Ad’u Tinda 30:43 - Bible azumeina

⁴³ Ni hina ba, Jakob mi mbut sama ndjondjoîna, mi nga kaho’â ablaud’a, yuguneina, azungeîna, djambala ki korona mi.

Ad’u Tinda 30:43 ပူးပေါင်းရင်းမြစ်များ

Ad’u Tinda 12:16

Ni kat ba mi le Abram djivid’a, mi hum aho’â kamuzleina, azungeîna ki yuguneina, koro ma andjofâ ki korod’a aropma ki djambala mi.

Ad’u Tinda 13:2

Abram ni sama bege d’a heîna; mi nga ki d’uwarâ, bege d’a hapa ki lora mi.

Ad’u Tinda 24:35

Ma didina mi b’e vunam yam salana ngola heî, mi mbud’um sama ndjondjoîna, mi hum tumiyôna kamuzleina, bege d’a hapa ki lora, magumei suma andjofâ ki suma aropma, djambala ki korona mi.

Ad’u Tinda 28:15

An nga ki sed’engû, an mba ni ngomong ata yima lara ma ang i kuana, an mba ni hulongôngî yam andaga ndata, an mba ni arang ngei d’i gak an mba ni lang ahlena pet suma an dang kazina.

Ad’u Tinda 30:30

An fang ahligiyengî hina yegre go, a zul ki tchetchemba ni kayam anu; Ma didina mi b’e vunam kangî kayam an mi. Ki tchetchemba, ni mindja ba, an mba ni le sunda yam aziyan nge?

Ad’u Tinda 30:42

Ata yima suma agengâ a nga ful tazina, mam nga mi tchuk abo agu máma kä avorozi d’i. Kayam ndata, ahok suma agengâ ni suma hi Laban-na, suma gangrangâ ni suma hi Jakob-ma mi.

Ad’u Tinda 31:1

Wani Jakob mi hum zlad’a hi Laban groma d’a a nga dala: Jakob mi yo ahlena habuina pet; mi mbut sama ndjondjoîna ni kayam abuya d’a.

Ad’u Tinda 31:42

Ladjï Alona habuna Alona habun ngolo Abraham ma abun Isak lum mandarama mi nga ki sed’en nduo ni, ang aran an i nabon hawa. Wani Alona mi wan ndak manda ki sun nda an lat kabonda, mi kan sariya manda kama andjege.

Ad’u Tinda 32:10

an kid’ak kei ata djivi manga ki d’engzeng manga pet suma ang lazi ki an azong mangîna. Adjeu an djak alum ma Jurdê-na ni ki totogod’a abonu; ki tchetchemba, an nga kadesâ mbà.

Ad’u Tinda 32:14

nala, b’ogei suma aropma kikis mbà ki suma andjofâ dok mbà, tumiyô suma aropma kikis mbà ki suma andjofâ dok mbà,

Ad’u Tinda 32:5

An nga kamuzleina, korona, aho’â, azungeîna ki yuguneina mi. Kayam ndata, an dang ang salana Esau, kayam ang van atang ki djivid’a.

Ad’u Tinda 33:11

Ang ve he d’a hawa man nda an mbangzid’a. Kayam nAlona ba, mi handjiya, an nga kahlena pet suma ndagana. Jakob mi lum baba; Esau mi vad’u.

Ad’u Tinda 36:7

Kayam ahle mazina zul ngola, azi ndak á kak ata yima tuna d’i; andaga d’a azi kak kata ndagazi nga yam d’uwar mazina d’i.

Ma tchi wala 2:7

An gus magumei suma andjofâ ki magumei suma aropma, a vut grozina avo hatanu. An nga ki d’uwar ma nglona ki d’uwar ma gureina kal suma a kak avoron avo Jerusalem-ma.

Ezekiyel 39:10

Azi a mba yoï agu abagei d’i, azi mba kaï agu aduk agud’a d’uo mi, kayam nahle suma sï ndazina ba, azi mba ngalazi avo hataziya, azi mba yoï ahlena abo suma a yo ahle mazinina, a mba hurumï ahlena abo suma a hurumuzina. An Salad’a Ma didina ni de na.

Wana ni Zla d’a Djivi d’a Luc mi b’irita 12:45

Wani le azong máma mi de kurum ala: Salana mba mi mba atogo d’i, mi nde mi to azungeî suma dingâ ki yuguneina, mi te, mi tche gak mi gurut ki süma ni,