Ad’u Tinda 46:34 - Bible azumeina

³⁴ agi dum ala: Ami azungeî mangâ ni suma ngom d’uwarâ ki gugurei tami dei gak ini d’igi abuyomi ngolo hina. Hina wani, mba mi hagi vuna á kagagi yam ambas sa Gosen-nda, kayam suma pol aho’â pet, Ezipte-na a golozi ni is.

Ad’u Tinda 46:34 ပူးပေါင်းရင်းမြစ်များ

Ad’u Tinda 13:7

Yalâ tchol aduk suma pola hi Abram-ma ki suma pola hi Lot-na. Suma Kanan-na ki suma Peris-sâ a nga kaka yam andaga ndata tua.

Ad’u Tinda 13:8

Kayam ndata, Abram mi de mi Lot ala: Ar yalâ mi tchol adigei d’i, d’oze aduk man suma pola ki mang suma pola d’uo mi, kayam ei ni b’oziyo teya.

Ad’u Tinda 26:20

Suma pol suma Gerar-râ a nga yal tazi ki suma pola hi Isa’â ala: Mbiyo máma ni mamina. Isak mi yi golong ndata ala Esek, kayam azi yal ki sed’emu.

Ad’u Tinda 30:35

Kur bur máma tamba Laban mi var ahok mbekmbere suma tazi d’udjod’a kikringâ ki suma tazi tchetchefâ, ahok b’ogei suma aropma pet suma tazi ndundub’u’â ki suma tazi tchetchefâ, suma tazi b’ub’ulu’â ki gro tumiyô suma wurageina, mam hazi mi groma.

Ad’u Tinda 34:5

Jakob mi hum ala Sikem mi b’lak wa goromba Dina. Wani grom suma andjofâ a sä abagei kaho’â tua. Kayam ndata, mi de nga zla d’i, gak azi mba avo.

Ad’u Tinda 37:12

Bur tu Josef b’oziyoma a i kaho’â habuzina yam andaga d’a Sikem-mba á pola.

Ad’u Tinda 37:2

Wana ni zla d’a ded’a yam Jakob ki gromid’a: Kid’a Josef bizamî dogo yam kid’iziyad’a, nga mi pol tumiyôna ki b’oziyoma, Bilha azi ki Zilpa aropma habuma grozina. Nga mi mba ki zla mazi d’a tchod’a mabumu.

Ad’u Tinda 43:32

A he Josef tena woi vamu, a he b’oziyoma woi vazi mi; a he Ezipte suma mi yazï avo hatama woi vazi mi, kayam Ezipte-na a nga te ki suma Hebre-na tu d’i, kayam ni vama ndjendjed’a iraziya.

Ad’u Tinda 45:10

Ang mbeya, ang mba kak yam ambas sa Gosen-nda go ki anu, ki grongâ ki grong ngolona, ki d’uwar mang ma gureina ki ma nglona kahle mangâ pet.

Ad’u Tinda 45:18

a yoï abuzi ki sum mama, a mbazï ka hî. An mba ni kagagi kur ambas sa djivi d’a kal la nga kur Ezipte-d’a, azi mba te te ma djivi ma yam ambasina.

Ad’u Tinda 46:32

Sum ndazina ni suma pola, azi ni suma ngom d’uwarâ; azi mba nga ki d’uwar ma gureina ki ma nglona kahle mazina pet mi.

Ad’u Tinda 47:11

Josef mi kak abum azi ki b’oziyoma ata yima djivi ma kalâ kur andaga d’a Ezipte-d’a yam ambas sa Ramses-sa d’igi Faron mi hum vuna na. Josef mi hazi andaga ndata aboziya,

Ad’u Tinda 47:3

Faron mi djobozi ala: Sun magid’a ni suna me ge? Azi hulong dum ala: Ami azungeî mangâ ni suma pol aho’â d’igi abuyomi ngolo na.

Ad’u Tinda 47:4

Baktarad’a nde yam ambas sa Kanan-nda, hatna nga yam tumiyôna hi ami azungeî mangîna d’i. Kayam ndata, ami mbami á kak yam andaga manga. Ami nga tchenengû, ang hami lovota ami azungeî mangâ kagami yam andaga d’a Gosen-nda.

Ad’u Tinda 47:6

Andaga d’a Ezipte-d’a nabong angû; ang kak abung ki b’oziyongâ ata yima djivi ma kalâ, ar azi kak yam andaga d’a Gosen-nda. Le ang fe suma ned’a adigaziya ni, ang tinizi á pol d’uwar mana mi.

Buzuk ka Abud’a 8:22

Moise mi hulong dum ala: Nga ata yat ti, kayam ahle suma ngat buzu suma ami hazi mi Ma didina Alo maminina nahle suma ndjendjed’a ir Ezipte-na. Le ami hami ahle suma ngat buzu suma ndjendje ndazina kä iraziya ni, a mba durumi kahinad’a á tchami woi d’uo zu?

Buzuk ka Abud’a 8:26

Moise mi nde woi avo hi Faron, mi tchen Ma didina.