Ad’u Tinda 4:10 - Bible azumeina

¹⁰ Alona mi hulong dum ala: Ni kayam me ba, ang le hina ge? An hum buzu wiyengâ nga mi tchi d’igi del sana na, ei kä andaga dei, ti fan sä, kayam an sam atchugulumu.

Ad’u Tinda 4:10 ပူးပေါင်းရင်းမြစ်များ

Ad’u Tinda 18:20

Ma didina mi de mi Abraham ala: Käl la suma a kal yam suma Sodom-ma ki suma Gomor-rîd’a ti kal ngola heî; tcho mazid’a kal ngola heî mi.

Ad’u Tinda 3:13

Ma didina Alona mi djop atchad’a ala: Ni kayam me ba, ndak le hina ge? Atchad’a ti hulong dum ala: Ni guguina mi lobon ni mam ba, an tumu.

Ad’u Tinda 9:5

Mi dazi kua ala: Le sana mi tchi sa ni, a mba tchumu; vama lara ma tchi sanina, a mba tchum mi. Sama lara ma tchi ndramina, a mba tchum mi.

2 Amuleina 9:26

Ma didina mi dala: Ata yima ang tchi Nabot ki groma kamina an we. Kayam ndata, an mba ni ngobong yam tcho mang ndata kur asine máma. Jehu mi de kua ala: Kayam ndata, ang hlum ang gum kur asine máma d’igi Ma didina mi de na mi.

2 Sunda Hamuleinid’a 28:9

Ma djok vuna hi Ma didinina mi nga avo Samari, a yum ala Odet. Mi nde mi d’ugol azigar suma a nga mbei avo Samari-na, mi dazi ala: Gola! Ma didina Alona habuyogi ngolona, hurum zal yam suma Juda-na, mi hagizi abogiya, wani agi tchagizi ki hur ma zala gak mi i akulo hur alona.

Wana ni mbaktumba hi Job-pa 16:18

Andagad’a, ndak tchan buzuwan ndi, ar tchi mana suma a humum ata yina pet.

Wana ni mbaktumba hi Job-pa 24:12

Suma a nga lá matnina a nga tchi hur azì ma ngolâ, suma a fe dakina a nga tchi ki delezi akulo, wani Alona mi tin nga humam yam tcho mazi d’a b’lak ndrozina ndata d’i.

Sawal la giled’a 50:21

Wana nahle suma ang lazina, an nga kaka mudjuk. Kayam ndata, ang djib’er ala an ni d’igi ang na. Wani an nga ni ngobongû, an mba ni tagangzi woi irang pid’ak mi.

Sawal la giled’a 72:14

Mam mba mi prud’uzi woi abo suma a nga djobozi vunazina, ki suma a nga lazi murud’umbina, kayam azi ni vama kal teglesâ iramu.

Sawal la giled’a 9:12

Agi gagi sawala ki simiyê Ma didin ma nga kaka kur Siyon-na, agi dagi sun mam mba ngol la mi lata woi aduk suma.

Sawal la giled’a 9:13

Mam mi sama sä atchugul suma a tchazina, nga mi djib’er kazi mi, nga mi mar yam tchina hi suma hohoud’ina d’i.

Buzuk ka Abud’a 3:7

Mi dum kua ala: An we djop vuna hi man suma avo Ezipte-na, an hum tchi mazi ma abo suma a nga djobozi vunazina, kayam an we ta mazi d’a ted’a.

Isai 5:7

Guguzlud’a hi Ma didin ma ad’engêm kal petnid’a ni Israel-lâ. Guguzlu d’a djivi d’a mam pat ta tam lum djivid’a heî kata ni suma Juda-na. Mi tin hurum ala azi mba le ni sun nda d’ingêra; gol wani, azi nga tchi ni suma! Mi halî d’ingêra; gol wani, mi humî tchi ma hohoud’a zang!

Ndumba 35:33

Ar agi mbud’ugi ambas sa agi mba kaka kata ndjendjed’a d’i, kayam buzuna mi mbut ambasa ndjendjed’a. Buzu ma ding ma ndak á zlup yam ambasina nga d’i, ni buzuna hi sama mi tchi matnina hol.

Sunda hi suma a sunuzinid’a 5:3

Wani Pierre mi dum ala: Ananiyas, ni kayam me ba, Seitan mi kal kurung á ka zlad’a mi Muzuk ma bei tchod’a ba na á ngei beged’a hi yina woi nde ge?

Sunda hi suma a sunuzinid’a 5:9

Wani Pierre mi dat ala: Ni kayam me ba, agi ndjagagi vunagi á kuk Muzu’â hi Salad’ina ge? Gola! Wana nasem suma a i tos ndjuvu’â, a nga abu vun gonga, a mba hlak ini ndak mi.

Gat ta a hat á mbàd’id’a 21:1

Moise mi de kua ala: Fata agi le kalagiya wa kur ambas sa Ma didina Alo magina mba mi hagizi agi hlata, le agi fagi sana mad’am ged’a kä abagei bei agi wagi sama tchuma ni,

Hebre-na 11:4

Ni yam he gagazid’a ba, Abel mi he vama ngat buzu ma djivina kal ma hi Kain-na. Kayam ndata, Alona mi le glangâs ma djivina kam ala ni sama d’ingêrâ. Mi le glangâsâ yam he d’a hawa mamba mi. Kayam he gagazi mamba, mi mit pî, a nga dum zlam ini.

Hebre-na 12:24

Agi mbagi go gen Jesus ma aduk suma kAlona yam vun ma djin ma awilina ki buzuwam ma yama a nga dum zlam djivid’a kal buzuna hi Abel-lîna.

Jacques 5:4

Gola! Agi wuragagi nga beged’a hi suma a le sunda kur asinegina d’i. Wurak mazi d’a kagid’a ki tchina hi suma a nga fet awu maginina, mi kal gak mi nde sä hum Ma didin ma ad’engêm kal petna.

Josue 7:19

Josue mi de mi Akan ala: Gorona, ang subur Ma didina Alona hi Israel-lîna, ang hum ngola, ang dan ndei yam vama ang luma, ang ngeyen va d’i.

1 Samuel 13:11

Samuel mi dum ala: Ang le ni me ge? Saul mi hulong dum ala: An we azigarâ a aran a nde b’raud’a, ang pî mba nga kur bur ma ang ngama d’i, an we Filistê-na a nga toka avo Mikmas mi.