Ad’u Tinda 49:8 - Bible azumeina

⁸ Ni ang Juda ba, b’oziyongâ a mba suburungû. Ang mba tin abong ad’u azik mang suma djangûna. Abung groma a mba grif kä avorongû.

Ad’u Tinda 49:8 ပူးပေါင်းရင်းမြစ်များ

Ad’u Tinda 27:29

Ar andjaf suma a mbut ni magumei mangâ, suma yam andagad’ina a grif kä avorong mi. Ang ka’î ma ngolâ hi b’oziyongîna. Ar asung grotna a grif kä avorongû. Sama mi gang vunina, Alona mba mi gum vuna mi; sama mi b’e vunam kangâ, Alona mba mi b’e vunam kam mi.

Ad’u Tinda 29:35

Ti ve wirâ kua, ti vut gor mandjufâ, ti dala: Ihî wani, an mba ni gile Ma didina. Ni kayam ndata ba, ti yum ala Juda. Ti ka bei vuta.

Ad’u Tinda 42:6

Josef ni sama yam andaga d’a Ezipte-d’a aboma, mi nga mi gus awuna woi abo suma ding suma a mba kur ambas ndatina. Josef b’oziyoma a mba go, a grif kä avoromu, a tchok yazi kä andaga.

Ad’u Tinda 46:12

Juda groma ni Er, Onan, Sela, Peres ki Zera. Wani Er ki Onan a bo woi kur ambas sa Kanan-nda. Peres groma ni Hesron ki Hamul.

2 Samuel 22:41

Ang ar man suma djangûna a ring avoronu, suma noyôna, an dabazi tchid’a woyo.

2 Samuel 24:9

Jowap mi mba, mi he ndumba hi sumid’a mamulâ. Suma a we durâ aduk Israel-lîna ni 800.000, suma aduk Juda-na ni 500.000 mi.

2 Samuel 5:3

Ni hina ba, suma nglo suma Israel-lâ pet a mba gen amulâ David avo Hebron. David mi djin vunam ki sed’ezi avok Ma didina avo Hebron. Azi manam a tinim amula yam Israel-lâ.

1 Sunda Hamuleinid’a 28:4

Wani Ma didina Alona hi Israel-lîna mi manan aduk suma habuna pet á kak amula yam Israel-lâ gak didin. Mi man Juda á tak lovota mi Israel-lâ. Bugola, mi man suma habuna aduk suma hi Juda-na. Bugola, aduk suma habuna mi manan an á tamula yam Israel-lâ pet mi.

1 Sunda Hamuleinid’a 5:2

Juda ni ma gangrangâ aduk b’oziyoma, nad’u andjavam ba, amulâ mi nde kua. Wan pî, ngola a hat ni mandjafâ hi Josef-fâ.

2 Sunda Hamuleinid’a 14:8

Zera amul ma Etiyopi-na mi mba atazi durâ ki azigarâ 1.000.000 ki pus ma dur ayîna 300, a mbeï gak Maresa.

2 Sunda Hamuleinid’a 15:9

Mi tok suma Juda-na ki suma Benjamin-na pet, mi tok suma Efraim-ma ki suma hi Manase-na ki suma hi Simeon suma a nga kaka adigazina mi. Kayam ata yima Israel-lâ a we d’ala Ma didina Alo mama mi nga ki sed’emu d’a, ablaud’a a zlap ki sed’emu.

2 Sunda Hamuleinid’a 17:2

Mi tchol ad’enga á dur ki Israel-lâ, mi tin azigarâ kur azì ma nglo ma Juda-na pet kazì ma a ngom ahle suma ayîna kua kur ambasina kazì ma nglo ma Efraim ma abum Asa mi hluma pet mi.

2 Sunda Hamuleinid’a 30:11

Wani suma dingâ aduk suma hi Aser-râ, aduk suma hi Manase-na ki suma hi Zabulon-na a hulong yazi kä, a mbeï avo Jerusalem.

Sawal la giled’a 76:1

Ni sawal la gile d’a Asaf mi hlat kadingâ mi hat mi ma ngolâ hi suma hle sawalina.

Isai 9:7

Ma didina mi sunï zlad’a á ngop suma hi Jakob-ma, ti nde yam Israel-lâ.

Ezekiyel 21:29

Ni kayam ndata ba, an Salad’a Ma didina ni dala: Agi nga gan human ki tcho magid’a á ndagi ad’u tcho magid’a woi abu, á tagagi tcho magid’a woi ki sun magid’a woi pet ala agi ni suma tchona. Ni kayam ndata ba, ma djangûna mba mi yogiya.

Ndumba 10:14

Ades ma dur ayî ma mi tok ad’u drapod’a hi Juda-d’ina, mi tchol id’a avo’î mamu. Ma ngol ma avok suma hi Juda-nina ni Nason Aminadap goroma.

Ndumba 26:20

Wana ni Juda groma ad’u andjavaziya: Suma Sela-na nandjafâ hi Sela-na, suma Peres-sâ nandjafâ hi Peres-sâ, suma Zera-na nandjafâ hi Zera-na.

Ndumba 26:22

Wana nandjafâ hi Juda ma a ndumuma, azi pet ni 76.500.

Gat ta a hat á mbàd’id’a 33:7

Mi de yam andjafâ hi Juda-na ala: Ma didina, ang hum del suma hi Juda-na, ang mbazï gen sum mazina, ar ang ndjunuziya, ang dur mazi suma djangûna kazi mi.

Hebre-na 10:13

Ki tchetchemba, nga mi djup gak Alona mba mi mbut mam suma djangûna vama tin asema,

Hebre-na 7:14

Kayam ei wei tetet ala Saleina mi ndeï nad’u andjafâ hi Juda-na, wani Moise mi de zlad’a hi suma ngat buzunid’a ni yam andjaf máma d’i.

Josue 10:24

Kid’a azi buzuguzï woi avok Josue-d’a, Josue mi yi azigar suma Israel-lâ pet, mi de mi suma avogozi suma a nga tit ki sed’ema ala: Agi hud’ugïya, agi tinigi asegi kä kel amulei ndazina. A hud’ïya, a tin asezi kä keleziya.

Josue 15:20

Wana nandaga d’a a hat djona mandjafâ hi Juda-na ad’u adezezi ad’u adezezid’a:

Vama ndum mbeina 11:15

Malaika ma kid’iziyana, mi bu adif mamba. Del la teteng nga tcholï akulod’a ti dala: Ki tchetchemba, ad’eng nga te yam duniyad’id’a ni hi Saleina azi ki Christ mama. Mam mba mi te yam suma gak didin.

Vama ndum mbeina 5:5

Ma dingâ tu aduk suma nglona mi dan ala: Ang tchi d’i, ang gola! Azlo ma ad’u andjafâ hi Juda-nina, ni ma ad’u andjafâ hamulâ David-na mi, mi kus ayîna. Kayam ndata, mi ndak á hô dubang ma kid’iziyana woi á mal mbaktum ndata woi mi.

Suma ka sariyad’a 20:18

Israel-lâ a tchol a i Betel, a djop Alona ala: Ni nge adigami ba, mba mi ndavok á dur suma hi Benjamin-na ge? Ma didina mi hulong dazi ala: Nandjafâ hi Juda-na ba, mi ndavogo.