Buzuk ka Abud’a 11:4 - Bible azumeina

⁴ Moise mi de mi Faron ala: Ma didina mi dala: An mba ni kal andjege dangâla hur azì ma Ezipte-na.

Buzuk ka Abud’a 11:4 ပူးပေါင်းရင်းမြစ်များ

2 Samuel 5:24

Le ang hum asem ma tita nga mi tchi akulo hum agu murâ ni, ang b’at tang atogo. Ni an Ma didina ba, nga ni tit avorong á dur azigarâ hi Filistê-nina.

Wana ni mbaktumba hi Job-pa 34:20

Atogo hina zak a nga bo woyo, andjege dangâla andjaf suma a nga zlaga, a ba woyo. Alona nga mi hle sama ad’engâ woi bei sa mi tin abom atam ba,

Sawal la giled’a 60:10

Mowap nangot man nda mbus tanda, Edom ni yima an tchuk atuguru mana kuana. Filistê-na a mba hle sawal la kus ayîna kanu.

Sawal la giled’a 81:5

Kayam ni gat ta yam Israel-lîd’a, ni vun ma hed’a hAlona hi Jakob-mina.

Buzuk ka Abud’a 12:12

Kur andjege ndata, an mba ni kleû tita hur azì ma Ezipte-na, an mba ni tchi gro suma Ezipte suma a vut avo’â woi pet, tinï ad’ud’a yam suma gak mba yam d’uwarâ. An mba ni ka sariyad’a yam alona hi Ezipte-nina pet, kayam an ni Ma didina.

Buzuk ka Abud’a 12:23

Ata yima Ma didina mba mi kal avo Ezipte á tchi sumina, mba mi we buzuna akulo avun bilâ, avun gonga abo hî abo hî, mba mi kal yam vun azì máma, mba mi ar ma tchi suma mba mi kal avo hatagi á tchagi d’i.

Buzuk ka Abud’a 12:29

Kur andjege d’a dangâlad’a, Ma didina mi tchi gro suma Ezipte suma a vud’uzi avo’â woi pepet, tinï ad’ud’a ni yam Faron ma nga kaka yam zlam mam mba amulina gorom ma ngolâ gak mba yam magom ma nga kur dangeinina gorom ma ngolâ, gak mba yam d’uwarâ grozi suma a vud’uzi avo’â pepet mi.

Isai 42:13

Ma didina nga mi djï d’igi grang ma durâ na, zlezleû mamba nga d’i zud’um d’igi ma dur ayîna na, nga mi yi tau d’a durâ, nga mi er ad’um akulo, nga mi kus yam mam suma djangûna mi.

Amos 4:10

An sunugï tugud’ei d’a tcho d’a tchi matna adigagi d’igi an sunud’ï adjeu Ezipte na, an tchi azungeî magina woi avun ayîna, an ar a yo akulumei magina, an ar hisâ hi mad’a suma a bo kur kang maginina gak mi tchuk atchinagiya. Hina pet pî, agi hulongôgï nga geven ndi. An Ma didina ni de na.

Amos 5:17

Ma didina mi dala: Fata an kal adigagid’a, suma a mba tchi horâ aduk asine ma guguzlu ma lara ge pet.

Mise 2:13

An ma mba ni mal lovotina mba ni tit avorogiya, agi mba malagi lovota á i avun agre’â, agi mba buzugugi woi abua. An Ma didina amul magina mba ni tit avorogiya.

Matiye 25:6

Kandjege dangâla, dela nga d’i yi ala: Gola! Sala tela nga mi djïya. Agi buzugugi d’ugulomu.