Ad’u Tinda 6:9 - Bible azumeina

⁹ Wana ni zla d’a ded’a yam Noe-d’a: Noe ni sama d’ingêr ma d’engzengâ avok Alona, mi tit zlapa kAlona.

Ad’u Tinda 6:9 ပူးပေါင်းရင်းမြစ်များ

Ad’u Tinda 10:1

Wana nandjafâ hi Noe gromina: Sem, Ham ki Jafet; a vut grona ni bugol kusa hi mbinid’a.

Ad’u Tinda 17:1

Kid’a Abram bizam ndak dok zlengâ yam zlengîd’a, Ma didina mi nde tam mbei iramu, mi dum ala: An nAlo ma ad’engên kal petna; ang tit avoron d’ingêr ndak memet.

Ad’u Tinda 2:4

Wana nad’u tinda hakulod’a kandagad’id’a kid’a Alona mi lazid’a. Ata yima Ma didina Alona mi landagad’a kakulod’ina,

Ad’u Tinda 48:15

Jakob mi b’e vunam yam Josef, mi dala: Alo ma abun ngolo Abraham azi kabun Isak a tit blogoma, ar mi b’e vunam yam gro ndazina; nAlo ma nga mi ngomon gak ini na, ar mi b’e vunam kaziya;

Ad’u Tinda 5:1

Wana ni simiyê andjafâ hi Adam-ma. Bur ma Alona mi le sanina, mi lumî d’igi mam tamba na.

Ad’u Tinda 5:22

Bugol la Enok mi vut Metusala vuta, mi tit zlapa kAlona bizad’a kikis hindi, mi vut gro andjofâ ki gro aropma.

Ad’u Tinda 5:24

Enok mi tit zlapa kAlona; sa fum nga d’i, kayam Alona mi hlum sä akulo gevemu.

Ad’u Tinda 6:10

Mi vut grona hindi, nala, Sem, Ham ki Jafet.

Ad’u Tinda 7:1

Ma didina mi de mi Noe ala: Ang kal kur batod’a ki sum mangâ pet, kayam an wang angî sama d’ingêrâ avoron kur atchogoi d’a wanda.

2 Samuel 22:24

An nga ki zla kan avorom mbi, an ngom tan ped’et bei le tchod’a.

1 Amuleina 3:6

Salomon mi hulong dum ala: Ang le yam azong mangâ abun David ngola, mam tamba mi kak sama d’engzeng ma nda’â avorong d’ingêr memet mi. Kayam ndata, ang nga le kam tua, ang vragan an goroma ini amula blangâm wana.

2 Sunda Hamuleinid’a 15:17

Wani mi b’lak nga yima nding ma Israel-lâ a tinim iram vama woi d’i. Hina pet pî, kid’a Asa mi nga ki iramba tua d’a, mi nga mi le yam Ma didina ki hurum tu.

2 Sunda Hamuleinid’a 25:2

Mi le sun nda djivid’a avok Ma didina, wani nga ni ki hur ma tuna d’i.

Wana ni mbaktumba hi Job-pa 1:1

Adjeu sana nga kur andaga d’a Us-sa, a yum ala Job. Ni sama iratna, ni sama d’engzengâ mi. Ni sama nga mi le mandara Alona, ni sama nga mi min tchod’a d’uo mi na.

Wana ni mbaktumba hi Job-pa 1:8

Ma didina mi de mi Seitan ala: Ang we ni me ata azong mana Job ke? Sama yam andagad’a d’igi mam na na nga d’i. Ni sama iratna, ni sama d’engzengâ mi. Ni sama le mandara an Alonina, ni sama nga mi min tchod’a d’uo mi na.

Wana ni mbaktumba hi Job-pa 12:4

Ata yima an yAlona mi hulongôn humbina, an mbut ni sama buniyôma a san ad’uma! An sama irat ma d’ingêrâ, ni mbut ni vama sanda!

Sawal la giled’a 37:37

Ang tin irang yam sama iratna, ang gol sama d’ingêrâ, kayam sama halas máma mba mi i avogovogo.

Sawal la giled’a 37:39

Ma didina ni ma sut suma d’ingêrîna, mam mi ma ngomozi kur bur ma ndakina.

Zla d’a d’ogolâ 4:18

Lovota hi suma d’ingêrîd’a ni d’igi b’od’a hi yima mi ngaï ad’um mbei fod’a ma nga mi i avogovok gak falei d’ad’arâ na.

Ma tchi wala 7:20

Gagazi, sama d’ingêr ma mi le djivid’a ma bei le tchod’a yam andagad’a ka hina nga d’i.

Ezekiyel 14:14

le suma a nga kur ambas ndata hindi d’igi Noe ki Danel ki Job na pî, a mba sut tei ni yam d’ingêr mazid’a hol. An Salad’a Ma didina ni de na.

Ezekiyel 14:20

le Noe ki Danel ki Job a nga kurut pî, an Salad’a Ma didin ma bei matna nga ni de, azi mba sut gro andjof foze gro arop puo mi, a mba sut tei ni yam d’ingêr mazid’a hol.

Habakuk 2:4

Zla d’a a b’irita ba wana: Sama subur tama mba mi kak karid’a tatâ d’i, wani sama d’ingêrâ mba mi kak karid’a, kayam mi he gagazid’a mAlona.

Wana ni Zla d’a Djivi d’a Luc mi b’irita 1:6

Azi djak ni suma d’ingêrâ avok Alona, a ge yazi kä ad’u gata ki vun ma hed’a hi Salad’ina pet.

Wana ni Zla d’a Djivi d’a Luc mi b’irita 2:25

Sana mi nga Jerusalem, simiyêm ala Simeon. Mam mi sama d’ingêrâ, ni ma nga mi ring mandar Alona, nga mi djup Ma sut Israel-lîna. Muzuk ma bei tchod’a ba na, mi nga ki sed’emu,

Wana ni Zla d’a Djivi d’a Luc mi b’irita 23:50

Sana nga, simiyêm ala Josef ni ma Arimate-na. Arimate nazì ma ngol ma yam ambas sa Juif-fina. Josef ni ma nga aduk suma b’ak zlad’a, ni sama djivina, ni ma d’ingêrâ mi.

Sunda hi suma a sunuzinid’a 10:22

Azi dum ala: Kornei ma azigarâ abom kis ma Romê-na mi sunumï ni mamu, ni sama d’ingêr ma nga mi le mandara Alonina, ni ma Juif-fâ pet a nga le glangâs ma djivina kama. Alona mi sun malaika mama, mi hum vuna á yangî avo hatam á hum zla d’a avunanga.

Romê-na 1:17

Kayam Zla d’a Djivi ndata ti tagei woi ni nana ba, Alona mi mbut suma d’ingêr avorom ge. Ni yam he gagazid’a hol, ei ad’u tinda dei gak dabid’a, d’igi mbaktumba hAlonid’a ti de na ala: Sama mi mbut d’ingêr avok Alonina mba mi kak karid’a ni yam he gagazid’a.

Galat-na 3:11

Kayam sana nga mi mbut d’ingêr avok Alona ni yam sunda hi gat ta mi lata d’i, kayam mbaktumba hAlonid’a ti dala: Sama d’ingêrâ mba mi kak karid’a ni yam he gagazi mamba.

Gat ta a hat á mbàd’id’a 18:13

Kayam ndata, agi hagi tagi pet mi Ma didina Alo magina.

Hebre-na 11:7

Ni yam he gagazid’a ba, Noe mi hum zla d’a Alona mi dum yam vama suma a wum nga d’uo tua na. Noe mi ge yam kä avok Alona, mi min batod’a á sut suma avo hatama. Ni hina ba, mi ka sariya d’a matna yam suma yam andagad’ina. Alona mi mbud’um sama d’ingêrâ yam he gagazi mamba.

1 Pierre 2:5

Agi mi, agi ni d’igi ahuniyô suma ari suma Alona mi minigi akulo á mbud’ugi gong mam mba kud’ora á mbud’ugi adesâ hi suma ngat buzuna suma Alona mi tinizi irazi vazi á hahle suma ngat buzuna mAlona kur minda hi Muzu’îd’a á lum tam djivid’a yam Jesus Christ-sâ.

2 Pierre 2:5

Alona mi ar nga duniya d’a adjeud’a hawa d’i, wani mi sut ni Noe ma tchi wal la d’ingêrîna ki suma kid’iziyana hol ata yima mi kus mbina yam suma tcho suma kur duniya ndatina.