Ad’u Tinda 8:21 - Bible azumeina

²¹ Ata yima ahle suma ngal ndazina his mazi ma afufuîna tchuk atchin Ma didinina, mi dala: An dok ni gandagad’a vuna yam sana d’uo d’a, kayam djib’er ra kur sanid’a ni tchod’a ki gogorom dei. An dok ni tchi ahle suma arina woi pet d’igi an tchazi avok na d’uo d’a.

Ad’u Tinda 8:21 ပူးပေါင်းရင်းမြစ်များ

Ad’u Tinda 3:17

Bugola, mi de mi Adam ala: Ang hum wa vun amanga, ang te wa vud’agu ma an dang kam ala: Ang tum mbuo na. Kayam ndata, an mba ni gandagad’a vuna ni kayam angû; ni ki ndaka tua ba, ang mba fe ki tena gak mat mangâ.

Ad’u Tinda 4:12

Fata ang zum andagad’id’a, ndat mba d’i wulung ahlena d’i. Ang mba talal yam andagad’a, ang mba tcha ta’ abo hî, tcha ta’ abo hî!

Ad’u Tinda 5:29

mi yum ala Noe, mi dala: Ni ma mba mi b’lengeî huri yam sun meid’a ki sun nda ndak ka ei mba lat kaboi yam andaga d’a Ma didina mi gat vunid’a.

Ad’u Tinda 6:13

Alona mi de mi Noe ala: An min dap suma woyo; ni kayam asa’at mazid’a ba, andagad’a mbut vama b’laka, an nga ni b’lagazi woi zlapa kandagad’a.

Ad’u Tinda 6:17

Mi dum kua ala: An nga ni kus mbina yam andagad’a á b’lak ahle suma ari suma yam andagad’ina woi pet; ahle suma yam andagad’ina pet a mba bo woyo,

Ad’u Tinda 6:5

Ata yima Ma didina mi we tchod’a hi suma nga d’i i avogovok djib’er mazid’a burâ pet ni yam tcho d’a led’ina,

Ad’u Tinda 6:7

mi de kurum ala: An mba ni dap ahle suma an lazi yam andagad’ina woyo, nala, suma, azureina, ambureina, ahle suma a dram kä na kaluweina, kayam an hurun hat ngola yam le d’a an lazid’a.

Wana ni mbaktumba hi Job-pa 14:4

Ni nge ba, mba mi ndeï vama yed’etna woi ata vama ndjendjed’a ge? Sa tu pî mi ndak á le hina d’i!

Sawal la giled’a 51:5

Kayam an we tchila manda, an nga ni djib’er yam tcho manda teteu.

Sawal la giled’a 58:3

Hawa yak! Ni kur min magid’a ba, agi nga lagi tchod’a, agi nga lagi tcho d’a tchi matna kur ambasa mi.

Sawal la giled’a 58:4

Suma asa’atna a wal lei ki gagazid’a ni kur vut mazid’a dei; suma ka zlad’a a d’es sei kur lovot ta djivid’a nata yima a buzugï woi kur asuyozina dei.

Buzuk ka Abud’a 29:18

Ar ang ngalam mbei yam yima ngal ahle suma ngat buzuna ki zla tam pet. Wana ni vama ngat buzu ma ngala mi an Ma didina; ni vama his ma afufuîna avoronu.

Buzuk ka Abud’a 29:25

Ang hulong vazizi aboziya, ang ngalazi yam yima ngal ahle suma ngat buzuna akulo yam vama hum á ngala woi petna. Wana ni vama ngat buzu ma ngala avogon an Ma didina; ni vama his ma afufuî ma lan tan djivid’ina mi.

Zla d’a d’ogolâ 20:9

Ni nge mi ndak á dala: An mbut hurun ndei yed’et, an mbut tan ndei yed’et kur tcho manda ge?

Ma tchi wala 7:20

Gagazi, sama d’ingêr ma mi le djivid’a ma bei le tchod’a yam andagad’a ka hina nga d’i.

Isai 47:12

Djiviya ndak kak kur mbut maka ki kuma mak ma zul heî ma ndak he tak á lum sunum ki gogorok deina! Dam ndak mba d’i fe mbina kua, d’oze ndak mba d’i mbut ta suma a lak mandarak heîd’a kla!

Isai 47:15

Wana nahle suma a nga mba yam suma ndak kau tak ki sed’ezi suma ndak mbut abok ki sed’ezi ki gogorok deina. Nge nge pî mba mi i yi mama, sama mba mi sud’u’â nga d’i.

Isai 48:8

Wani agi humugi nga d’i, agi min wagi ad’ud’a d’i, agi djib’eregi nga d’uo mi. An wagi agi ni suma mbut ira ki vut magid’a dei, a yagi ala suma tchila yam gata mi.

Isai 53:6

Adjeu ei pet ni d’igi tumiyô suma a vit teina na, nge nge pî mi tit ni kur lovot mamba. Ma didina mi tinim tchila meid’a kam pet.

Isai 65:6

Gola! Ahle ndazina a nga b’ira kä avoronu. An mba ni kak mudjuk ki. An mba ni min zla mazid’a, an mba ni wuragazi ndak yam sun mazid’a memet.

Jeremi 17:9

Vama mbut ira d’igi hur sana na na nga d’i. Sana mi ndak á minim mbi, sana mi ndak á wum ad’um mbuo mi.

Jeremi 18:12

Wani a nga dala: Hawa yak! Ami tid’imi ni yam djib’er mamid’a, nge nge pî mi le ni ata djib’er ra yam mba ad’eng nga kurum krovod’a.

Jeremi 8:6

An tin human nga ni huma, wani a nga de zla d’a ndak á ded’a d’uo d’a. Sama adigazi ma mi mbut hurum yam asa’at mamba ma mi dala: An le ni me na ge na nga d’i. Azi pet nge nge pî mi b’at tam á i yi máma d’igi akulum ma mi b’at tam á i dur ayînina na.

Ezekiyel 20:41

Fata an buzugugï woi aduk andjaf suma mba ni togogï yam ambas sa an ndjoyôgi woi kuad’id’a, an mba ni vagi atan d’igi vama ngat buzu ma his ma afufuîna na, agi mba han ngola avok andjaf suma.

Sunda hi suma hi Levi-nid’a 1:13

Ar sa máma mi mbus aruwatna kasema woi ki mbina, mi yozi pet. Ar ma ngat buzuna mi ngalazi woi yam yima ngal ahle suma ngat buzuna. Wana ni he d’a hawa d’a ngal la his sa afufuî d’a avogon an Ma didinid’a.

Sunda hi suma hi Levi-nid’a 1:17

Ar mi wak gugu ndata aduk bei ngad’at gigingât tei ba, ar mi ngalat tei yam yima ngal ahle suma ngat buzuna yam agu ma a vum akud’ina. Wana ni he d’a hawa d’a ngal la his sa afufuî d’a avogon an Ma didinid’a.

Sunda hi suma hi Levi-nid’a 1:9

Ar ma ngat buzuna tu mi mbus aruwatna kasema woi ki mbina, mi ngalazi woi yam yima ngal ahle suma ngat buzuna pet. Wana ni he d’a hawa d’a ngal la his sa afufuî d’a avogon an Ma didinid’a.

Sunda hi suma hi Levi-nid’a 26:31

An mba ni mbut azì magi ma nglona azì ma gureina, djona mba mi ar gevegi girib’ing. An mba ni pleî yi magi ma agi tinindji iram vama woyo, an mba ni his ahle magi suma his suma afufuîna d’uo d’a.

Sunda hi suma hi Levi-nid’a 4:31

Mi yo mbul amuhl máma woi yam vama ngat buzuna pet, d’igi a yo mbul amuhl ma a hum vama ngat buzu ma zlap darigïd’ina na mi, mi ngalam mbei yam yima ngal ahle suma ngat buzuna. Wana ni vama his ma afufuî ma avogon an Ma didinina. Mi le ki sa máma ni hina dedege á zlup yam tcho mamba. Hina wani, an Alona mba ni vat hurun ndei yam tcho d’a mi lata.

Sunda hi suma hi Levi-nid’a 8:28

Bugola, Moise mi yozi aboziya, mi ngalazi akulo yam yima ngal ahle suma ngat buzuna zlapa ki he d’a hawa d’a ngala. Wana ni vama ngat buzu ma a tin ki sana kur sun nda ngat buzunid’a, ni vama ngat buzu ma ngal ma his ma afufuî ma avok Ma didinina.

Ndumba 15:3

agi mba handi vama ngat buzu ma ngala, d’oze vama ngat buzu ma zlap darigïd’a, d’oze vama ngat buzu ma ndak vun vun ma hled’a, d’oze he d’a hawa d’a kur min magid’id’a, d’oze ata yima vun le tilâ. Le ni d’uwar ma nglona d’oze ma gureina á his his ma afufuîna avoronu ni,

Matiye 15:19

Kayam vama mi ndeï woi kur sanina, ni djib’er ra tchod’a, tchi matna, mizeuna, e’eûd’a, kula, zla d’a kad’a ki ngula mi.

Jean 3:6

Sama sana mi vud’uma ni sana, sama Muzu’â hAlonina mi vud’uma ni hi Muzu’îna mi.

Romê-na 1:21

Azi wAlona, wani a nga suburum d’igi a subur Alona na d’i, a nga lum mersi d’uo mi. Wani a vit tei kur djib’er mazid’a, djib’er mazi d’a lilid’a ti tanazi kur nduvunda mi.

Romê-na 3:23

Suma pet a le tchod’a, a kid’ak kei ata subura hAlonid’a mi.

2 Korente-na 2:15

Kayam ami ni d’igi his ma djivi ma afufuîna hi Christ-sâ na avok Alona, aduk suma a nga fe sutina, aduk suma a nga ba woina mi.

Efes-sâ 5:2

Ar agi tid’igi kur od’a d’igi Christ mi le kei na mi. Mi he tam mbei kei d’igi vama he ma ngat buzu ma his ma afufuî ma lAlona tam djivid’ina na.

Filip-ma 4:18

Kayam an fe he d’a hawa magi d’a agi sunundji abo Epafrodit-ta pet ndaganu. An nga kahle suma ndagana pet da’. He d’a hawa magid’a ni his ma afufuîna, ni vama ngat buzu ma djivi ma Alona tam mbi lum djivid’a kama.

1 Jean 5:19

Ei wei ala ei ni suma Alona mi vud’ina, duniyad’a pet nga nabo Ma tchona mi.

1 Samuel 26:19

Ki tchetchemba, salana amul mana, ang hum zlad’a hi an azong mangîd’a. Le Ma didina mi zud’ung á kak djangûna ki sed’en ni mamu ni, ar mi ve he d’a hawad’a. Le d’i tcholï nata suma ni, ar Ma didina mi gazi vuna, kayam ni azi ba, a nga digin ini á walan ndei kandaga d’a Ma didina mi hat mi sum mamid’a. Ni d’igi azi nga dan ala: Ang i kud’or alo ma dingâ na.