Ad’u Tinda 49:22 - Bible azumeina

²² Josef ni d’igi agu ma vut ma nga tchola avun mbiyo ma laud’ina na; abom nga mi ruî gak mi tchila woi yam gulumuna.

Ad’u Tinda 49:22 ပူးပေါင်းရင်းမြစ်များ

Ad’u Tinda 41:52

Mi yi wiyem ma kama ala Efraim, kayam mi dala: Alona mi han grona yam ambas sa an nga kaka kurut ki hohoud’id’a.

Ad’u Tinda 46:27

Josef grom suma vud’uzi Ezipte-na ni mbà. Jakob andjavam ma mba Ezipte-na pet ni dok kid’iziya.

Ad’u Tinda 48:1

Bugol ahle ndazina, sana mba mi de mi Josef ala: Abung nga tugud’eid’a. Josef mi yo grom suma mbàna, Manase azi ki Efraim.

Ad’u Tinda 48:15

Jakob mi b’e vunam yam Josef, mi dala: Alo ma abun ngolo Abraham azi kabun Isak a tit blogoma, ar mi b’e vunam yam gro ndazina; nAlo ma nga mi ngomon gak ini na, ar mi b’e vunam kaziya;

Ad’u Tinda 48:16

ni Malaika ma pad’an ndei kur tcho d’a lara ge petna, ar mi b’e vunam kaziya. Ar a yan simiyên kazi d’igi a nga yi simiyê abun ngolo Abraham azi kabun Isak na mi; Ar azi zul ablaud’a yam andaga d’a Kanan-nda.

Ad’u Tinda 48:5

Ki tchetchemba, grong suma mbà suma ang vud’uzi ka hî kur ambas sa Ezipte-d’a avok an bei mbad’a tua d’ina, azi ni mana. Efraim azi ki Manase ni mana d’igi Ruben azi ki Simeon na.

Ad’u Tinda 49:23

Suma yet yeûd’a a mba halam ki zlad’a, azi mba dur ki sed’emu.

Sawal la giled’a 128:1

Ni sawal la suma a djak Jerusalem á lü vun tilîna a hlata. Sama ring mandara Ma didina ma tit kur lovot mamba mi na, mi le furîd’a.

Sawal la giled’a 128:3

Amanga mba d’i ka’î d’igi agu guguzlu d’a vuta na avo hur aziyangû, grongâ a mba ngui kaka kä geveng avun tabul mangâ ni d’igi gro agu olifâ na mi.

Sawal la giled’a 80:10

Ang minit yina avorod’u; sideyet mi sir kä, ti hle ambasa pet.

Ezekiyel 19:11

Abot mi nga kad’enga á ka totogo d’a tamula. Fiyagat kal agu ma dingâ pet. Suma a nga le atchap yam fiyak mat ta akulod’a, yam abot ma mi tchuk grona tetengâ mi.

Wana ni mbaktumba hi Oze-d’a 13:15

Le andjafâ hi Efraim-ma nga mi i avogovok aduk b’oziyoma pî, simetna mba mi tcholï abo ma yorogona, ni simet ma tcholï hur fulâ ata Ma didinina. Mba mi som mbiyo mam ma laud’a woyo, mba mi sid’amam golong mamba woi mi. A mba hurumum ahle mam suma guzuzi kal teglesâ mi.