Ad’u Tinda 50:13 - Bible azumeina

¹³ Azi hlum a im yam ambas sa Kanan-nda, a tozom kur zul ahina d’a kur asine ma Makpela ma go ki Mamre-na. Nasine ma Abraham mi guzum adjeu abo Efron ma Het-nina, mi mbud’um yima tos mat mamina.

Ad’u Tinda 50:13 ပူးပေါင်းရင်းမြစ်များ

Ad’u Tinda 23:20

Ni hina ba, asine máma ki zul ahina d’a nga kurumba a mbut ni suma hi Abraham-ma ki iram fafat á tos mat mama avok suma Het-na.

Ad’u Tinda 23:9

kayam mi han zul ahina mam mba Makpela d’a avun dabid’a hasine mamid’a. Mi handji ki gus sa ndaka, kayam mi arî yi man ma tos matna adigagiya.

Ad’u Tinda 25:8

mi mbut mamara kikra, mi le furîd’a ki mamaramu, mi mid’a.

Ad’u Tinda 25:9

Groma Isak azi ki Ismael a tozom kur zul la Makpela d’a kur asinena hi Efron Sohar ma Het-na d’a nga avok Mamre d’ara.

Ad’u Tinda 35:27

Jakob mi mba avo habum Isak avo Mamre go ki Kiriyat-Arba, nala, Hebron; ni yima Abraham azi ki Isak a kak kua adjeuna.

Ad’u Tinda 35:29

Isak mi mbut mamara kikra, bizam kal ngola mi, mi mid’a; groma Esau azi ki Jakob a tozomu.

Ad’u Tinda 46:4

An tan mba ni tining Ezipte, an tan mba ni hulongôngî mi, wani kur mat mangâ, ni Josef ba, mba mi simed’eng irang kä.

Ad’u Tinda 47:30

Fata an mita, ang hlan ka hî Ezipte, ang i tozon gen asud’a hi simiyênda. Josef mi hulong dum ala: An mba ni le d’igi ang dan na.

Ad’u Tinda 50:12

Jakob groma a le d’igi mam hazi vuna na.

Ad’u Tinda 50:14

Kid’a Josef mi tos abum tosa, mi hulong Ezipte zlapa ki b’oziyoma ki suma a i á tos abuma pet mi.

2 Amuleina 21:18

Manase mi mit mi i azulei kä ad’u abuyom ngolo. A tozom kur asinem ma nga hur aziyam ma amula ma a yum ala asinena hi Uza-na na. Goroma Amon mi vrak tamula blangâmu.

Sunda hi suma a sunuzinid’a 7:16

A yozi mad’azi a izi Sikem, a tozozi kur zul la Abraham mi guzut ki beged’a abo Hamor ma Sikem-ma gromid’a.