Ad’u Tinda 3:6 - Bible azumeina

⁶ Atchad’a ti wala agu máma mi djivid’a á gola, mi djivid’a á ted’a, mi djivid’a kal á wad’ud’a tetet. Kayam ndata, ti mat abod’u, ti ndot vud’agu máma, ti tumu, ti hum mi ndjuvut ma nga ki sed’etna, mi tum mi.

Ad’u Tinda 3:6 ပူးပေါင်းရင်းမြစ်များ

Ad’u Tinda 3:12

Sa máma mi hulong dum ala: Natcha d’a ang handji gevenda ba, ti han vud’agu máma, an tumu.

Ad’u Tinda 3:17

Bugola, mi de mi Adam ala: Ang hum wa vun amanga, ang te wa vud’agu ma an dang kam ala: Ang tum mbuo na. Kayam ndata, an mba ni gandagad’a vuna ni kayam angû; ni ki ndaka tua ba, ang mba fe ki tena gak mat mangâ.

Ad’u Tinda 39:7

Bugol ahle ndazina, atchad’a hi salamid’a golomu, ti dum ala: Ang mbeï bur ki sed’enu.

Ad’u Tinda 6:2

Alona groma a we gro arop ndazina a djif irazi heî, a man suma a nde irazina, a vigiziya.

2 Samuel 11:2

Ki fladeged’a David mi tchol akulo ata yam ma burâ, nga mi ngui tita akulo yam gong nga amula, mi watchad’a tu nga d’i mbuza; ti djif heî.

1 Amuleina 13:19

Sana hAlona ma tcholï Juda-na, mi i ki sed’em avo, mi te, mi tche mi.

Wana ni mbaktumba hi Job-pa 31:1

Job mi de kua ala: An hle vunan ki gun tad’a ala: An dok ni le d’od’oka yam gor wei d’uo d’a.

Ezekiyel 24:16

Ang gor sana, gola! An nga ni hle vama ang hurung vum heîna woi atogo zak. Ang mba tchim horom mbi, ang mba tchi d’i, simina mba mi djang irang kä d’uo mi.

Ezekiyel 24:21

Ang de mi Israel-lâ ala: Salad’a Ma didina mi dala: An mba ni mbut yi man ma an tinim iram vam mala nad’eng nga agi nga suburugi tagi kat ta hurugi vat heî d’a tagi lagi djivid’a kat heîd’a ndjendjed’a. Grogi suma andjofâ ki grogi suma arop suma agi arazi woi avo Jerusalem-ma, a mba tchazi ki mbigeu d’a fiyaka.

Ezekiyel 24:25

Ang gor sana, an mba ni hlazi va mazi mala nad’eng nga azi nga subur tazi kat tad’a woyo. An mba ni hlazi va mazi mala ni furî mazid’a ki djif mazina ma huruzi vum heî ma tazi lazi djivid’a kam heîna woi zlapa ki grozi suma andjofâ ki grozi suma aropma.

Wana ni mbaktumba hi Oze-d’a 6:7

Agi bud’ugi vun ma djinda kä woi d’igi Adam na. Ni kua ba, agi mbud’um iranu.

Matiye 5:28

Wani an nga ni dagiya, sama gol atchad’a hi sama dingîd’a mi le d’od’oka katna, mi le wa mizeuna ki sed’et kurum da’.

1 Timote 2:14

Kayam Seitan mi lop mi Adam adjeu d’i, wani mi lop mi atchad’a, ti tchila yam gata hAlonid’a, zlad’a vad’u.

Josue 7:21

An gol aduk ahle suma ei hurumuzina, an we baru d’a ngol la djif fa Sinar-ra ki kawei ma hapma kikis mbà ki mbuka hi lor-ra d’a aneget ndak ir grama go ki kikis sa klavandid’a. An le d’od’oka kaziya, an yoziya, a nga ngeid’a kä aduk andagad’a kur zlub’u manda; kawei ma hapma mi nga tchuka kä ad’uziya.

1 Jean 2:16

Kayam ahle suma kur duniyad’ina pet ni djib’er ra tchod’a hi hliu tad’id’a ki d’od’oka hi irid’a ki subur ta d’a hawa yaka. Ahle ndazina a tcholï nga nata Abui Alona d’i, wani a tcholî kur duniyad’a ka hî.

Suma ka sariyad’a 14:17

Kur bur ma kid’iziya ma vun tilâ nga d’i tchi kam burâ ki burâ. Kur bur ma kid’iziyana mi vat ad’u zla d’a d’ogol ndata, kayam ti ndagam heî. Ti i vat ad’ut mi simiyêt grozina.