Ad’u Tinda 35:1 - Bible azumeina

¹ Alona mi de mi Jakob ala: Ang tchola, ang i Betel, ang kak sä kua. Ang min yima ngal ahle suma ngat buzuna mi an Alo ma ni nde tan ndei irang ata yima ang nga ring abo wiyengâ Esau-na.

Ad’u Tinda 35:1 ပူးပေါင်းရင်းမြစ်များ

Ad’u Tinda 12:8

Bugola, mi tcholï kolâ, mi mba yam ahuniyô suma Betel-lâ abo ma yorogona, mi ve zlub’u mamba ata yi máma aduk Betel ki Aï, Betel abo ma fladegena, Aï abo ma yorogona mi, mi min yima ngal ahle suma ngat buzuna mi Ma didina, mi tchen ki simiyêm mi.

Ad’u Tinda 16:8

Mi djobot ala: Agar, magomba hi Sarai-d’a, ndak tcholï ni lara ge? Ndak i ni lara ge? Ti hulong dum ala: An ringî abo salanda Sarai.

Ad’u Tinda 22:14

Abraham mi yi yi máma ala Ma didina nga mi he. Kayam ndata gak ini suma a nga dala: Ni yam ahinad’a hi Ma didinid’a ba, mam mba mi he.

Ad’u Tinda 29:1

Jakob mi tchol mi i iram abo ma yorogona.

Ad’u Tinda 31:13

An nAlo ma ni nde tan ndei irang Betel-lâ; ni yima ang tin ahinad’a akulo kad’ut ang vot mbulâ katna, ni yima ang hlan vunang kuana. Ki tchetchemba, ang tchol akulo, ang ar andaga d’a wanda, ang hulong yam ambasa hi simiyênga.

Ad’u Tinda 31:3

Ma didina mi de mi Jakob ala: Ang hulong yam andagad’a habuyonga, aduk simiyêngû; an mba ni kak ki sed’engû.

Ad’u Tinda 34:31

Azi hulong dum ala: Sana mi ndak á lami wiyemid’a d’igi atcha d’a gaulangâ hina zu?

Ad’u Tinda 35:15

Jakob mi yi yima Alona mi dum zlad’a kuana ala Betel.

Ad’u Tinda 35:7

Mi min yima ngal ahle suma ngat buzuna kua, mi yi yi máma ala El Betel, kayam ni kua ba, Alona mi nde tam mbei iram ata yima mam nga mi ring abo wiyemina.

Sawal la giled’a 46:1

Ni sawal la Kore groma a hlat a hat mi ma ngolâ hi suma hle sawalina.

Sawal la giled’a 47:4

Mi hei ad’enga á te yam suma, mi hulongeî andjaf suma yazi kä ad’ui mi.

Sawal la giled’a 91:15

Le mi yanu ni, an mba ni humumu. An mba ni ndjunum kur ndak mamba, an mba ni prud’um mbeyo, an mba ni suburum mi.

Buzuk ka Abud’a 2:15

Faron mi hum zla ndata, nga mi hal Moise á tchid’a, wani Moise mi ring ngei dei ki Faron, mi i yam ambas sa Madiyan-nda, mi kak sä kua. Mi i mi kak kä avun golonga.

Wana ni mbaktumba hi Oze-d’a 12:4

Jakob mi veï dodogasem wiyema ni kur asum dei. Ata yima mi djeng sanina, mi ndjiget kAlona.

Gat ta a hat á mbàd’id’a 32:36

Ma didina mba mi ka sariyad’a yam sum mama, wani mba mi we hohowa azungeî mama ata yima mi wazi ad’engêzi d’i nga d’uo na, ata yima sama mi vazi kä d’oze mi tchuguzi akulona nga d’uo na mi.

1 Samuel 10:3

Samuel mi dum kua ala: Ang mba iza avok hina nde, ang mbaza ini ad’u agu ma a tinim iram vam ma Tabor-râ, ang mba ngaf ini ki suma hindi suma a nga kal avo Betel á he vama ngat buzuna mAlonina. Ma dingâ tu nga mi tan b’ogeina hindi, ma mbàna mi nga kavungôna abom hindi, ma hindina mi nga kagel la süm guguzlud’a kamu.