Buzuk ka Abud’a 1:7 - Bible azumeina

⁷ Gro Israel-lâ a nga vud’a, a nga zul avogovogo, a zul mimiyâk, a nga mbut ad’enga, a oî yam ambasa mi.

Buzuk ka Abud’a 1:7 ပူးပေါင်းရင်းမြစ်များ

Ad’u Tinda 1:20

Alona mi de kua ala: Ar ahle suma arina a zul mimiyâk aduk mbina, ar aluweina a pir akulo yam andagad’a mi.

Ad’u Tinda 1:28

Alona mi b’e vunam kaziya, mi dazi ala: Agi vud’ugiya, agi zulugiya, agi oyôgi yam andagad’a; agi tagi kad’u, agi tagi yam kulufâ, yam aluweina, yam ambureina, yam azurei suma a nga tit yam andagad’ina pet mi.

Ad’u Tinda 12:2

An mba ni zulung andjavang ngola, an mba ni b’e vunan kangû, simiyêng mba mi yï ngola; ang mba arî sedeî b’e vuna.

Ad’u Tinda 13:16

An mba ni zulung andjavang d’igi andaga d’a gugud’upa na; le sana mi ndak á ndum andaga d’a gugud’upa ni, mi mba mi ndumung andjavang mi.

Ad’u Tinda 15:5

Mi nde ki sed’em abua, mi dum ala: Ang gol irang akulo; ang le ndak á ndum tchitchiud’a ni, ang ndumud’u. Andjavang mba mi zulî hina dedege mi.

Ad’u Tinda 17:16

An mba ni b’e vunan kad’u, an mba ni hang gorâ ki sed’ed’u; an mba ni b’e vunan kad’u, mba d’i vut andjaf suma ablauna; andjaf amuleina ablaud’a a mba buzugï ni kurud’u.

Ad’u Tinda 22:17

an mba ni b’e vunan kangû, an mba ni zulung andjavang avok d’igi tchitchiud’a na, d’igi les ma avun alum ma ngolîna na mi. Andjavang mba mi kus yam mam suma djangûna.

Ad’u Tinda 26:22

Mi djok ad’umu, mi yo golong nga dinga; azi yal nga kat ti, mi yat ala Rehobot. Isak mi dala: Ki tchetchemba, Ma didina mi arei wa andagad’a hawa, ei mba zuli ngola kad’u.

Ad’u Tinda 26:4

An mba ni zulung andjavangî d’igi tchitchiud’a na. An mba ni hum andaga ndata pet. Ni kayam mam ba, an mba ni b’e vunan yam andjaf suma yam andagad’ina pet,

Ad’u Tinda 28:14

Andjavang mba mi zul d’igi andaga d’a gugud’upa na, mba mi b’rau woi kakä abo ma fladegena, abo ma yorogona, abo ma norâ kabo ma sutna. Ni kayam ang kandjavang ba, an mba ni b’e vunan yam suma yam andagad’ina pet.

Ad’u Tinda 35:11

Mi dum kua ala: An nAlo ma ad’engên kal petna; ang vud’a, andjavang zul ngola; andjaf suma kablaud’a hi sumid’a a mba buzugï ni kurungû, amuleina a mba buzugï ni kurung mi.

Ad’u Tinda 46:3

Alona mi dum ala: An ni Alona, Alona habungâ; ang le mandarâ á i Ezipte d’i, kayam an mba ni zulung andjavang ngola sä hî.

Ad’u Tinda 47:27

Israel-lâ a kak yam andaga d’a Ezipte-d’a kur ambas sa Gosen-nda. Andaga ndata mbut ni mazid’a. A vut grona, a zul ablaud’a.

Ad’u Tinda 48:16

ni Malaika ma pad’an ndei kur tcho d’a lara ge petna, ar mi b’e vunam kaziya. Ar a yan simiyên kazi d’igi a nga yi simiyê abun ngolo Abraham azi kabun Isak na mi; Ar azi zul ablaud’a yam andaga d’a Kanan-nda.

Ad’u Tinda 48:4

mi dan ala: An mba ni zulung andjavang ndjondjoî, an mba ni mbud’ung andjavang ades suma ablauna, an mba ni hang andaga d’a wanda mandjavang ma blogongâ gak didin.

Ad’u Tinda 9:1

Alona mi b’e vunam yam Noe ki groma, mi dazi ala: Agi vud’ugiya, agi zulugiya, agi oyôgi yam andagad’a pet.

Nehemi 9:23

Ang zuluzi grozina d’igi tchitchiud’a na, ang kalazi yam ambas sa ang de kat ala ang mba hat mabuyozi á te kad’u d’a.

Sawal la giled’a 105:24

Ma didina mi zul sum mama ablaud’a; ad’engêzi kal mazi suma djangûna mi.

Sawal la giled’a 107:38

Mi b’e vunam kaziya, mi zuluzi ablaud’a; d’uwar mazina mi feî nga d’uo mi.

Buzuk ka Abud’a 1:12

A nga kid’eyêzi irazi ngola hina pî wani, a nga zula, a nga i avogovogo. Ezipte-na huruzi nga mi zal kaziya.

Buzuk ka Abud’a 12:37

Israel-lâ a tchol avo Ramses á i Sukot. Ablawazi ni go ki 600.000 ni suma ndak andjofîna bei ndum kemba ba.

Buzuk ka Abud’a 5:5

Suma ablau suma tchotcho suma wana, agi min d’elezi avun sun mazid’a zu?

Ezekiyel 16:7

An d’uvuk d’igi asu ma deî abageina na. Ndak wula, ndak djengâ, ndak mbut djifâ. Apok mi deyâ, tumus sa kaka ti se mi. Wani nda’î gandilad’a kezigineû.

Sunda hi suma a sunuzinid’a 13:17

Alona hi Israel-lîna, mi man abuyoi ngolo. Kid’a azi nga angoyogeina kur ambas sa Ezipte-d’id’a, mi zuluziya. Bugola, mi pad’azi woi kur ambas sa Ezipte-d’a kad’eng mamba.

Gat ta a hat á mbàd’id’a 10:22

Abuyogi ngolo suma a i Ezipte-na ablawazi ni dok kid’iziya. Ki tchetchemba, Ma didina Alo magina mi zulugi andjavagi d’igi tchitchiud’a na.

Gat ta a hat á mbàd’id’a 26:5

Mi tchol mi de zlad’a avok Ma didina Alo magina kua ala: Abun ni ma Aram ma nga kaka ata yima tuna d’uo na, mi i Ezipte ni ki suma akid’eid’a, mi kak sä azina kua. Ata yi máma mi mbut andjaf ma ngol ma sib’ik ma ablauna.