Ad’u Tinda 6:6 - Bible azumeina

⁶ mi mbut hat hurum yam le d’a mi le sana yam andagad’id’a. Kayam ndata, hurum zal ngola,

Ad’u Tinda 6:6 ပူးပေါင်းရင်းမြစ်များ

Ad’u Tinda 6:7

mi de kurum ala: An mba ni dap ahle suma an lazi yam andagad’ina woyo, nala, suma, azureina, ambureina, ahle suma a dram kä na kaluweina, kayam an hurun hat ngola yam le d’a an lazid’a.

2 Samuel 24:16

Ata yima malaikana abom nga tinda á b’lak Jerusalem-ma, Ma didina mi mbut hat hurum yam b’lak ndata, mi de mi malaika ma tchi suma máma ala: Ndaga! Ki tchetchemba, ang hlabong ngeyo! Malaikana hi Ma didina máma mi tchol go ki yima to awuna hi Arafna ma Jebus-sâ.

1 Sunda Hamuleinid’a 21:15

Alona mi sunï malaika mama á b’lak azì ma Jerusalem-ma. Ata yima mam nga mi b’lagama, Ma didina mi we hina, wani mi nde hat hurum yam b’lak ndata, mi de mi malaika ma tchi mat máma ala: Ndak da’! Ki tchetchemba, ang gabong kä! Malaikana hi Ma didinina mi nga tchola go ki yima to awuna hi Ornan ma Jebus-sâ.

Sawal la giled’a 106:45

Mi djib’er yam vun mam ma djin ma mi djinim ki sed’ezina; kur djivi mamba mi wazi hohowoziya.

Sawal la giled’a 110:4

Ma didina mi gun tamu, mba mi hulong bugol li. Mi dala: Angî ma ngat buzuna gak didin d’igi Melkisedek na.

Sawal la giled’a 119:158

An nga ni gol suma mbut ira is, kayam a ngom nga vun mang ma hled’a d’i.

Sawal la giled’a 78:40

Ni yazi ga ba, azi kak djangûna ki sed’em abagei hur fulâ ge? Ni yazi ga ba, azi b’lagam hurum abagei hur ful ma gangrasâ ge?

Sawal la giled’a 81:13

Kayam ndata, an arazi kur hur mazi ma b’al ma kiki na; a tit bugol nga hur mazina mi.

Sawal la giled’a 95:10

Bizad’a dok fid’i, an gol suma kur atchogoi ndatina d’igi vama ndjendjed’a na, an dala: Sum ndazina ni suma yazi vit teina, azi we nga lovot manda d’uo mi.

Buzuk ka Abud’a 32:14

Ma didina hurum b’lengâ, mi ar bei lazi tcho d’a mam hurum zal ala mi lat mi sum mama d’a woyo.

Isai 48:18

Ladjï agi gagi yagi kä ad’u vun man ma hed’a ni, b’leng nga halas magid’a mba d’i mbut ni d’igi aluma na! D’ingêr magid’a mba d’i mbut ni d’igi abil ma kur alum ma ngolîna na mi.

Isai 63:10

Wani azi som vunamu, a zal hur Muzuk mam ma bei tchod’ina, mi mbut mazi ma djangûna, mi mbut sama mi duruzi ayînina mi.

Jeremi 18:7

Bur ma dingâ an nga ni de zlad’a yam andjaf ma dingâ d’oze yam leu d’a dinga á pad’at teyo, á pleyêt teyo, á b’lagat tei mi.

Jeremi 26:19

Na ni Ezekiyas amul ma Juda-na ki suma Juda-na pet a tchum zu? Ezekiyas mi le nga mandara Ma didina d’uo zu? Mi tchen nga Ma didina ba, Ma didina mi ar nga tcho d’a mi ngat kurum á lazizid’a woi mi d’uo zu? Ei lei hî ni tei tcho d’a ngola d’uo zu?

Ezekiyel 33:11

Ang dazi ala: An Salad’a Ma didin ma bei matna ba na ni dala: An min nga d’ala sama tchona mi mid’a d’a d’i, ar mi mbut hurum yam tcho mamba, ar mi kak karid’a. Agi hulongôgiya, agi hulongôgi woi kur sun magi d’a tchod’a. Agi Israel-lâ, ni kayam me ba, agi tchagi tagi woi ge?

Wana ni mbaktumba hi Oze-d’a 11:8

Agi suma Efraim-ma, an ndak á aragi woi zu? Agi Israel-lâ, an ndak á noyôgi woi zu? An ndak á le ki sed’egi d’igi an le ki Atma ki Seboyim na zu? Hurun mi b’lak yam zla ndata, hurun mi zal ngola mi.

Joel 2:13

Agi hawâgi ni baru magina d’i, wani agi hawâgi ni hurugiya. Agi hulongôgi gen Ma didina Alo magina, kayam mam mi ma sumad’a, ni ma we hohowa sumina, nga mi mbut ayîna atogo d’i, ni ma o mamba nga d’i dap puo na, nga mi ar ngop pa mam nga hurum kat á ngopid’a woyo.

Jonas 3:10

Alona mi we sun mazi d’a azi lata, a mbut huruzi yam tcho mazid’a, mi ar ndak ka mam ngat kurum á lazizid’a woyo, mi lat nga d’i.

Malatchi 3:6

Ma didin ma ad’engêm kal petna mi dala: An ni Ma didina, an nga ni mbut ti, agi Jakob groma, agi dabagi nga woi d’uo mi.

Ndumba 23:19

Alona mi nga ni sana á ka zlad’a d’i, mi nga ni sana á mbut djib’er mamba kä d’uo mi. Vama mi duma, mba mi lum mbuo zu? Vama mi de kama, mba mi ndagam vunam mbuo zu?

Romê-na 11:29

Kayam Alona nga mi mbut djib’er mamba kä yam suma mi b’e vunam kazi suma mi yazina d’i.

Efes-sâ 4:30

Ar agi b’lagagi hur Muzuk ma bei tchod’a ba na hAlonina d’i; ni mam ba, kagi ki geuna gak bur ma Alona mba mi yoi sä akulona.

Gat ta a hat á mbàd’id’a 32:29

Ladjï azi ni suma ned’a ni, a mba wäd’u ahle ndazina, a mba djib’er yam ahle suma a mba mba kazina.

Gat ta a hat á mbàd’id’a 32:36

Ma didina mba mi ka sariyad’a yam sum mama, wani mba mi we hohowa azungeî mama ata yima mi wazi ad’engêzi d’i nga d’uo na, ata yima sama mi vazi kä d’oze mi tchuguzi akulona nga d’uo na mi.

Gat ta a hat á mbàd’id’a 5:29

Djiviya! Ladjï huruzi nga ni tinda kan hina teteu á ringîn mandaran á ngom gat manda mi ni, azi ki grozina a mba ka’î ki djivid’a teteu.

Hebre-na 3:10

Kayam ndata, hurun zal ngola yam sum ndazina. An dazi ala: Azi nga vit tei burâ ki burâ kur djib’er mazid’a, a we nga lovot manda yazi tu d’i.

Hebre-na 3:17

Ni suma lara ba, Alona hurum zal kazi ngola bizad’a dok fid’i ge? Ni suma a le tchod’a ba, mad’azi mi sam mbei hur fulîna d’uo zu?

Jacques 1:17

He d’a hawa d’a djivid’a ki he d’a hawa d’a ndak memeta pet a tcholï nakulo abo Alo ma le b’od’ina, ni ma bei mbuta ba ma anguzam nga d’i pret tuo mi na.

1 Samuel 15:11

An mbut hurun hata kayamba an man Saul ni tinim amulid’a, kayam mam wal lei ki sed’enu, nga mi tit yam vun man ma hed’a d’i. Samuel hurum hat ngola; kur andjege ndata mi tchi avok Ma didina ngola.

1 Samuel 15:29

Ma didin ma subura hi Israel-lîna nga mi ka zlad’a d’i, nga mi djok djib’er mamba d’igi sana na d’uo mi.

1 Samuel 15:35

Samuel mi mit ni bei mi hulong gen Saul ba, kayam hurum b’lak yam Saul heî. Ma didina mi mbut hurum hata kayamba mam tin Saul amula yam Israel-lîd’a.