Ad’u Tinda 48:15 - Bible azumeina

¹⁵ Jakob mi b’e vunam yam Josef, mi dala: Alo ma abun ngolo Abraham azi kabun Isak a tit blogoma, ar mi b’e vunam yam gro ndazina; nAlo ma nga mi ngomon gak ini na, ar mi b’e vunam kaziya;

Ad’u Tinda 48:15 ပူးပေါင်းရင်းမြစ်များ

Ad’u Tinda 17:1

Kid’a Abram bizam ndak dok zlengâ yam zlengîd’a, Ma didina mi nde tam mbei iramu, mi dum ala: An nAlo ma ad’engên kal petna; ang tit avoron d’ingêr ndak memet.

Ad’u Tinda 24:20

Ndat vo mbiyo ma ar kur agelina kä kur alum mba nga kä del golongid’a atogo zak, ti ring á gul mbiyo ma dingâ kä golongô, ti he mbina mi djambala pet mi.

Ad’u Tinda 24:40

mi hulong dan ala: Ma didin ma an nga ni tit avoroma mba mi sun malaika mama zlapa ki sed’eng á ngomong kur tit manga; ang mba veï atchad’a mi gorona aduk simiyên kur azina habuna.

Ad’u Tinda 27:27

Jakob mi hut gen abumu, mi vum atamu. Abum mi hizim baru mamba, mi b’e vunam kamu, mi dala: Gagazi, hisâ hi goronina mi ni d’igi asine ma Ma didina mi b’e vunam kama na.

Ad’u Tinda 27:4

ang lan te ma djivi ma hurun vum heîna, ang mbandjïya; an te, an b’e vunan kang tua ba, an ni mid’a.

Ad’u Tinda 28:20

Jakob mi hle vunam mi dala: Le Alona mi nga ki sed’enu, mi ngomon kur tit manda, mi han tena, mi han baru d’a tchuka,

Ad’u Tinda 28:22

Ahina d’a an tinit akulo kad’ut á ge humba wanda mba d’i mbut ni gonga hAlonid’a. Ahlena pet suma mam mba mi handjina, dogo an mba ni pad’am tu, dogo an mba ni pad’am tu.

Ad’u Tinda 28:3

Ar Alo ma ad’engêm kal petna mi b’e vunam kangû, ang vut grona ablaud’a, ang zul ndjondjoî, kayam ang mbut nandjaf ma ngolâ.

Ad’u Tinda 35:3

Ei tcholeya, ei i Betel; an i ni min yima ngal ahle suma ngat buzuna mAlo ma mi hulongôn humba ata yima an nga kur ndakina, ni Ma mi nga ki sed’en kur tit manda ata yima lara ge petna.

Ad’u Tinda 48:16

ni Malaika ma pad’an ndei kur tcho d’a lara ge petna, ar mi b’e vunam kaziya. Ar a yan simiyên kazi d’igi a nga yi simiyê abun ngolo Abraham azi kabun Isak na mi; Ar azi zul ablaud’a yam andaga d’a Kanan-nda.

Ad’u Tinda 49:22

Josef ni d’igi agu ma vut ma nga tchola avun mbiyo ma laud’ina na; abom nga mi ruî gak mi tchila woi yam gulumuna.

Ad’u Tinda 49:24

Wani agu yeû mamba nga ndira woi ad’enga, abom nga ved’a ad’enga, kayam ad’enga hAlo ma sib’ika hi an Jakob-ma, kayam mam mi ma pola, ahina d’a deng tad’a hi an Israel-lîd’a.

Ad’u Tinda 49:28

Wana nandjafâ hi Israel ma dogo yam mbàna, wana ni zla d’a abuzi mi dazizid’a. Abuzi mi b’e vunam kazi tutu pet, nge nge pî, mi b’e vunam kamu.

Ad’u Tinda 6:9

Wana ni zla d’a ded’a yam Noe-d’a: Noe ni sama d’ingêr ma d’engzengâ avok Alona, mi tit zlapa kAlona.

1 Amuleina 3:6

Salomon mi hulong dum ala: Ang le yam azong mangâ abun David ngola, mam tamba mi kak sama d’engzeng ma nda’â avorong d’ingêr memet mi. Kayam ndata, ang nga le kam tua, ang vragan an goroma ini amula blangâm wana.

1 Sunda Hamuleinid’a 5:1

Ruben Israel gorom ma ngolâ groma ba wana: Kayam Ruben ni gor ma ngolâ, wani kid’a mi bur katchad’a habumid’a, ahle suma ngad’a kam yam ngol mambina a hazi woi mi Josef ma Israel goromina groma. Ni hina ba, a b’ir nga simiyê Ruben ngad’a yam ngol mamba d’uo ni na.

Sawal la giled’a 16:8

An nga ni gol Ma didina avoron teteu. Ata yima mi nga tchola yam bigan nda ndjufina, an nga ni giget ti.

Sawal la giled’a 23:1

Ni sawal la David mi hlata. Ma didina ni ma polona; va mba kid’agan ndi.

Sawal la giled’a 37:3

Ang deng tang ata Ma didina, ang le djivid’a mi. Hina wani, ang mba kak yam andaga manga, ang mba kak ki b’leng nga halasa mi.

Buzuk ka Abud’a 3:16

Ang i tok suma nglo suma Israel-lâ, ang dazi ala: Ma didina, Alona habuyogi ma nde tam mbei irana, Alona hi Abraham-ma, Alona hi Isa’â, Alona hi Jakob-ma, mi dan ala: An mba á ndjunugi gagazi, kayam an wahle suma suma a nga lagizi avo Ezipte-na.

Buzuk ka Abud’a 4:5

Ma didina mi dum kua ala: Ang i le hina, wani azi mba he gagazid’a kang ala an Ma didina Alona habuyozi ngolona, Alona hi Abraham-ma, Alona hi Isa’â, Alona hi Jakob-ma, ni nde tan ndei irangû.

Ma tchi wala 5:12

An we vama tcho ma kalâ yam andagad’a ka hî. Ni ndjondjoî d’a salatna nga mi togot yam vama mba mi mba kam avinid’a.

Ma tchi wala 5:18

Alona mi he ndjondjoîd’a ngola mi suma dingâ, mi arazi lovota á te kat mi. A tat mbiyod’u, a le furîd’a yam kau mazid’a. Ndata ni he d’a hawad’a hAlonid’a.

Ma tchi wala 6:7

Sana mi fe ndaka pet ni yam te ma avunama, wan pî, a nga ndagam mbi.

Isai 30:21

Fata agi mba d’ezegi woi abo ma ndjufâ d’oze abo ma gulanid’a, agi mba humugi zla d’a ded’a blogogi ala: Lovota avorogi wana! Agi hlagiziya!

Isai 33:16

sa máma mba mi ka’î ata yima subura. Ahina d’a ad’eng nga ngingid’a mba d’i mbut ni yi mam ma ngei tama. A mba hum te mama ni ki halasa, mbiyo mam ma tched’a mba mi kid’agam mbi.

Jeremi 8:2

A mba tchuk asok máma kä ir afata, ir tilâ, ir ahle suma lara suma akulona mi. Ahle ndazina nahle suma azi huruzi minizina, a lazi sundina, a tit ad’uzina, a zlap ki sed’ezina, a djobozi á kud’urozina mi. A mba yozi asogozi máma d’i, a mba tozozi d’uo mi, wani asok máma mba mi mbut ni d’igi siligitna na kä yam andagad’a.

Wana ni Zla d’a Djivi d’a Luc mi b’irita 1:6

Azi djak ni suma d’ingêrâ avok Alona, a ge yazi kä ad’u gata ki vun ma hed’a hi Salad’ina pet.

1 Korente-na 10:31

Le agi nga tagiya, le agi nga tchagiya, d’oze le agi nga lagi ni va ni, ar agi lagi ahlena pet ná subur Alona.

2 Korente-na 1:12

Ami nga suburumi tami yam djib’er ra kurumi d’a nga d’i le glangâsâ kami yam tit mamid’a avok suma duniyad’id’a, kal pet navok agiya. Ami nga tid’imi ni tit ta luluma d’a bei lop ir ra tcholï ata Alonid’a. Ami nga tid’imi ni yam ned’a hi sumid’a d’i, wani nad’u ad’enga hi sumad’a hAlonid’a.

Gat ta a hat á mbàd’id’a 33:1

Wana ni vun ma b’e ma Moise sana hAlonina mi b’am yam Israel-lâ avok mat mamina:

Kolos-sâ 2:6

D’igi agi vagi Jesus Christ Salad’a na, ar agi tid’igi zlapa tu ki mamu.

1 Tasaloni’â 2:12

Ami gigid’egiya, ami b’lengêgi kurugiya, ami zud’ugi kam kua kam kua ala agi tid’igi ndak ata minda hAlo ma nga mi yagi á igi kur leu mamba ki subur mambina.

Hebre-na 11:21

Ni yam he gagazid’a ba, ata yima Jakob ar go á matnina, mi b’e vunam yam Josef grom suma mbàna, mi deng tam yam totogo mamba, mi kud’or Alona mi.