Ad’u Tinda 49:10 - Bible azumeina

¹⁰ Juda, totogo d’a amula mba d’i prut abong ngi; totogo d’a te leud’a mba d’i wal ki sed’eng nguo mi, gak mbad’a hi Sala totogo ndata. Ni ma suma a mba ge yazi kä avoroma.

Ad’u Tinda 49:10 ပူးပေါင်းရင်းမြစ်များ

2 Samuel 7:13

Ni mam ba, mba mi min gonga akulo ki simiyênu, an mba ni hum ad’enga á kak yam zlam mam mba amula gak didin.

2 Samuel 7:16

Sama ad’u andjavangâ mba mi tamula blagang gak didin; amul manga mba d’i giget ti gak didin.

1 Sunda Hamuleinid’a 12:24

Azigar suma ad’u andjafâ hi Juda suma a dur ki mbareid’a kasapina a ni 6800.

1 Sunda Hamuleinid’a 12:39

Azi le burâ sä kua hindi gen David, a te, a tche, kayam b’oziyozina a lazi tena.

Sawal la giled’a 108:8

Alona, ang deï zlad’a kur gong mang nga kud’ora ala: Ayî ma kusa ni mana, an mba ni b’rau Sikem mbeyo, an mba ni nga hor ra Sukot-ta ni an mi.

Sawal la giled’a 60:7

Kayam suma ang le kazina a sud’a d’a, ang humumiya, ang sud’umi kad’eng manga.

Sawal la giled’a 60:9

Galät ni manda, Manase ni manda mi. Efraim ni djum mba kanda, Juda ni totogo man nda tamula mi.

Sawal la giled’a 78:68

Wani mi man andjafâ hi Juda-na, mi man ahina d’a Siyon nda hurum vat heîd’a.

Isai 11:10

Kur bur máma Sideina hi Jesse-na mba mi tchol akulo d’igi drapo d’a taka na yam andjaf suma. Andjaf suma a mba mba gevemu, a mba hum ngola mi.

Isai 2:2

Kur atchogoi d’a mba d’i mbad’a, ahina d’a a min gong nga kud’ora hi Ma didinid’a kata, a mba b’alat akulo yam ahuniyôna yazi d’a ked’iwurenga, mba d’i kal akulo yam ahuniyôna pepet. Ata yi máma andjaf suma pet a mba i kua nunuk.

Isai 33:22

Ma didina ni mei ma ka sariyad’a, ni mei ma dei gatina, namul meina, ni ma sud’ina mi.

Isai 42:1

Ma didina mi dala: Wana nazong man ma an nga ni ndjunuma, ni ma an manam ma tan ndi lan djivid’a heî kama. An hum Muzuk mana á tak sariya d’a gagazid’a woi mandjaf suma mi.

Isai 55:3

Agi tinigi humagiya, agi mbeyegi gevenu; agi humugiya, agi mba kagagi karid’a. An mba ni djin vun ma didina ki sed’egiya. Ni vun ma djin ma d’engzeng ma an djinim ki David-na.

Isai 60:1

Ndak Jerusalem, ndak tchol akulo, ndak wile kayam b’o maka nga d’i nde woyo, subura hi Ma didinid’a nga d’i tchol akulo kagu, nga d’i b’o kak d’igi afat ta ti deî d’a na.

Isai 62:11

Gola! Ma didina nga mi de zla ndata woi yam andagad’a pet ala: Agi dagi mi suma Siyon-na ala: Gola! Magi ma suta nga mi djï ki wurak mamba abomu. Gola! Wurak ka yam sun mambid’a nga abom mi.

Isai 9:6

Leu mam mba ted’a mba d’i i avogovok ki b’leng nga halas sa bei dabid’id’a. Mba mi kak yam zlam mba amula hi David-ta, mba mi te yam leu mamba, mba mi tin d’ingêra ki gagazid’a hAlonid’a ki tchetchemba gak didin. Wana ni vama Ma didin ma ad’engêm kal petna mba mi lum ki zlezleû mambina.

Jeremi 30:21

Ma didina mi dala: Ni sama adigagina ba, mba mi kak amul magina. Gagazi, ni sa magina ba, mba mi tagagi lovota. An mba ni hum lovota á hud’ï gevenu, kayam sama ding ma mba mi ve tam ad’enga á he tam mbei á hud’ï geven ma bei an yumina nga d’i.

Jeremi 33:26

ata yi máma an mba ni gandjafâ hi Jakob-ma ki ma hazong mana David-na woyo, an mba ni hle sa ad’u andjavam aduk suma a mba te yam andjafâ hi Abraham-ma yam andjafâ hi Isa’â yam ma hi Jakob-ma d’uo mi. Kayam an mba ni hulongî ki mazi suma a yozi magombina avo, an mba ni wazi hohowozi mi.

Ezekiyel 19:11

Abot mi nga kad’enga á ka totogo d’a tamula. Fiyagat kal agu ma dingâ pet. Suma a nga le atchap yam fiyak mat ta akulod’a, yam abot ma mi tchuk grona tetengâ mi.

Ezekiyel 19:14

Akud’a ti foï ata abod’u, ti ngalat abot tei ki vud’ud’u. Abot mi nga ad’enga á ka totogo d’a tamula d’uo d’a. Ti arî sawal la yor tad’a, ti arî á yor tad’a.

Ezekiyel 21:27

Vama tagam lovota yam Jerusalem-ma mi nga ved’a abom ma ndjufâ. Mba mi he vuna mi suma tchi suma á tchi wulula, á min vama to gulumuna kä woina, á ndjar vama to gulumuna avun agre’â, á mbu andagad’a akulo ad’u azina, á ka azigar suma ayîna woi dudup mi.

Ezekiyel 21:32

An mba ni to kä woyo, an mba ni to Jerusalem kä woyo. Ahlena pet a mbut wa á djup mbad’a hi sama an mba ni hum sariya d’a kad’a aboma.

Daniel 9:25

Ang we, ang wad’ud’a djivi mi. Tin ad’ud’a kur bur ma a ge sunda á dala: A mba hulong min Jerusalem akulo gak mbad’a hi ma ngol ma a yum ala Mesi-na na, a mba le ni bizad’a kid’iziya kid’iziya yat kid’iziya. Bugol kur biza d’a kid’iziya kid’iziya dok karagaya yam mbàd’a, a mba hulong min azì máma akulo ki ir gulumun ma tcho woina, wani ni kur yima ndaka.

Mise 5:1

Ang azì ma Betelehem ma Efrat-na, ang ma akid’eid’a aduk azì ma dudubu ma Juda-nina, man ma mba mi te yam Israel-lîna mba mi ndeï ni kurungû, ni ma andjavam tcholï adjeu dedeina.

Wana ni mbaktumba hi Aze-d’a 2:7

An mba ni mbut andjaf suma pet batuwak; ahle mazi suma ndjondjoîna pet a mba mba ki sed’ezi ka hî, an mba ni subur gong nga kud’or ra wanda.

Zakari 10:11

A mba djak alum ma ndaka, a mba wat abilâ halum ma ngolîna, galilei ma yiyi’â halum ma Nil-lîna pet mba mi so woyo. Subur tad’a hi Asiri-nid’a mba d’i hulong kä, ad’enga hi suma Ezipte-nid’a mba d’i dap peyo.

Zakari 2:11

Kur bur máma andjaf suma ablaud’a a mba reî ki an Ma didina, a mba mbut sum mana, an mba ni kak adigagiya. Kur bur máma agi mba wagi ala ni Ma didin ma ad’engêm kal petna ba, mi sununï gevegiya.

Ndumba 21:18

Golong nga suma nglo suma avok suma a kat ta suma nglona a tchota, a kat ki totogo d’a tamula, a tchot ki dunguru mazina mi.

Ndumba 24:17

An wumu, wani nga ni tchetchem mbi, an golomu, wani mi nga go d’i. Tchitchiud’a ti ndeï ad’u andjafâ hi Jakob-ma, totogo d’a tamula ti ndeï aduk Israel-lâ, ti to suma Mowap-ma fefed’eziya, ti to suma hi Set-na pet mi.

Ndumba 24:19

Ma mba mi ndeï ad’u andjafâ hi Jakob-mina, mba mi te leu d’a kala, mba mi dap suma a ar kur azì ma ngolîna woyo.

Matiye 1:21

Mba d’i vut gorâ, ang mba tinim simiyêm ala Jesus, kayam mam mba mi sut sum mama woi kur tcho mazid’a.

Matiye 17:5

Kid’a nga mi de zla ndata tua d’a, d’ugula ti b’o ti kulubuziya, dela ti ndeï kur d’ugula, ti dala: Wana ni Goron ma an hurun vum heîna, ni ma tan ndi lan djivid’a heî kama; agi humugiziya.

Matiye 21:9

Ablau suma a nga tit avoroma kablau suma a nga tit blogoma, a nga er ad’uzi akulo ala: Suburi David goroma. Ar Alona mi b’e vunam yam sama nga mi mba ki simiyê Ma didinina. Suburi Alo ma sä akulona.

Matiye 25:32

Andjaf suma pet a mba tok kä avoronu. An mba ni walazi irazi woi d’igi ma pola mi wal ir tumiyôna ki b’ogeina na.

Jean 12:32

Fata a gaban akulod’a, an mba ni tanï suma pet gevenu.

Jean 18:31

Kayam ndata, Pilat mi dazi ala: Agi vagiziya! Agi tagid’a kagi sariyad’a kam yam gat magid’a. Juif-fâ a dum ala: Gat magid’a arami nga lovota á tchi sa d’i.

Jean 19:12

Kayam ndata, Pilat mi min gum akulo, wani Juif-fâ a de ki delezi akulo ala: Ang le ge sa máma akulo ni, angî Sesar banama d’i. Sama lara pî ma mbut tam amulîna, mi ka’î djangûna ki Sesar.

Jean 19:15

Kayam ndata, azi de ki delezi akulo ala: Tchum mbeyo, tchum mbeyo, b’alam akulo ata aguna. Pilat mi djobozi ala: An b’alagi amul magina akulo zu? Nglo suma ngat buzuna a hulong dum ala: Ami nga kamul ma ding ngi, ni Sesar tu.

Jean 9:7

mi dum ala: Ang i mbus irang kur gring ma Silowe-na. Ad’ut nala, Suna. Kayam ndata, sama duka i mbus iramu, mi hulongî, nga mi we yina.

Romê-na 15:12

Isai pî mi dala: Sideina hi Jesse-na mba mi mba, mba mi te yam andjaf suma dingâ, a mba tin huruzi kam mi.

2 Korente-na 5:10

Kayam ei pet mba tcholei avok zlam mba ka sariyad’a hi Christ-sa, nge nge pî mba mi ve vama ndak yam sun nda mi lat kur hliu tamba, le ni djivid’a, d’oze tchod’a.

Gat ta a hat á mbàd’id’a 28:57

Ti mba d’i d’el grot suma ndat ti vud’uzina á mut gor ma ndat vud’um awilina ki oto’oma ki sed’ed’u, kayam ndat mba d’i te te matna ni gumunu, kayam ndat nga ki vama te ma ding ngi abo ndak ka magi suma djangûna a mba lagizi ata yima a mba nguyugi aziyagina.

Hebre-na 7:14

Kayam ei wei tetet ala Saleina mi ndeï nad’u andjafâ hi Juda-na, wani Moise mi de zlad’a hi suma ngat buzunid’a ni yam andjaf máma d’i.

Vama ndum mbeina 11:15

Malaika ma kid’iziyana, mi bu adif mamba. Del la teteng nga tcholï akulod’a ti dala: Ki tchetchemba, ad’eng nga te yam duniyad’id’a ni hi Saleina azi ki Christ mama. Mam mba mi te yam suma gak didin.