Buzuk ka Abud’a 10:21 - Bible azumeina

²¹ Ma didina mi de mi Moise ala: Ang hlabong akulo hur alona, nduvunda mba d’i mba yam ambasa. Ni nduvun nda sana mi ndak á dot kabomba.

Buzuk ka Abud’a 10:21 ပူးပေါင်းရင်းမြစ်များ

Wana ni mbaktumba hi Job-pa 5:14

Nga mi mbut yina nduvunda avorozi faleya, a nga lam yina falei d’igi sana nga mi lam yina andjege na.

Sawal la giled’a 105:28

Mi sunï nduvunda yam ambasa, ambasa ti mbut nduvunda i’îlik. Azi nga kak djangûna ki zla mamba d’i.

Sawal la giled’a 35:6

Ata yima malaika mangâ mi digizina, ar lovot mazid’a ti mbut nduvunda, ti mbut azlard’eid’a mi.

Sawal la giled’a 78:49

Hurum zal kazi ngola heî, nga mi djulul kayîna, mi mbut d’igi sama guruta na, mi sun malaika suma a le suma tchod’ina ataziya.

Buzuk ka Abud’a 7:19

Ma didina mi de mi Moise kua ala: Ang de mi Aron ala: Ang hle totogo manga, ang hlabong akulo yam mbiyo ma Ezipte-na, yam toliyon mazid’a, yam apo alum ma Nil-lâ, yam apo mazid’a, yam golongeî mazina pet mi. Azi mba mbut buzuna. Buzuna mba mi oî kur ambas sa Ezipte-d’a pet, kur ahle mazi suma tche mbina suma aguna d’oze suma ahinad’a mi.

Buzuk ka Abud’a 9:22

Ma didina mi de mi Moise ala: Ang hlabong akulo hur alona, ar mogoina mi se yam ambas sa Ezipte-d’a pet, nala, yam suma, yam d’uwarâ, yam awu ma deî hur asinenina yam ambas sa Ezipte-d’a pet.

Zla d’a d’ogolâ 4:19

Lovota hi suma asa’atnid’a ni d’igi nduvunda na; a nga we vama mi puguzi kä na d’i.

Ma tchi wala 2:14

Sama ned’a nga mi we yima mam i kuana, wani sama lilid’a mi tit ni kur nduvunda. Wani an we vana tu nga mi djubuzi zla tazi djak!

Ma tchi wala 6:4

Kayam hur ma nde máma mi mbeï ni hawa na, mi i ni kur nduvunda, nduvunda ti dugum yam simiyêm kä.

Ezekiyel 32:7

Fata an tchang ngeid’a, an mba ni duk ir akulod’a, an mba ni duk ir b’od’a hi tchitchiud’id’a, an mba ni duk ir afata ki d’ugula, tilâ mba mi b’o d’uo mi.

Matiye 27:45

Kid’a afata tchol falei d’ad’ara, yina mbut nduvunda yam andaga ndata pet gak afata tchuk siyad’u.

Marik 15:33

Kid’a afata tchol falei d’ad’ara, yina mbut nduvunda yam andaga ndata pet gak afata tchuk siyad’u.

Wana ni Zla d’a Djivi d’a Luc mi b’irita 23:44

Ata yima afata mba go ki falei d’ad’arâ, yina mbut nduvunda yam andagad’a pet gak afata tchuk siyad’u.

Gat ta a hat á mbàd’id’a 1:30

Ma didina Alo magi ma nga mi tit avorogina, mba mi dur kagi d’igi mi le ki Ezipte-na kä iragi na.

Gat ta a hat á mbàd’id’a 28:29

Afata falei d’ad’ar pî, agi mba lamagi ahlena kur nduvunda d’igi sama duka mi lam ahlena kur nduvunda na; ahle suma agi ngagi hurugi kazina, agi mba fazi d’i; suma a mba djobogi vunagi ki burâ pet, a mba hurumugi mi. Wani sama mba mi ndjunugina nga d’i.

Gat ta a hat á mbàd’id’a 4:34

Alo ma ding ma mba, mi prut andjaf ma ding ma nga aduk andjaf ma dingâ á mbud’um sum mama kahle suma kuka, kahle suma simata, kahle suma yoyouna, kayî ma durâ, kabom ma ad’engâ ki bigam mba zid’a kam akulo zid’a, kahle suma ndandal suma mbut suma mandarâ hina pet d’igi Ma didina Alo magina mi le ki sed’egi avo Ezipte hina na nga zu?

2 Pierre 2:17

Azi ni golongeî suma bei lau mbina, azi ni d’igi d’ugul la babarâ nga mi tchat tatad’a na. Alona nga mi ngom zul la nduvun nda yiyika kaziya.

2 Pierre 2:4

Kayam Alona mi ar nga malaika suma a le tchod’ina hawa d’i, wani mi tchuguzi nga kä kur gring ma nduvun ma i’îli’â á ngomozi gak bur ma ka sariyad’a.

Jude 1:13

Azi ni d’igi abilâ halum ma ngol ma nga mi sulul hubup hubup ki sun mazi d’a zulona na, azi ni d’igi tchitchiu d’a tcha tata d’a na. Alona nga mi ngomozi kä kur yima nduvun ma i’îlik ma yiyi’â gak didin.

Jude 1:6

Agi djib’eregi yam malaika suma a ngom nga ad’eng nga Alona mi hazizid’a d’uo suma a ar yazi ma kaka woina. Kayam ndata, Alona nga mi ngomozi kä kur nduvunda djinda ki kindjing ma didina á djup bur ma ngol ma a mba kazi sariyad’a kazina.

Vama ndum mbeina 8:12

Malaika ma fid’ina, mi bu adif mamba. A tum afat ta a walat aduk hindid’a abot ma tuna, a tum til ma a walam aduk hindina abom ma tuna, a tum tchitchiu d’a a walat aduk hindid’a abot ma tuna, kayambala abozi ma tutuna mi b’o d’uo d’a, falei d’a a walat aduk hindid’a abot ma tuna mi ba bei b’od’a d’a, andjege d’a a walat aduk hindid’a abot ma tuna mi le ni na mi.