Ad’u Tinda 47:15 - Bible azumeina

¹⁵ Ata yima bege d’a Ezipte-d’a ki d’a Kanan-nda dapma, Ezipte-na pet a mba gen Josef, a dum ala: Ang hami tena. Ni kayam me ba, ami bomi woi atang yam zlad’a hi beged’a ge?

Ad’u Tinda 47:15 ပူးပေါင်းရင်းမြစ်များ

Ad’u Tinda 41:36

Hina wani, ei mba fei tena yam ambas sa Ezipte-d’a kur biza d’a kid’iziya d’a baktarad’a nga d’i mbad’a. Hina wani, baktarad’a mba d’i tchi suma kur ambasina woi d’i.

Ad’u Tinda 47:16

Josef mi hulong dazi ala: Le bege magid’a nga d’uo ni, agi han d’uwar magina; an hagi tena ndak yam gusa hi d’uwar maginid’a.

Ad’u Tinda 47:24

Bur ma duta, vama vahlâ, agi pad’agi tu mi Faron. Magina ar fid’i á zara ki te magina ki suma avo hatagina ki grogina.

Sawal la giled’a 37:3

Ang deng tang ata Ma didina, ang le djivid’a mi. Hina wani, ang mba kak yam andaga manga, ang mba kak ki b’leng nga halasa mi.

Isai 33:16

sa máma mba mi ka’î ata yima subura. Ahina d’a ad’eng nga ngingid’a mba d’i mbut ni yi mam ma ngei tama. A mba hum te mama ni ki halasa, mbiyo mam ma tched’a mba mi kid’agam mbi.

Matiye 6:11

Ang hami ini te mami ma burâ ki burîna.

Suma ka sariyad’a 8:5

A mbaza avo Sukot. Zedeyon mi de mi sumazina ala: Agi hagi avungôna mi suma ad’una nde, kayam azi seyâ. An nga ni di’î amulei suma Madiyan-na, nala, Zeba ki Salmuna.

Suma ka sariyad’a 8:8

Ata yi máma mi kal mi i Penuwel, mi djop suma Penuwel-lâ ni hina dedege. Suma Penuwel-lâ a hulongôm humba ni d’igi suma Sukot-na a hulongôm humba hina dedege mi.

1 Samuel 21:3

Ki tchetchemba, ni me nga abong nge? Ang han avungôna vahl hloze vama nga abongâ.

1 Samuel 25:8

Ang djop azungeî mangâ; azi mba dangû. Ar ang vazungeî mana atang ki djivid’a, kayam ami mbami ni kur bur ma djivina. An nga ni tchenengû, ang hazungeî mangâ ki gorongâ David vama nga abongâ.