Ad’u Tinda 30:27 - Bible azumeina

²⁷ Laban mi dum ala: Ang humun djiviya; Ma didina mi dan ala mam b’e vunam kan ni kayam angû.

Ad’u Tinda 30:27 ပူးပေါင်းရင်းမြစ်များ

Ad’u Tinda 12:3

An mba ni b’e vunan yam suma yam andagad’ina pet ni kang angû; suma a mba b’e vunazi kangâ, an mba ni b’e vunan kaziya; suma a mba gang vunina, an mba ni gazi vuna mi.

Ad’u Tinda 18:3

mi de mi ma dingâ tu adigazi ala: Salana, an nga ni tchenengû, le tang lang djivid’a kanu ni, ang kal yam aziyan ndi.

Ad’u Tinda 26:24

Ma didina mi nde tam mbei iram kur andjege ndata, mi dum ala: An nAlona habung Abraham-ma; ang le mandar ri, kayam an nga ki sed’engû. An mba ni b’e vunan kangû, an mba ni zulung andjavang ngola yam azong mana Abraham.

Ad’u Tinda 30:30

An fang ahligiyengî hina yegre go, a zul ki tchetchemba ni kayam anu; Ma didina mi b’e vunam kangî kayam an mi. Ki tchetchemba, ni mindja ba, an mba ni le sunda yam aziyan nge?

Ad’u Tinda 33:15

Esau mi hulong dum ala: An min ar sum mana ki sed’eng hiu. Jakob mi dum ala: A na ge? Ang lan wa djivid’a da’.

Ad’u Tinda 34:11

Sikem mi de mi gora abut ki b’oziyotna ala: Agi wan hohowonu; vama agi mba dan kama, an mba ni hagiziya.

Ad’u Tinda 44:5

Ni kayam me ba, agi kulugï kopma hi salana ma tche mbina ma nga mi we kahle suma a nga mbana ge? Agi lagi ni sun nda tchod’a.

Ad’u Tinda 47:25

Azi hulong dum ala: Salamina, ang sud’umi wa, ang tagami wa djivi manga; ami vami tami á kagami magumeina hi Faron-na.

2 Samuel 6:11

Zandu’â hi Ma didinina mi le tilâ hindi avo hi Obet-Edom ma Gat-na. Ma didina mi b’e vunam yam Obet-Edom ki sum mama pet.

1 Amuleina 11:19

Mi le Hadat djivid’a heî, mi hum amam mba amula Tapenes wiyeta atchad’a.

Nehemi 1:11

Salad’a, ang tin humang hum tchen nda an azong mangâ nga ni tchenenga ki tchenda hazungeî mang suma a nga lang mandarangâ, ang wan hohowon an azong mangâ avok amul máma ini. Kur biza ndata an ni ma ni he süma mamulîna.

Nehemi 2:5

an hulong de mamulâ ala: Le ang mina, le an nazong ma djivina irang ko ni, ang sunun Juda kur azì ma a tos simiyên kuana, kayam an hulong ni minim akulo.

Sawal la giled’a 1:3

Mam mi d’igi agu ma a pum avun mbiyo ma laud’a ma nga mi vut ata yam ma vuta ma humam nga d’i lugot tuo na na. Ahlena pet suma nga mi lazina, mi fazi mi.

Buzuk ka Abud’a 3:21

An mba ni mbud’ugi djivid’a ir Ezipte-na. Fata agi mba igid’a, agi mba igi abogi hawa d’i.

Isai 6:13

Le ma dogona mi ar adigazi pî, mba mi kalî aduk akud’a, wani ni d’igi agu terebêna d’oze agu sena sideyezi mi hud’ur ata yima a kazi woi kuana na. Nala, sidiyem mba mi vut nandjaf ma yed’etna.

Isai 61:9

A mba wazi andjavazi aduk suma, a mba wazi grozi ngolona aduk suma mi. Suma pet suma a mba wazina a mba wala azi nandjaf ma Ma didina mi b’e vunam kama.

Isai 65:8

Ma didina mi dala: Ata yima guguzlud’a nga bei ned’a ata adezet tua na, suma a nga dala a b’lagat tei d’i, kayam vama djivina mi nga kua. An mba ni le kazungeî mana ni hina mi, an mba ni dabazi woi pet ti.

Daniel 1:9

Yam ad’enga hAlonid’a, ma ngolâ hazungeîna hamulîna mi hum tchenda hi Daniel-la ki minda ki we hohoud’a.

Ndumba 11:11

mi de mi Ma didina ala: Ni kayam me ba, ang kid’eî ir an azong mangâ na ge? Ni kayam me ba, ang nga wan hohowon nduo ge? Ni kayam me ba, ang tinin aneka hi sum ndazina kan na ge?

Ndumba 11:15

Le ang lan ni na ni, hotei ang tchanu. Le ang wan hohowonu ni, ar an we ndak manda ki iran ndi.

Sunda hi suma a sunuzinid’a 7:10

mi pad’am mbei kur ndak mamba pet. Mi mbud’um sama djivi ma ned’a avok Faron amul ma Ezipte-na. Faron mi tinim á te yam Ezipte kaziyam pet mi.

Wana ni mbaktum mba a b’irit yam Rut-ta 2:13

Rut ti hulong dum ala: Salana, an nda ni ndak nga d’igi yugunei manga na d’uo d’a, ang wan hohowonu, ang b’lengên hurun ki zla mang nga ded’a mi.

1 Samuel 16:22

Saul mi ge sunda, mi de mi Jesse ala: An tchenengû, ang ar David mi kak kur sun manda, kayam tan ndi lan djivid’a heî kamu.