Ad’u Tinda 31:1 - Bible azumeina

¹ Wani Jakob mi hum zlad’a hi Laban groma d’a a nga dala: Jakob mi yo ahlena habuina pet; mi mbut sama ndjondjoîna ni kayam abuya d’a.

Ad’u Tinda 31:1 ပူးပေါင်းရင်းမြစ်များ

Ad’u Tinda 30:43

Ni hina ba, Jakob mi mbut sama ndjondjoîna, mi nga kaho’â ablaud’a, yuguneina, azungeîna, djambala ki korona mi.

Ad’u Tinda 31:2

Jakob mi gol Laban mi nga d’igi azi avok dei ata tazid’a na d’i.

Ad’u Tinda 31:43

Laban mi hulong de mi Jakob ala: Gro aropma wana ni gron ana, gro andjofâ wana ni gron ana, tumiyôna wana ni tumiyô mana, ahlena pet suma ang nga wazi wana ni mana. An le ni me ini yam gron suma aropma ki grozi suma azi vud’uzina ge?

Ad’u Tinda 45:13

Agi i dagi mi Iba yam pat man nda an nga ki sed’et avo Ezipte-d’a, agi dum yam ahlena pet suma agi wagizina, agi igi atogo, agi hlumî ka hî.

Ester 5:11

Haman nga mi dazi zlad’a yam ndjondjoî mam mba kal papad’a, yam ablaud’a hi gromid’a, yam ahle suma amulâ mi tinim ki ngolina, yam tin nda mi tinim yam amulei mama kazungeî mama peta mi.

Wana ni mbaktumba hi Job-pa 31:31

Suma avo hatana a de nga ala: Ni nge ba, mam hobom nga ki hliu mama d’uo ge d’uo zu?

Sawal la giled’a 17:14

Ma didina, ang prud’un ndei abo sum ndazina. Azi ni suma yam andagad’a ka hina. Suma b’rau mazid’a ni ka hî kur duniya ndatina. Ang hobozi hayazi ki vama ang ngazizi kazina, ang hobozi grozina, a ar ad’ud’a mi grozi ngolona mi.

Sawal la giled’a 57:4

Ei ata yi mang ma akulona, ang sud’unu. Ar sama nga mi digin ad’una mi mbut zulona, ang tagan o mang nga didinda ki gagazi manga mi. Tchol ndjö

Zla d’a d’ogolâ 14:30

Hur ma ab’lengâ ni djivid’a yam hliu tad’a, wani yungôrâ ni ndjuvul ma mud’ung aduk asogongâ.

Zla d’a d’ogolâ 27:4

Hur ma zala ni vama tchona, ayîna mi ni d’igi babar ma ngolâ na, wani yungôrâ, sa mi kus kam ni nge ge?

Ma tchi wala 4:4

An we sun nda suma a nga lat ki ndak ka a nga he tazi kata, nala, nge nge pî mi lat ná kal ndrama. Wan pî, ni hawa hina yak d’igi sana mi dik simetna na.

Isai 5:14

Kayam ndata, yima azuleina mi ngo nga hohorom mbeyo, mi ngo nga vunam mbei hagak mi. Ata yi máma suma nglona kablau d’a kur azì ma ngol ma Jerusalem-mid’a ki vun mazi ma gandjau ma luna a mba tchuk kä kuru.

Jeremi 9:23

Ma didina mi dala: Ar sama ned’a mi subur tam ala mam mi ma ned’a d’i! Ar sama ad’engâ mi subur tam ala mam mi sama ad’engâ d’i! Ar sama ndjondjoîna mi subur tam ala mam mi ma ndjondjoîna d’uo mi!

Ezekiyel 16:44

Ma didina mi de kua ala: Gola! Suma a de zla d’a d’ogola kak ala: Gora ti hle ni zlad’a hasuta.

Matiye 4:8

Diable mi djok ki sed’em akulo kua yam ahina d’a fiyak ka ked’iwurenga, mi tagam leu d’a yam andagad’id’a ki subur mata pet.

1 Timote 6:4

ni sama yam mba ad’enga, mi we nga va d’i. Mi tin hurumî yam tuguyo d’a tchid’a ki ngengâ, ni zla d’a nga d’i mba ki yungôra ki huneîd’a ki ngula ki djib’er ra tchod’a,

Wana ni mbaktum mba Paul mi b’irit mi Tit-ta 3:3

Kayam adjeu ei ni suma bei ned’a, suma bei hum vuna, suma vit teina. Ei ni suma le magomba mi d’od’oka teteng ki furîd’a hi duniyad’ina, suma asa’atna, suma yungôra. Suma a noyêya, ei noyeî suma ding mi.

1 Pierre 1:24

D’igi mbaktumba hAlonid’a ti de na ala: Suma pet a ni d’igi asuna na, subur mazid’a ti ni d’igi b’od’a hasu ma abageinid’a na mi. Asuna mi so, b’o mamba ti yak keyo,