Ad’u Tinda 49:24 - Bible azumeina

²⁴ Wani agu yeû mamba nga ndira woi ad’enga, abom nga ved’a ad’enga, kayam ad’enga hAlo ma sib’ika hi an Jakob-ma, kayam mam mi ma pola, ahina d’a deng tad’a hi an Israel-lîd’a.

Ad’u Tinda 49:24 ပူးပေါင်းရင်းမြစ်များ

Ad’u Tinda 45:11

Ata yi máma an mba ni hang tena ki sum mangâ ki d’uwar mangâ, kayam agi kid’agagi va d’i, kayam baktarad’a ti ar bizad’a vahl tua.

Ad’u Tinda 45:5

Ki tchetchemba, agi djib’eregi ngol luo, agi had’agi hurugi d’ala agi guzun ndei ka hî d’a d’i. Wani nAlona ba, mi sununï avorogi ka hî á sud’ugiya.

Ad’u Tinda 45:7

Alona mi sununï ka hî avorogi kayam andjavagi mi dap pei yam andagad’a d’i; mi sununï ná ngomogi á sud’ugi sut ta ngola.

Ad’u Tinda 47:12

mi he tena mabum azi ki b’oziyoma ki suma avo hatama yam grozi suma gureina pet mi.

Ad’u Tinda 48:15

Jakob mi b’e vunam yam Josef, mi dala: Alo ma abun ngolo Abraham azi kabun Isak a tit blogoma, ar mi b’e vunam yam gro ndazina; nAlo ma nga mi ngomon gak ini na, ar mi b’e vunam kaziya;

Ad’u Tinda 49:23

Suma yet yeûd’a a mba halam ki zlad’a, azi mba dur ki sed’emu.

Ad’u Tinda 50:21

Kayam ndata, agi lagi mandar ri. An mba ni hagi ahle suma kid’agagina, an mba ni hazi mi grogina mi. Mi b’lengêzi huruziya, mi dazi zla d’a djivid’a mi.

2 Samuel 5:2

Avok ka Saul nga tamula kami tua d’a, ni ang ba, i ki Israel-lâ á durâ, ang hulong ki sed’ezi mi. Ma didina mi dang ala: Ni ang ba, mba pol man suma Israel-lâ, ang mba kak amulâ hi Israel-lîna mi.

2 Amuleina 13:16

Elise mi dum ala: Ang mal ir fenetre d’a abo ma yorogonid’a woyo. Amulâ mi malad’u. Elise mi dum kua ala: Tin yeû manga ata aguwad’u. Amulâ mi hlagu yeû mamba. Elise mi tin abom yam ma hamulîna, mi dum ala: Ang yed’a. Amulâ mi yed’a. Ma djok vuna mi er ad’um akulo ala: Yeû ndata ni vama taka yam kus sa Ma didina mba mi had’enga mi Israel-lâ á kus yam azigar suma Siri-nid’a. Â, ang mba dur suma Siri-na avo Afek, ang mba dabazi woyo.

Nehemi 6:9

Sum ndazina a min mbud’umi mandarâ, a dala: Tazi mba d’i tchuk lus, a mba ar sun ndata bei led’a. An tchen Alona kua ala: Wani ki tchetchemba, ang Alo mana, ang han ad’enga.

Wana ni mbaktumba hi Job-pa 29:20

Subur manda mba d’i mbut awilid’a atanu, agu yeû manda mba d’i fad’enga hur abon mi.

Sawal la giled’a 118:22

Ahina d’a suma djak gonga a gat teid’a, ti mbut ta djik gonga akulod’a.

Sawal la giled’a 132:1

Ni sawal la suma a djak Jerusalem á lü vun tilîna a hlata. Ma didina, ang djib’er yam David, ang djib’er yam ndak ka mi fata pet mi.

Sawal la giled’a 132:2

Mi gun tam avok Ma didina, mi hle vunam mAlo ma ad’engâ hi Jakob-ma ala:

Sawal la giled’a 132:5

gak an fe yina yam Ma didina, yima kaka yam Alo ma ad’engâ hi Jakob-ma.

Sawal la giled’a 18:1

Ata yima Ma didina mi prut David tei abo mam suma djangûna petna, kal pet nabo Saul, ata yi máma David azongâ hi Ma didinina mi hle sawal la wanda mi Ma didina, mi hat mi ma ngolâ hi suma hle sawalina, mi dala:

Sawal la giled’a 18:30

Ni yam ad’eng manga ba, an nga ni nde b’rang nga ngola ayîna; ni yam ang Alo mana ba, an nga ni pir yam gulumun ma ad’eng ma ngunguna mi.

Sawal la giled’a 23:1

Ni sawal la David mi hlata. Ma didina ni ma polona; va mba kid’agan ndi.

Sawal la giled’a 27:14

Ang tin hurung yam Ma didina, ang ve tang ad’enga, ar tang tchuk lus si. Ang tin hurung yam Ma didina.

Sawal la giled’a 28:8

Ma didina nad’enga hi sum mamid’a, mam mi gulumun ma ad’eng ma sut amul ma mam manama.

Sawal la giled’a 44:7

An tin nga hurun yam yeû manda d’i, ni mbigeu man nda fiyaka ba, ti sud’un nduo mi.

Sawal la giled’a 73:23

Hina pet pî, an nga zlapa ki ang teteu; ang van kabong ma ndjufâ.

Sawal la giled’a 80:1

Ni sawal la gile d’a Asaf mi hlat mi hat mi ma ngolâ hi suma hle sawalina.

Sawal la giled’a 89:1

Ni sawal la gile d’a Etan ma Esara-na mi hlata.

Buzuk ka Abud’a 3:6

Mi dum kua ala: Ni an Alona habungâ, Alona hi Abraham-ma, Alona hi Isa’â, Alona hi Jakob-ma mi. Moise mi zlup ahlena iramu, kayam nga mi le mandarâ á gol Alona.

Isai 1:24

Kayam ndata, Salad’a Ma didin ma ad’engêm kal pet ma ad’enga hi Israel-lîna mi dala: An mba ni ka ir zla manda ki man suma djangûna! An mba ni sä atchugulun ki man suma djangûna!

Isai 28:16

Ni kayam ndata ba, Salad’a Ma didina mi dala: Gola! An tin nga ahina d’a gäd’u gonga kur Siyon, nahina d’a an kugut dad’a, nahina d’a guzut kal tegles sa nga tchola ad’enga ngungud’a. Sama deng tam atatna, mba mi ka’î ad’enga d’igi ndat na mi.

Isai 29:24

Suma djib’er mazid’a vit teina a mba humunu, suma a nga gureîna a mba he tazi á hata mi.

Isai 41:10

Agi lagi mandar ri! An nga ki sed’egiya. Agi mbud’ugi tagi hohoud’a d’i, kayam an nAlo magina, an nga ni siragiya, an nga ni mba á ndjunugiya, an nga ni ndjunugi kabon ma ndjuf ma kus ayîna.

Isai 49:26

Suma a nga djobok vuna’â, an mba ni hazi hliwizi tamba á mutna, a mba gurut ki buzuwazi d’igi sana mi gurut ki süm guguzlu d’a ayîna na. Suma pet a mba wala an ni Ma didin ma sud’uk ma ad’engêm kal petna hi Jakob ma mi wurak ka’â.

Isai 60:16

Andjaf suma kamulei mazina a mba wulugu. Ata yi máma ndak mba d’i wala an Ma didina ni ma sud’u’â, an ni ma sib’ika hi Jakob-ma, an ni ma wurak ka’â mi.

Zakari 10:12

An mba ni hazi ad’enga, a mba tit ni ki simiyênu. Ni an Ma didina ba, ni de na.

Zakari 3:9

Ma didin ma ad’engêm kal petna mi de kua ala: Ahina d’a tu d’a an tinit avok Josue wanda, ira nga kua kid’iziya. An mba ni b’ir b’ir ra ndak á b’irid’a kua, an mba ni hle tchod’a hambas ndatid’a woi kur bur ma tuna mi.

Matiye 21:42

Jesus mi dazi ala: Agi ndumugi nga zla d’a a b’irit kur mbaktumba hAlonid’a yagi tu ala: Ahina d’a suma djak gonga a gat teid’a ni d’a mbut ta djik gong nga akulod’a. Wana ni sun nda led’a hi Ma didinid’a. Ni vama ndandalâ ireya d’a d’uo zu?

Marik 12:10

Agi ndumugi nga zla d’a a b’irit kur mbaktumba hAlonid’a ala: Ahina d’a suma djak gonga a gat teid’a, ti mbut ta djik gonga akulod’a.

Wana ni Zla d’a Djivi d’a Luc mi b’irita 20:17

Wani Jesus mi golozi baba, mi dazi ala: Zla d’a a b’irit kur mbaktumba hAlonid’a ti de nana ge? Ahina d’a suma djak gonga a gat teid’a, ti mbut ahina d’a djik gonga akulod’a.

Sunda hi suma a sunuzinid’a 4:11

Mbaktumba hAlonid’a ti de yam Jesus ala: Mam mi ahina d’a agi suma djak gonga gat teid’a, ni d’a mbut ta djik gong nga akulod’a.

Romê-na 14:4

Angî nge ba, ang ka sariyad’a yam azongâ hi ndrangîna ge? Le mi nga ni kaka ad’enga kur sun mamba d’oze mi puk kä ni, ni zlad’a hi salamid’a. Gagazi, mam mba mi kak kad’enga, kayam Salad’a mi nga kad’enga á tcholom akulo.

Efes-sâ 2:20

Agiya, a minigi wa akulo yam ad’u ged’a hi suma a sunuzina ki d’a hi suma djok vun Alonid’a. Jesus Christ tamba nahina d’a ngol la djik gong nga akulod’a.

Gat ta a hat á mbàd’id’a 32:4

Ma didina nahina d’a ndjunid’a. Sun mam mba led’a ndak memet, nga hur mama pet ni ma iratna, ni ma d’engzengâ burâ ki burâ, ni Ma bei tchod’a ba na, ni ma d’ingêrâ, ni ma gagazina mi.

Gat ta a hat á mbàd’id’a 33:27

Alo ma ei adjeu dedeina ni yi mang ma ngeid’a; abom ma sib’ika, mi nga ki sed’eng ka hî yam andagad’a teteu; nga mi dik mang suma djangûna woi avorongû, nga mi he vuna ala: Ang dabazi woyo!

Gat ta a hat á mbàd’id’a 34:9

Josue Nun goroma mi oî ki muzuk ma ned’a, kayam Moise mi tin abom kamu. Israel-lâ a ge yazi kä avorom d’igi Ma didina mi he vuna mi Moise na.

Kolos-sâ 1:11

Kayam ndata, ami nga tchenemi Alona kayam mi siragi ngingring kad’enga hi subur mambid’a. Hina wani, agi mba fagi ad’enga á so tad’a, á ve tad’a mi.

2 Timote 4:17

Wani Salad’a mi nga tchola gevenu, mi han ad’enga á tchi wala ata yina pet kayam andjaf suma dingâ pet a huma, mi prud’un ndei avun azlona mi.

Josue 17:18

Wani agi mba hlagi ahinad’a. Le agud’a kat heî pî, agi mba kat teyo, agi mba fagi yina. Suma Kanan-na ki pus mazi ma dur ayîna kad’eng mazid’a pet pî, agi mba digizi woyo.

Suma ka sariyad’a 1:22

Suma hi Josef-fâ a i á dur Betel; Ma didina mi nga ki sed’eziya.