Ad’u Tinda 7:11 - Bible azumeina

¹¹ Kur biza d’a kikis karagayad’a hi Noe-d’a, kur bur ma dogo yam kid’iziyana hi til ma mbànina, ir mbiyo ma lau ma yiyi’â mal lei pet, mbiyo ma akulona iram mal lei mi.

Ad’u Tinda 7:11 ပူးပေါင်းရင်းမြစ်များ

Ad’u Tinda 1:7

Wani hur alona mi nde woi mi. Ni hina ba, Alona mi wal ir mbiyo ma kä na ki ma akulona. A nga hina mi.

Ad’u Tinda 6:17

Mi dum kua ala: An nga ni kus mbina yam andagad’a á b’lak ahle suma ari suma yam andagad’ina woi pet; ahle suma yam andagad’ina pet a mba bo woyo,

Ad’u Tinda 7:6

Ata yima mbina kus yam andagad’ina, Noe bizamî kikis karagaya.

Ad’u Tinda 8:14

Kur bur ma dok mbà yam kid’iziyana hi til ma mbànina, andagad’a ti so woi pepet.

Ad’u Tinda 8:2

Ir mbiyo ma lau ma kä na ki mbiyo ma se ma akulona a duga, alona mi ar bei sed’a mi.

2 Amuleina 7:19

Wani azigar ma ndjun amulîna mi dum ala: Le Ma didina mi mal ir akulod’a mi yagï awuna kä pî, zla d’a ang dat wanda mba d’i le zu? Elise mi hulong dum ala: Ang mba wum ki irangû, ang mba tum mbi!

2 Amuleina 7:2

Azigar ma ndjun amulâ ma mam nga mi deng tam atama, mi de mi Elise ala: Le Ma didina mi mal ir akulod’a mi yagï awuna kä pî, zla d’a ang dat wanda mba d’i le zu? Elise mi hulong dum ala: Ang mba wum ki irangû, wani ang mba tum mbi!

Wana ni mbaktumba hi Job-pa 12:15

Le mi d’el alona bei sed’a ni, ahlena pet a so ni woyo. Le mi aramu ni, mi kus sei yam andagad’a pet mi.

Wana ni mbaktumba hi Job-pa 28:4

Nga mi djugot zula woi dei ata yima sa nga kaka kua d’uo na, asem sa nga mi tchila kua d’i, a nga djinizi akulo ki ziyona, a nga lü lilinding woi dei ki suma.

Wana ni mbaktumba hi Job-pa 38:16

Ang kal gak i ata yima alum ma ngolâ mi tcholï kuana zu? Ang i dabi ata ad’um mba zul la yiyika mi zu?

Wana ni mbaktumba hi Job-pa 38:37

Ni nge ba, mi ndak á ndum d’ugula ki ne mamba ge? D’oze mi but ni vun bud’omei suma akulona kä, mi vo mbiyo ma kuruzina woi

Sawal la giled’a 33:7

Mi tok mbiyo alum ma ngolâ akulo yam tam ata yima tuna, mi tin zul la yiyika á togom kua.

Sawal la giled’a 74:15

Angî ma nga lau golongeîna ki horina, angî ma nga so alum ma nglo ma bei sod’a ba na woina.

Zla d’a d’ogolâ 3:20

Ni ki we mamba ba, mbiyo ma nglo ma d’id’ilima vunam mal leyo, d’ugula ti lau woi ti se alona mi.

Isai 24:18

Sama mi ring ngei abo mandar ma ngol mamina, mba mi nde kä kur zula; sama mi djak kei akulo kur zul ndatina mba mi ve kabeid’a. Kayam ir mbiyo ma akulona mba mi mal leyo, andagad’a ad’ut ta ged’a mba ti giget mi.

Isai 24:19

Andagad’a ti waga, ti to woyo, andagad’a ti zlaga.

Jeremi 5:22

Ma didina mi de kua ala: Agi nga lan mandaran nduo zu? Agi nga zlagagi avoron nduo zu? An ni ma he alum ma ngolâ lesâ á haga d’a didindina. Mam ndak á tchila kat tuo mi. Abil mama nga mi sulula, wani mi nga kad’enga á kal lei kat ti, nga mi le abilâ guguzlubut, wani nga mi tchila woi kat tuo mi.

Jeremi 51:16

Ata yima mi he vunina, mbina mi tok kur akulod’a. D’ugula ti tcholï avun dabid’a handagad’id’a teteng. Wiled’a nga d’i wile á salona, simetna mi buzugï woi ata yam ma ngei ahlena mi.

Ezekiyel 26:19

Salad’a Ma didina mi dala: An mba ni mbud’ungî d’igi azì ma ngol ma b’lak kei ma sa nga kaka kurum mbuo na na. An mba ni tcholï ki mbiyo ma ngolâ kä ad’u alum ma ngolâ, mba mi hlubung kä.

Malatchi 3:10

An min ala agi mbeyegi ki dima pet kur gong nga ngom ahlena, kayam tena mi kak kur gong man nda kud’ora. Agi kugun an Ma didin ma ad’engên kal petna hina gi, agi mba wagiya, le an malagi nga ir mbiyo ma akulona d’uo, le an hagi nga ahle suma djivina ngola kal kagi d’uo ni, agi mba wagi ko.

Matiye 24:38

Kayam adjeu avok ka bei mbina mi kusa, suma a nga te, a nga tche, a nga vik aropma, a nga he grozina ndjufâ gak bur ma Noe mi kal kur batod’ina.

1 Tasaloni’â 5:3

Fata suma a dala: B’leng nga halasa ki djivid’a a nga d’a, ata yi máma na wat, bad’a mba d’i nde kazi d’igi vuta ti nde yam atcha d’a wirâ na, a mba prut tei d’uo mi.

2 Pierre 3:6

Hina mi, Alona mi b’lak duniya d’a adjeud’a woi ni ki mbiyo ma kus ma ngolâ mi.