Ad’u Tinda 42:21 - Bible azumeina

²¹ Azi de tazi ala: Gagazi, ndaka mba kei wani ni yam zlad’a hi wiyeinid’a. Ata yima mi tchenei ala ei vum hohowomu, ei wum ndak mamba na, ei humum nga d’i. Ni kayam ndata ba, ndaka mba kei wana.

Ad’u Tinda 42:21 ပူးပေါင်းရင်းမြစ်များ

Ad’u Tinda 41:9

Ata yi máma, ma ngolâ hi suma a he süma mi Faron-na, mi dum ala: Amul mana, ki tchetchemba, human gan yam tcho man nda an lat adjeud’a.

Ad’u Tinda 44:16

Juda mi hulong dum ala: Sama ngolâ, ami dangî zla me d’ei ge? Zla d’a ami dat ta pad’ami zlad’a woi kamid’a nga zu? Alona mi ndäd’u tchod’a hi ami azungeî mangîd’a woi abua. Ami arami ni magumei mangâ zlapa ki ma ang fe kop mangâ kur bid’im mambina.

Ad’u Tinda 45:3

Josef mi de mi b’oziyoma ala: Ni an Josef! Abun nga ki iram tua zu? B’oziyoma a hulongôm nga zla d’a ded’a d’i, kayam vunadigazi d’i pat fek avoromu.

Ad’u Tinda 50:15

Kid’a Josef b’oziyoma a wala abuzi mit dad’a, a de tazi ala: Dam Josef mba mi noyôya, mba mi lei tcho d’a ei lumzi adjeud’a zu?

2 Samuel 12:13

David mi de mi Natan ala: An le tchod’a avok Ma didina! Natan mi de mi David ala: Ma didina nga mi vat hurum mbei yam tcho manga, ang mba mit ti.

1 Amuleina 17:18

Asum mbi de mi Elie ala: Ang sana hAlonina, vama ndolon ki ang ni me ge? Ang mbeï avo hatan ná ge hum Alona yam tcho manda á tchan gorona woi zu?

Zla d’a d’ogolâ 21:13

Sama mi tos humam mbei á hum tchina hi sama houd’ina, fata mam tam mi tchid’a, sa nga mi hulongôm humba d’uo mi.

Zla d’a d’ogolâ 28:17

Sama mi tchi sana mi wala zlad’a vumu na, mi ring á tchi tamu; ar sa mi d’elem mbi!

Jeremi 2:17

Israel-lâ, ahle ndazina a mba hina pet ni kayamba agi aragi Ma didina Alo magina woi ata yima nga mi tagagi lovot ta djivid’ina d’uo zu?

Jeremi 2:19

Salad’a Ma didin ma ad’engêm kal petna mi dala: Nasa’at magid’a ba, ti togiya, ni djib’er magi d’a afefeta ba, ti ngobogiya. Ar agi wagi woi tetet ala ni vama tcho ma aglarâ á noyôn an Ma didina Alo magina woi á lan mandaran nduo d’a.

Jeremi 34:17

Ni kayam ndata ba, Ma didina mi de kua ala: Agi humun nga vunan á tchi wala ala ar nge nge pî mi ge wiyema d’oze mi ge ndrama akulo d’a d’i. Gola! An Ma didina an nga ni tchi wala kagi á tchugugi ayî ma durâ ki tugud’ei d’a tcho d’a tchi matna ki baktarad’a akulo kagiya. An mba ni mbud’ugi vama atchapma ir suma a nga kur leu d’a yam andagad’ina pet.

Jeremi 4:18

Ahle ndazina a mba ka’î yam tit maka ki sun mak ka ata yat tuo d’a. Wana nasa’at maka! Gagazi, ta aglara mba d’i kal gak i kuruk krovo mi.

Wana ni mbaktumba hi Oze-d’a 5:15

Ma didina mi dala: An mba ni iya, an mba ni hulong ata yan ma kaka gak azi we tcho mazid’a, gak azi mba mba á wan iranu. Fata azi nde kur ndakid’a, a mba halan ki hur ma hata.

Ndumba 32:23

Wani le agi lagi nga hina d’uo ni, agi lagi ni tchod’a avok Ma didina, agi wagi woi tetet ala tcho magid’a mba d’i hulong kagiya.

Matiye 7:2

Alona mba mi kagi sariyad’a kagi ni d’igi agi nga kat yam suma dingâ na mi. Mi mba mi ngagi ni ki nga d’a agi nga ngagi ki mi suma dingîd’a mi.

Marik 9:48

Ata yi máma, ndjuvulâ nga mi bo d’i, akud’a nga d’i mit tei d’uo mi.

Wana ni Zla d’a Djivi d’a Luc mi b’irita 16:28

kayam b’oziyona a nga vahl. Mi dazi zlad’a, ar azi mba kur ndak ka wanda d’i.

Sunda hi suma a sunuzinid’a 19:18

Ablaud’a aduk suma a he gagazid’ina a mba a de woi yam ahle suma azi lazina.

Jacques 2:13

Sama we nga hohowa ndrama d’uo na, fata Alona mi kam sariyad’a kamba, mba mi wum hohowom mbuo mi. Wani we hohoud’a ti kus yam sariya d’a kad’a.

1 Jean 1:9

Wani le ei dei woi yam tcho meid’a avok Alona ni, Alona ni Ma d’engzeng ma d’ingêrâ, mba mi vat hurum mbei yam tcho meid’a, mba mi mbuzi woi yed’et kur tcho meid’a pet mi.

Suma ka sariyad’a 1:7

Adoni-Bezek mi dala: Amulei suma dok kid’iziya suma an ngad’azi tchitchid’azi d’a mudugunei d’a abozid’a ki d’a asezid’a woina, a yo bubuk te ma yak kä ad’u tabul manina. Alona mi hulongôn ni wuraka yam sun man nda an lata. Azi vum a i ki sed’em sä Jerusalem; mi mit sä kua.