Ad’u Tinda 39:12 - Bible azumeina

¹² Atchad’a hi Potifar-ra ti vum baru mamba ndinding, ti dum ala: Ang mbeï bur ki sed’enu. Wani mi fogot baru mamba abod’u, mi ring ngei abua.

Ad’u Tinda 39:12 ပူးပေါင်းရင်းမြစ်များ

Ad’u Tinda 39:10

Wani ki burâ pet ndat nga d’i dum ala mi bur ki sed’ed’u, wani mi min bur ki sed’et ti.

Ad’u Tinda 39:11

Wani bur tu Josef mi kal avo á le sun mamba; sama ding nga avo d’i.

Ad’u Tinda 39:13

Ata yima ti we mi ring arat baru mamba abotna,

Ad’u Tinda 39:8

Josef mi hulong dat ala: An min ndi. Salana mi han ahle mama pet abonu, vama ar rei hawa hur aziyam ma bei mi handji abona nga d’i.

2 Samuel 13:11

Ata yima nga d’i hum tenina, mi vat del abod’u, mi dat ala: Wiyenda, ndak mbeï an bur ki sed’egu!

Zla d’a d’ogolâ 1:15

gorona, ang tit zlapa ki sum ndazina kur lovot ta tud’a d’i. Ang hle lovot ta azi hlata d’i.

Zla d’a d’ogolâ 5:8

Ang d’es sei kur lovot mata, ang tchila avun aziyat

Zla d’a d’ogolâ 6:5

Ang prut tang ngei d’igi duka ti prut tat tei abo sama nduwanda na, d’igi aleina mi prut tam mbei abo sama gun dauna na mi.

Ma tchi wala 7:26

An we vama aglar ma mi kal matnina. Natcha d’a hle tat d’igi dauna na d’a, o mata ni d’igi abeid’a na, abot mi ni d’igi ziyo ma djin kahlenina na. Sama mi lAlona tam djivid’ina mba mi prut tei abod’u, wani ma le tchod’a, ndat mba d’i vumu.

1 Korente-na 15:33

Agi lobogi tagi d’i: Le sama djivina mi tit ki sama tchona ni, mba mi b’lagamu.

2 Timote 2:22

Ang wal lei ki d’od’ok ka tetenga hazungeînid’a. Ar ang hal d’ingêra ki he gagazid’a ki od’a ki b’leng nga halasa zlapa ki suma a nga yi Salad’a ki hur ma tunina.

1 Pierre 2:11

Buniyôn suma od’a, an nga ni gigid’egi agi suma akoi suma tita akulo yam andagad’ina. Ar agi gologi tagi djivi ki d’od’oka hi hliuna d’a nga d’i dur ayîna ki tagid’a.

1 Samuel 15:27

Ata yima Samuel mi mbut iram á id’ina, Saul mi vum vun baru mam mba ngola; ti hawâ.