Ad’u Tinda 43:9 - Bible azumeina

⁹ An hle zlad’a hi Benjamin-nda kanu. Le an mbangzi nga d’uo ni, ang djobom zlam natanu. Tcho ndata ar kan gak didin.

Ad’u Tinda 43:9 ပူးပေါင်းရင်းမြစ်များ

Ad’u Tinda 31:39

an mba nga ki har ahu ma amburâ vuma d’i, an ve tan ad’enga kuru; ahu ma a kulum falei d’oze andjegena, ang nga djobon kamu.

Ad’u Tinda 42:37

Ruben mi de mabum ala: Le an mbang nga Benjamin d’uo ni, ang tchi gron suma mbàna. Ang handji abonu, an mba ni hulongôngziya.

Ad’u Tinda 43:10

Ladjï yami ve d’uo ni, ki tchetchemba, ami imi wa woi yami mbà da’.

Ad’u Tinda 9:5

Mi dazi kua ala: Le sana mi tchi sa ni, a mba tchumu; vama lara ma tchi sanina, a mba tchum mi. Sama lara ma tchi ndramina, a mba tchum mi.

2 Samuel 14:9

Atcha ndata ti hulong dum ala: Salana, amul mana, ar tcho ndata hulongî kan an ki sum mana, ar ti kak kang ang ki leu manga d’i.

1 Amuleina 1:21

Le hina d’uo ni, fata ang salana amul mana, ang mit ang i azulei kä ad’u abuyong ngolod’a, ami ki gorona Salomon mba mbud’umi ni d’igi suma tchona na.

Wana ni mbaktumba hi Job-pa 17:3

Alo mana, ang tang gabanu; bei ang ba ni, ni nge ba, mi he tam kan nge?

Sawal la giled’a 119:122

Ang gaban an azong manga yam djivi mang nga kanda; ar suma yam mba ad’enga a lan ndaka d’i.

Ezekiyel 3:18

Le an de mi sama asa’atna ala: Ang mba mit gagazi, le ang gum nga humam yam zla ndata d’uo, le ang ge nga ma asa’at máma humam tala mi ar tit mam mba tchod’a woi á sut tam mbuo d’a ni, mba mi mit kur sun mam mba ata yat tuo d’a, wani an mba ni djobom mad’am natang angû.

Ezekiyel 3:20

Wani le sama d’ingêrâ mi ar sun mam mba d’ingêra woyo, nga mi le sun nda ata yat tuo d’a ni, an mba tinim vama dap asema avoromu, mi mba mid’a. Kayam ang gum nga humam mbuo, mba mi mit kur tcho mamba, an mba ni djib’er yam sun mam mba d’ingêr ra mi lata d’uo d’a, wani an mba ni djobom mad’am natang angû.

Ezekiyel 33:6

Le ma ndjola, mi we suma djangûna a nga djïya, wani mi bu nga adifa á ge hum suma d’uo ba, suma djangûna a mba a tchi sa aduk suma ni, ndata ni tchod’a hi ma ndjolid’a. An mba ni djop mad’a sa máma natam mamu.

Ezekiyel 33:8

Le an de mi sama asa’atna ala: Ang mba mit gagazi, le ang gum nga humam á mbut hurum yam tit mamba d’uo ni, mba mi mit kur sun mam mba ata yat tuo d’a, wani an mba ni djobom mad’am natang angû.

Wana ni Zla d’a Djivi d’a Luc mi b’irita 11:50

Kayam ndata, Alona mba mi ka sariyad’a yam suma kur atchogoi d’a wandina yam matna hi suma djok vun Alona pet suma azi tchazi käd’u tinda hi duniyad’a deina,

Hebre-na 7:22

Kayam ndata, Jesus ni Ma gabei ki vun ma djin ma awili ma djivi ma kal teglesâ.