Ad’u Tinda 49:25 - Bible azumeina

²⁵ NAlona hi an abungâ ba, mba mi ndjunungû, Alo ma ad’engêm kal petna, mi b’e vunam kangû, mi b’e vunam kang ki mbiyo ma akulona, mi b’e vunam kang ki mbiyo ma kä ad’u andagad’ina mi, mi b’e vunam kang ki grona ki d’uwarâ mi.

Ad’u Tinda 49:25 ပူးပေါင်းရင်းမြစ်များ

Ad’u Tinda 17:1

Kid’a Abram bizam ndak dok zlengâ yam zlengîd’a, Ma didina mi nde tam mbei iramu, mi dum ala: An nAlo ma ad’engên kal petna; ang tit avoron d’ingêr ndak memet.

Ad’u Tinda 27:28

Ar Alona mi ge mbad’ïd’a ei akulod’a hur asinengû, andagad’a ti wulung ahlena ngola, awuna ki guguzlud’a mi.

Ad’u Tinda 28:13

Gola! Ma didina mi nga akulo yam agu máma, mi dum ala: An ni Ma didina, Alona habung ngolo Abraham-ma, Alona habung Isa’â. Andaga d’a ang nga burâ kat wanda, an mba ni hangzi mi ang kandjavangû.

Ad’u Tinda 28:21

le an hulongî avo habun ki lafiya ni, ata yi máma Ma didina mba mi arî Alo mana.

Ad’u Tinda 28:3

Ar Alo ma ad’engêm kal petna mi b’e vunam kangû, ang vut grona ablaud’a, ang zul ndjondjoî, kayam ang mbut nandjaf ma ngolâ.

Ad’u Tinda 32:9

Jakob mi tchen Alona ala: Alona habun ngolo Abraham-ma, Alona habun Isa’â, ni ang Ma didin ma dan ala an hulong yam andaga manda gen simiyên ang mba lan djivid’a na,

Ad’u Tinda 35:11

Mi dum kua ala: An nAlo ma ad’engên kal petna; ang vud’a, andjavang zul ngola; andjaf suma kablaud’a hi sumid’a a mba buzugï ni kurungû, amuleina a mba buzugï ni kurung mi.

Ad’u Tinda 35:3

Ei tcholeya, ei i Betel; an i ni min yima ngal ahle suma ngat buzuna mAlo ma mi hulongôn humba ata yima an nga kur ndakina, ni Ma mi nga ki sed’en kur tit manda ata yima lara ge petna.

Ad’u Tinda 43:23

Azong máma mi hulong dazi ala: Agi djib’eregi va d’i, agi kagagi iragi sik; Alo magina, Alona habugina, mi tchugugi beged’a kur bud’omei magina ni mam kla. An fe wa bege magid’a. Mi gazi Simeon akulo.

Ad’u Tinda 48:3

Jakob mi de mi Josef ala: Alo ma ad’engêm kal petna, mi nde tam mbei iran avo Lus kur ambas sa Kanan-nda, mi b’e vunam kanu,

Sawal la giled’a 84:11

Bur ma tu ma an kal kur gulumun mangîna, mi djivid’a kal bur ma dubu ma an kak kei abuna. Alo mana, tan lan djivid’a á kak ndjola avun gong manga kal la an kak kur zlub’ud’a hi suma asa’atnid’a.

Sawal la giled’a 85:12

Gagazid’a mba d’i tcholï ka andaga; d’ingêra hAlonid’a mba d’i tcholï nakulo mi.

Buzuk ka Abud’a 18:4

Ma hina a yum ala Eliyezer, kayam Moise mi dala: NAlona habuna ba, mi ndjunun mi prud’un ndei abo Faron.

Matiye 6:33

Wani ar agi halagi leud’a hAlonid’a ki d’ingêr mamba avok tua. Hina wani, Alona mba mi hagi ahle suma a arâ kam kua.

Efes-sâ 1:3

Ar ei gilei Alona Abu Saleina Jesus Christ ma mi b’e vunam kei zlapa tu ki Christ ki vun mam ma b’e ma lara ge pet ma sä akulona.

Gat ta a hat á mbàd’id’a 33:1

Wana ni vun ma b’e ma Moise sana hAlonina mi b’am yam Israel-lâ avok mat mamina:

Gat ta a hat á mbàd’id’a 8:17

Agi gologi tagi djiviya! Ar agi dagi kurugi ala nad’eng magid’a ki sib’ik magid’a ba, ti fahle suma ndjondjoî ndazina d’i.

Filip-ma 4:19

Wani Alo mana mba mi hagi ahle mam suma ndjondjoî suma kal teglesâ yam kid’ak magi d’a yam Jesus Christ-sa.

1 Timote 4:8

Sun nda teteng nga yam hliu tad’id’a, djivi mata nakid’eid’a. Wani sun nda le d’a kur lovota hAlonid’a djivi mata ti kal ngola, kayam vun ma hled’a nga kua yam ari d’a tchetchemba ki d’a nga d’i mbad’a mi.