Ad’u Tinda 50:20 - Bible azumeina

²⁰ Agi min á lan tchod’a, wani Alona mi mbud’ut tei djivid’a, gak mi sut ini andjaf suma ablaud’a d’igi agi wagi ini na.

Ad’u Tinda 50:20 ပူးပေါင်းရင်းမြစ်များ

Ad’u Tinda 37:26

Juda mi de mi b’oziyoma ala: Le ei tchï wiyeina, ei ngeyem mad’amu ni, ei mba fei ni me ge?

Ad’u Tinda 37:27

Ei i guzuzi woi abo suma Ismael-lâ, ei tini aboi atam mbi, kayam mam mi wiyeina; ni hliwi mi. B’oziyoma a humumu.

Ad’u Tinda 37:4

Kid’a b’oziyoma a we d’ala abuzi mi le kam kalazi ped’u d’a, a vum kuruziya, a nga dum zla d’a djivi d’i.

Ad’u Tinda 50:19

Wani Josef mi hulong dazi ala: Agi lagi mandar ri; an mbut nAlona zu?

Sawal la giled’a 119:71

Ata yima an nga kur ndakina ni vama djivina kanu, kayam an tin ad’ud’a á hat gat manga.

Sawal la giled’a 56:5

Alona, an nga ni gileng yam zla d’a ang data, an tin hurun ni kangû, an nga ni le mandar ri. Sana ni nge ba, mi lan vana ge?

Isai 10:7

Wani djib’era hi Asiri-nid’a ti ni hina d’i, djib’er ra kuruzid’a ni vad’u. Azi halî á b’lak suma, á dap ablaud’a handjaf sumid’a woi mi.

Sunda hi suma a sunuzinid’a 2:23

Mam mi sama agi hum mbei abo suma tchona. A tchum ata agu ma b’ala d’igi Alo ma wahlena petna mi nga hurum kam avok dei na.

Sunda hi suma a sunuzinid’a 3:26

Kid’a Alona mi tchol azong mama akulo aduk suma matnid’a, mi sunumï atagi adjeu tala nge nge pî adigagi mi ar tcho mamba woi Alona mba mi b’e vunam kamu d’a.

Romê-na 8:28

Ei wei ala kur ahlena pet Alona nga mi le sun nda djivid’a yam suma a nga le kam suma mi yazi woi kur min mambina.