Ad’u Tinda 41:42 - Bible azumeina

⁴² Faron mi pat ngangam ma amul ma aboma, mi nigim abo Josef, mi tchugum baru d’a djif fa luluîd’a atamu, mi tchugum vayîr ma lora kelem mi.

Ad’u Tinda 41:42 ပူးပေါင်းရင်းမြစ်များ

Ad’u Tinda 38:18

Mi dat kua ala: Ndak min an dengê’î me ge? Ti hulong dum ala: Ang han tampong mangâ ki ziyomu, ki totogo d’a nga abonga mi. Mi hattchiya, mi bur ki sed’ed’u. Ti ve wirâ ki sed’emu,

Ad’u Tinda 41:43

Faron mi tinim kur pusâ hakulumei mam ma mbàna, suma a nga ring avoroma a nga er ad’uzi akulo ala: Agi aragi lovota! Agi aragi lovota! Ni hina ba, Faron mi tin Josef ngola yam ambas sa Ezipte-d’a pet.

Ester 10:3

Kayam Mardose ni ma ngol ma sunda hamulâ Asuwerus-sâ, ni ma ngolâ hi Juif-fîna mi. B’oziyoma ablaud’a huruzi vumu, nga mi hal lovota kayam sum mama a kak ki halasa, mi min ala andjavam mi i avogovok ki djivid’a mi.

Ester 3:10

Amulâ mi pat ngangam ma aboma, mi hum mi Haman Hamedata ma Aga’â gorom ma djangûna hi Juif-fîna.

Ester 3:12

Kur bur ma dogo yam hindina hi til ma avo’îna, a yï suma b’ir mbaktum suma kur leu mambina. A b’ir mbaktumba ni ki vun ma hed’a hi Haman-na mi suma nglona hamulîna ki suma te yam suma kur ambas sa lara ge, mi suma nglo suma kal tegles suma lara ge, kur ambas sa lara ge pet. A b’irit mi nge nge pî ki b’ir mamba ki vun mam ma ded’a. A b’irit ni ki simiyê amulâ Asuwerus, a tum tampong mama kua mi.

Ester 8:10

A b’irit ni ki simiyê amulâ Asuwerus, a tin tampong mama kat mi, a sunut ni kakulumei suma a djang heîna hamulîna.

Ester 8:15

Mardose mi nde woi kur azì ma amula ki baru d’a ndal la botlozid’a ki d’a hapa atamu, baru d’a ngol la luluî d’a hleud’a atam kavaval la ngol la lora nga kulupa kam mi. Suma kur azì ma ngol ma Sus-sâ a nga le furîd’a.

Ester 8:2

Ata yi máma amulâ mi pat ngangam ma abom ma mi hlum abo Haman-na, mi hum mi Mardose. Ata yi máma na wat Ester ti tin Mardose yam azina hi Haman-na.

Ester 8:8

Ki tchetchemba, agi b’irigi mbaktumba yam zla d’a djivid’a d’igi hurugi min na yam Juif-fâ ki simiyênu, agi tinigi tampong mana kua mi, kayam mbaktum mba a b’irit ki simiyê amulâ a tum tampong mama kat mi d’a, sa nga mi pleyêt tei d’i.

Sawal la giled’a 73:6

Subur ta mazid’a ti mbut ni d’igi yeyê ma kelezina na, murud’um mazid’a ti mbut ni d’igi baru ma atazina na mi.

Zla d’a d’ogolâ 1:9

Azi ni d’igi avaval la djif fa ang kulubut kanga na, d’oze d’igi yeyê ma ang gum kelengâ na mi.

Zla d’a d’ogolâ 31:22

Ti nga d’i tchil borogona, ti nga ki baru ma luluî ma hleu ma sisilâ atat mi.

Zla d’a d’ogolâ 31:24

Ti nga d’i tchil barud’a, nga d’i guzut teyo, nga d’i he d’i’â mi suma mbut abozina á gusa.

Sawal la kal teglesa 1:10

Agozlok mi djifâ ki ngangam ma humba, delek ki djifâ ki hed’euna mi.

Sawal la kal teglesa 4:9

Aman nda hurun vak heîd’a, ndak lan tan djivid’a heî, gol la ndak golon yak tud’a lan tan djivid’a heî, gol la an gol hed’eu ma kele’îd’a tan lan djivid’a heî mi.

Isai 3:23

kotroma, baru d’a irat ndjâd’a, kadamula ki baru d’a tchuk kela.

Jeremi 52:33

Mi he vuna mi Jojakin ala ar mi tchuk baru ma dangeina atam mbi, ar mi te tena yam tabulâ hamulîna burâ ki burâ ata yima mi nga ki iram tua na pet.

Ezekiyel 27:7

A min baru mang nga yam batod’id’a ni ki baru d’a luluî d’a Ezipte d’a d’udjod’a, a mining zlub’u manga ni ki baru d’a hleu d’a sisila, ni ki baru d’a hleu d’a kekeng nga kur til la Elisa d’a.

Daniel 5:16

An hum ala ang ndak á vad’ud’a yam zla d’a d’ogol la tetenga ki zla d’a muduri d’a ad’enga mi. Ki tchetchemba, le ang ndak á ndum zla d’a b’ir ndata, ang vandji ad’ut tei mi ni, an mba ni tchugung baru d’a hleu d’a sisila atangû, an mba ni tchugung vayîr ma lora kelengû, an mba ni tining ma te yam ma hindina kur leud’a mi.

Daniel 5:29

Atogo hina zak Baltazar mi he vuna mi mam suma sunda ala a tchuk baru d’a hleu d’a sisila ata Daniel, a tchugum vayîr ma lora kelemu, a tinim ma te yam ma hindina kur leud’a mi.

Daniel 5:7

Amulâ mi er ad’um akulo ki delem mba ngola ala a mba ki suma mbuta, suma kumana ki suma a djop ki tchitchiud’a suma Babilon-na. Mi dazi ala: Sama ndum zla d’a b’ir ndata mi vandji ad’ut tei mi na, an mba ni tchugum baru d’a hleu d’a sisila atamu, an mba ni tchugum vayîr ma lora kelemu, an mba ni tinim ma te yam ma hindina kur leud’a mi.

Wana ni Zla d’a Djivi d’a Luc mi b’irita 15:22

Wani abum mi de mazungeî mama ala: Agi mbeyegï atogo ki baru d’a djif fa kal teglesa, agi tchugumzi atamu, agi nigim ngangama abomu, agi tchugum atuguruna asem mi.

1 Samuel 18:4

Jonatan mi fok baru mam mba ngola, mi hat mi David, mi hum baru mam ma arigeina ki d’a didi’â mudjuk, mi hum mbigeu mam mba fiyaka ki yeû mamba ki d’ik mama mi.