Ad’u Tinda 45:3 - Bible azumeina

³ Josef mi de mi b’oziyoma ala: Ni an Josef! Abun nga ki iram tua zu? B’oziyoma a hulongôm nga zla d’a ded’a d’i, kayam vunadigazi d’i pat fek avoromu.

Ad’u Tinda 45:3 ပူးပေါင်းရင်းမြစ်များ

Ad’u Tinda 37:20

Ei i tchiziya, ei gum kur golong nga adjeud’a, ei mba dei ala: Ambur ma tchona mi vumu, ei mba wei ad’u adï mam ndata.

Ad’u Tinda 42:21

Azi de tazi ala: Gagazi, ndaka mba kei wani ni yam zlad’a hi wiyeinid’a. Ata yima mi tchenei ala ei vum hohowomu, ei wum ndak mamba na, ei humum nga d’i. Ni kayam ndata ba, ndaka mba kei wana.

Ad’u Tinda 42:22

Ruben mi de mi b’oziyoma ala: An dagi d’uo zu? An dagi ala: Agi lagi Josef tchod’a d’i, wani agi humun ndi. Gola! Ki tchetchemba, ei nga fei ndaka wana, ni yam mat mama.

Ad’u Tinda 43:27

Josef mi djobozi ala: Agi hawa ko zu? Abugi ma mamar ma agi dandji zlama, mi nga hawa ko zu? Mi nga ki iram tua zu?

Wana ni mbaktumba hi Job-pa 23:15

Ni kayam ndata ba, vunadigan ndi pat avoromu; ata yima an djib’er kama, an nga ni lum mandaramu.

Wana ni mbaktumba hi Job-pa 4:5

Ki tchetchemba, ndaka mba kang ang wana, ang mbut amangeîd’a wana! Ki tchetchemba, ti dongû, ang nde tchatata!

Zakari 12:10

Ata yi máma an mba ni vo muzuk ma suma ma hud’a yam andjafâ hi David-na, yam suma Jerusalem-ma. Azi mba mbut irazi kanu, azi mba tchi hor ra sama a tchogoma d’igi a tchi horâ gor ma abo abum tuna na, a mba tchi tchi ma hat hurâ kam d’igi a tchi yam gor ma a vud’um avo’â na mi.

Marik 6:50

kayam me azi pet a wumu, huruzi ka mbina mi. Ata yi máma na wat, Jesus mi dazi ala: Agi vagi tagiya, ni anu, agi lagi mandar ri.

Wana ni Zla d’a Djivi d’a Luc mi b’irita 5:8

Kid’a Simon Pierre mi we hina d’a, mi grif kä avok Jesus, mi dala: Salana, ang aranu, kayam an ni sama tchona.

Sunda hi suma a sunuzinid’a 7:13

Ata mba mazi d’a á mbàd’id’a, Josef mi simat tam mi b’oziyoma. Faron mi wandjafâ hi Josef-fâ mi.

Sunda hi suma a sunuzinid’a 9:5

Mi djobom ala: Salana, angî nge ge? Mam hulong dum ala: Ni an Jesus ma ang nga djobon vunana.

Vama ndum mbeina 1:7

Gola! Nga mi djï kur d’ugula. Suma pet a mba golomu, suma tchogoma pî a mba wumu, suma yam andagad’ina pet a mba tchi hora kamu. Â, ar le hina. Amin!