Buzuk ka Abud’a 11:8 - Bible azumeina

⁸ Moise mi dum kua ala: Ata yi máma azungeî mangâ pet a mba grif kä avoronu, a mba dan ala: Ang nde woi ki sum mangâ pet! Bugola, an mba ni nde woyo. Moise mi nde woi avok Faron kayîna tchitchid’ik.

Buzuk ka Abud’a 11:8 ပူးပေါင်းရင်းမြစ်များ

1 Amuleina 20:10

Ata yi máma Ben-Hadat mi hulongî sunda ata Ahap ala: Ata yima an b’lak Samari-na, le gugum ma arâ mi oî wa hur abo suma a nga tit ad’una ni, ar alona mi mban ndak ka ngol la kala kanu!

2 Amuleina 3:9

Amul ma Israel-lâ kamul ma Juda-na kamul ma Edom-ma a i ki azigar mazina. A ngui tita gak burâ kid’iziya, wani ablaud’a hi azigarîd’a ki d’uwar ma nga mi zi ahle suma dur ayîna blogozina a nga fe mbiyo ma tched’a d’i.

Nehemi 5:6

Ata yima an hum kal mazid’a ki zla mazi ndatina, hurun zal ngola.

Sawal la giled’a 6:1

Ni sawal la David mi hlat kading ma ziyom klavandina, mi hat mi ma ngolâ hi suma hle sawalina.

Buzuk ka Abud’a 10:29

Moise mi dum ala: D’igi ang de na, an min hulongî avorong ka hî d’uo mi.

Isai 49:23

Amuleina a mba mbut nabuyok suma a wulu’â, amulei suma aropma a mba mbut nasuyok suma a wulu’â, a mba grif kä avorok ki irazi andaga, a mba trâk gugum ma huyok ase’â woyo. Ndak mba d’i wala an ni Ma didina. Suma a tin huruzi kana a mba mbut zulona d’i.

Isai 49:26

Suma a nga djobok vuna’â, an mba ni hazi hliwizi tamba á mutna, a mba gurut ki buzuwazi d’igi sana mi gurut ki süm guguzlu d’a ayîna na. Suma pet a mba wala an ni Ma didin ma sud’uk ma ad’engêm kal petna hi Jakob ma mi wurak ka’â.

Ezekiyel 3:14

Muzuk ma mi hlan ndei akulona, mi i ki sed’enu. An i ki hur ma hata ki hur ma zala, kayam Ma didina abom mi nga tinda kan kad’enga.

Daniel 3:19

Ata yi máma Nebukanezar hurum zal ngola, iram mbut vama dingâ avok Sadrak ki Mesak ki Aben-Nego. Mi he vuna ala a hîk aku d’a füra akulo hîhîk yazi kid’iziya.

Ndumba 12:3

Wani Moise ni sama luluma ma kal suma yam andagad’ina petna.

Marik 3:5

Mi pret tam mi golozi ki zlazi pet, hurum zal ngola, kayam me mi fe hur ma wurana yam hur mazi ma b’ala. Mi de mi sa máma ala: Ang mat abong ngeyo. Mi mad’am mbeyo; abom mbut blangâm ma adjeuna.

Gat ta a hat á mbàd’id’a 29:24

Andjaf suma dingâ pet a mba dala: Ni kayam me ba, Ma didina mi le ki suma kur ambas ndatina na ge? Ni kayam me ba, hurum zal ngola kazi na ge?

Gat ta a hat á mbàd’id’a 32:24

Azi mba it abo meid’a, tazi mba d’i kumuruziya, tugud’ei d’a tchod’a mba d’i mba kaziya; an mba ni sunï amburei suma ayîna ki guguyo suma ayîna atazi mi.

Hebre-na 11:27

Ni yam he gagazid’a ba, Moise mi ar Ezipte, mi le mandara ayîna hamulîna d’i. Mi ve tam ad’enga d’igi mam we Alo ma bei wum ki irina na.

Vama ndum mbeina 3:9

Wana ni vama an mba ni le ki suma toka hi Seitan suma ka zla suma a nga yi tazi ala azi ni Juif-fâ na ba, azi nga ni Juif-fâ d’uo na. An mba ni lazi kad’enga, azi mba grif kä avorong á hungû. Azi mba wala an le wa kangû.

Suma ka sariyad’a 4:10

Barak mi yi andjafâ hi Zabulon-na kandjafâ hi Neftali-na avo Kedes. Suma 10.000 a i blogomu; Debora ti i ki sed’em mi.

Suma ka sariyad’a 8:5

A mbaza avo Sukot. Zedeyon mi de mi sumazina ala: Agi hagi avungôna mi suma ad’una nde, kayam azi seyâ. An nga ni di’î amulei suma Madiyan-na, nala, Zeba ki Salmuna.