Kayam ni kur til ma Abip-ma ba, Ma didina Alo magina mi buzugugï woi avo Ezipte andjege.

Gat ta a hat á mbàd’id’a 16:11

Agi ki grogi suma andjofâ ki grogi suma aropma kazungeî magina ki yugunei magina ki ma hi Levi ma mba mi kak avo hatagina zlapa kangeina ki ma hokuyod’a katcha d’a modonod’a suma a mba kak adigagina, agi lagi furîd’a avok Ma didina Alo magina ata yima mam mi manam á kak kuana.

Gat ta a hat á mbàd’id’a 6:8

Ang djinim del abongû, ang djinim avorong mi.

Josue 4:7

Ata yi máma agi hulong dazi ala: Nahuniyô suma ami yozi kur bur ma alum ma Jurdê-na mi wal lei aduk mbà ata yima zandu’â hi Ma didina nga mi djagam mbeina. Ahuniyô ndazina a arî vama ge humba mi Israel-lâ gak didin.

1 Samuel 30:25

David mi le hina kur bur máma. Gak kur bur ma bugolâ, zla ndata ti arî gata aduk Israel-lâ gak ini.