Ad’u Tinda 4:15 - Bible azumeina

¹⁵ Ma didina mi hulong dum ala: Hawa! Le sa mi tchangû ni, an mba ni sang atchugulung yan kid’iziya. Kayam ndata, Ma didina mi tin vama taka avor Kain ala le sa fum pî, mi tchum mbi.

Ad’u Tinda 4:15 ပူးပေါင်းရင်းမြစ်များ

Ad’u Tinda 4:24

Le a tchi suma yam Kain kid’iziya ni, a mba tchi suma kan an Lemek dok kid’iziya yam kid’iziya mi.

1 Amuleina 16:7

Ata yima Ma didina mi de zlad’a mi ma djogom vunama Jehu Hanani goroma á de zlad’a mi Bäsa-d’ina, mi dumî yam zlad’a mbà: D’a avoka, ni yamba Bäsa ki sum mama a le tchod’a avok Ma didina, a zalam hurum ki tcho mazi d’a led’a d’igi suma hi Jerobowam-ma na d’a; D’a mbàd’a, ni yamba Bäsa mi tchi andjafâ hi Jerobowam-ma woyo.

Sawal la giled’a 59:11

Alo man ma od’a nga mi djï avoronu, mi tagan suma a nga kud’uguna.

Sawal la giled’a 79:12

Salad’a, ang wurak suma a nguyumina yam ngul la a ngulunga wuwurak yang kid’iziya.

Zla d’a d’ogolâ 6:31

Wani le a fumu ni, mba mi wurak yam kid’iziya, a mba yo ahle suma avo hatama pet mi.

Ezekiyel 9:4

Mi dum ala: Ang i kur azì ma ngol ma Jerusalem-ma pet, ang b’ir vama taka avor suma a nga hat huruzi suma a nga tchi yam ndjendje d’a lara ge pet ta suma a nga lat kurumba.

Ezekiyel 9:6

Agi tchagi suma woi pet, nala, momorogeina, gro azungeîna, gro arop suma bei a ngaf kandjofâ ba na, kemba karopma mi. Wani agi dogi suma a nga ki vama taka avorozina d’i. Agi tinigi ad’ud’a ni kur yima an tinim iram vama. Azi tin ad’ud’a ni yam suma nglo suma a nga kaka kä avun gong man nda kud’orina.

Wana ni mbaktumba hi Oze-d’a 1:4

Ma didina mi dum ala: Ang yum ala Jisreyel, kayam ar ndjö an nga ni mba á ngop andjafâ hi Jehu-na yam mat ma mi tchum avo Jisreyel-lâ. An mba ni d’el leu d’a ted’a aduk andjafâ hi Israel-lâ.

Sunda hi suma hi Levi-nid’a 26:18

Le an lagi ahle ndazina hina pet ba, agi humugi nga d’uo ni, an mba ni ngobogi ngo-ngop yan kid’iziya yam tcho magid’a.

Sunda hi suma hi Levi-nid’a 26:21

Le agi tchologi ad’enga agi min humun nduo ni, an mba ni tumugi ki tugud’ei d’a tcho d’a tchi matna tutum yan kid’iziya ndak yam tcho magid’a.

Sunda hi suma hi Levi-nid’a 26:24

an mba ni tchol ad’enga ki sed’egi mi, an mba ni tumugi tutum yan kid’iziya yam tcho magid’a.

Sunda hi suma hi Levi-nid’a 26:28

an mba ni tchol ad’enga ki sed’egi ngingring mi, an mba ni ngobogi ngo-ngop yan kid’iziya yam tcho magid’a.

Matiye 26:52

Ata yi máma, Jesus mi dum ala: Ang hulong mbigeu manga kur aziyad’u, kayam suma pet suma a yo mbuguyo suma fuyogeina abozina, a mba bo ni matna hi mbuguyo suma fuyogeinina.

Vama ndum mbeina 14:11

Andosâ haku d’a nga d’i lazi ndakid’a, nga mi d’us gak didin. Suma a kud’or ambur máma ki vama a yoromzina ki sama lara ge ma a b’irim simiyêm atama, andjege ki faleya tuk ta mazid’a nga d’i.

Vama ndum mbeina 14:9

Malaika ma hindina mi mba blogoziya, mi de ki delem akulo ala: Sama kud’or ambur máma ki vama yoromzina, mi b’ir vama simata avorom mboze bigama,