Ad’u Tinda 33:17 - Bible azumeina

¹⁷ Wani Jakob mi i Sukot, mi min azina kua, mi vazangâ teteng yam ahok mama. Ni kayam ndata ba, mi yi yi máma ala Sukot.

Ad’u Tinda 33:17 ပူးပေါင်းရင်းမြစ်များ

Ad’u Tinda 33:16

Kur bur máma Esau mi hle lovot mamba, mi hulong Seir.

1 Amuleina 7:46

Mi yorozi nata yima kikid’i’â kur hor ra Jurdê-d’a aduk azì ma Sukot-na ki ma Sartan-na.

Sawal la giled’a 60:6

Ang ge hum suma a lang mandarangâ, kayam a ring ngei avok suma a nga mba atazi á durâ ki yeûd’ina. Tchol ndjö

Buzuk ka Abud’a 12:37

Israel-lâ a tchol avo Ramses á i Sukot. Ablawazi ni go ki 600.000 ni suma ndak andjofîna bei ndum kemba ba.

Buzuk ka Abud’a 13:20

Israel-lâ a tchol Sukot, a i vanguvora avo Etam, avun dabid’a hi fulîd’a.

Josue 13:27

Ti kal i kur hora. Azì ma kurutna ni Bet-Haram, Bet-Nimra, Sukot ki Safon; ni leu d’a ara hi Sihon amul ma Hesbon-nid’a. Haga mazid’a nalum ma Jurdê-na gak mba avun apo d’a Kineret-ta sä abo alum ma Jurdê-na woi hî abo ma yorogonid’a.

Suma ka sariyad’a 8:14

Mi ve gor azongâ tu aduk suma Sukot-na, mi djobomu; gor azong máma mi b’irim simiyê amuleina ki suma nglo suma hur azinina, ni suma dok kid’iziya yam kid’iziya.

Suma ka sariyad’a 8:16

Ata yi máma mi yo suma nglo suma hur azì ma ngol ma Sukot-na, mi tozi ki kekerezeuna kaweid’a mi.

Suma ka sariyad’a 8:5

A mbaza avo Sukot. Zedeyon mi de mi sumazina ala: Agi hagi avungôna mi suma ad’una nde, kayam azi seyâ. An nga ni di’î amulei suma Madiyan-na, nala, Zeba ki Salmuna.

Suma ka sariyad’a 8:8

Ata yi máma mi kal mi i Penuwel, mi djop suma Penuwel-lâ ni hina dedege. Suma Penuwel-lâ a hulongôm humba ni d’igi suma Sukot-na a hulongôm humba hina dedege mi.