Ad’u Tinda 38:2 - Bible azumeina

² Sama Kanan-na simiyêm ala Suwa, mi nga kua. Juda mi we goromba, mi vat atchad’a, mi gat huyogomu.

Ad’u Tinda 38:2 ပူးပေါင်းရင်းမြစ်များ

Ad’u Tinda 24:3

ang gunun tang avok Ma didina, Alo ma lakulod’a kandagad’ina ala ang mba ve gora hi suma Kanan suma an nga kaka adigazina mi goron na d’i.

Ad’u Tinda 28:1

Isak mi yi Jakob, mi b’e vunam kamu, mi gad’am ala: Ang vatchad’a aduk gro arop suma Kanan-na d’i.

Ad’u Tinda 3:6

Atchad’a ti wala agu máma mi djivid’a á gola, mi djivid’a á ted’a, mi djivid’a kal á wad’ud’a tetet. Kayam ndata, ti mat abod’u, ti ndot vud’agu máma, ti tumu, ti hum mi ndjuvut ma nga ki sed’etna, mi tum mi.

Ad’u Tinda 34:2

Sikem, Hamor amul ma Hef ma yam andaga ndatina goroma, mi wad’u, mi vad’u, mi bur ki sed’et mi b’lagad’u.

Ad’u Tinda 46:12

Juda groma ni Er, Onan, Sela, Peres ki Zera. Wani Er ki Onan a bo woi kur ambas sa Kanan-nda. Peres groma ni Hesron ki Hamul.

Ad’u Tinda 6:2

Alona groma a we gro arop ndazina a djif irazi heî, a man suma a nde irazina, a vigiziya.

Ad’u Tinda 6:4

Kur bur máma suma fuyogeina a nga yam andagad’a tua, ata yima Alona groma a mba a zlap ki gro aropmina, a vut grona; azi ni suma ad’eng suma a nga adjeuna, ni suma simiyêzi nde yina heîna.

2 Samuel 11:2

Ki fladeged’a David mi tchol akulo ata yam ma burâ, nga mi ngui tita akulo yam gong nga amula, mi watchad’a tu nga d’i mbuza; ti djif heî.

1 Sunda Hamuleinid’a 2:3

Juda groma ba wana: Er, Onan ki Sela; grom suma hindi ndazina mi vud’uzi nata amam mba Kanan nda abut simiyêm ala Suwa-d’a. Juda gorom ma ngolâ Er ni sama asa’atna avok Ma didina; Ma didina mi tchum mbeyo.

Ndumba 26:19

Andjafâ hi Juda-na ba wana: Er azi ki Onan. Wani Er azi ki Onan a bo woi yam ambas sa Kanan-nda.

2 Korente-na 6:14

Ar agi zlabagi darigïd’a ki suma bei he gagazid’ina d’i. Na ni d’ingêra ti le darigïd’a ki tchod’a zu? D’oze, b’od’a ti ndak á zlap tu ki nduvunda zu?

Suma ka sariyad’a 14:2

Ata yima mam hulong avona, mi de mabum azi kasum ala: An weï gor atchad’a aduk gro arop suma Filistê-na; agi vandjiya!

Suma ka sariyad’a 16:1

Samson mi i avo Gaza, mi watcha d’a gaulangâ nga kua, mi zlap ki sed’ed’u.