Ad’u Tinda 3:5 - Bible azumeina

⁵ Wani Alona mi wala bur ma agi tuma, iragi mba d’i mal leyo, agi mba mbud’ugi d’igi mam tamba na á we djivid’a ki tchod’a.

Ad’u Tinda 3:5 ပူးပေါင်းရင်းမြစ်များ

Ad’u Tinda 2:17

wani ang te vud’agu ma tak we djivid’a ki tchod’ina d’i. Bur ma ang le tum wa ni, ang mba mid’a.

Ad’u Tinda 2:9

Ma didina Alona mi deî andjaf agu ma lara ge pet ata yi máma; djivid’a á gola, djivid’a á ted’a mi. Mi deî agu ma he arid’a aduk asinena, kagu ma tak á we djivid’a ki tchod’ina mi.

Ad’u Tinda 3:10

Sa máma mi hulong dum ala: An humung deleng hur asinena, an le mandarâ, kayam an ni gandilad’a. Kayam ndata, an ngei tan wana.

Ad’u Tinda 3:22

Ma didina Alona mi dala: Gola! Sana mi mbut ni d’igi ei na á we djivid’a ki tchod’a; ki tchetchemba, ei aram mi mat abom á ndot vud’agu ma he arid’a tala mi tum te ba, mi ar bei matna d’a d’i.

Ad’u Tinda 3:7

Azi djak irazi mal leyo, a we tetet ala azi ni gandilad’a; azi tchil hum tuluma á zlubum ad’uziya.

1 Amuleina 22:6

Amul ma Israel-lâ mi tok mam suma djok vun Alona, a ni go kikis fid’i, mi djobozi ala: Na ni an i dur ayîna á hleï azì ma Ramot ma Galät-na d’oze an i d’uo zu? Azi dum ala: Ang iya. Ma didina mba mi hang azì máma abongû.

2 Sunda Hamuleinid’a 32:15

Ar Ezekiyas mi lobogi vunagi ki zla d’a ded’a hina d’a d’i. Agi tinigi hurugi kam mbi! Kayam alona handjaf ma ding ngoze ma kur leu d’a ding ma ndak á prut sum mama woi abon an kabuyon ngolona mi nga d’i. Hina mi, Alo magina mi ndak á prud’ugi woi abon nduo mi!

Sawal la giled’a 12:4

Ma didina, ar ang pat suma a nga de zlad’a ki vunazi ma mbulîna woi zlapa ki suma a nga de zla d’a subur tad’ina,

Buzuk ka Abud’a 20:7

Ar ang yi simiyê an Ma didina Alo mangâ kä hawa d’ad’ar ri, kayam an mba ni ar sama mi yan simiyên kä hawa d’ad’arâ bei ngopa d’i.

Buzuk ka Abud’a 5:2

Faron mi hulong dazi ala: Ma didina ni nge ba, an humum vunam ba, an ar Israel-lâ á id’a ge? An we nga Ma didina d’i, an nga ni ar Israel-lâ á id’a d’uo mi.

Isai 14:14

An mba ni djak akulo yam d’ugula yat ta dabid’a, an mba ni mbut d’igi Ma sä akulo ma kal teglesâ na.

Ezekiyel 13:22

Agi b’lagagi hur suma d’ingêr suma an tan b’lagazi nga huruzi d’uo na ki zla magi d’a kad’a, agi nga hagi ad’enga mi suma asa’atna á d’elezi tala a hulongî woi ata tit mazi d’a tchod’a á kak karid’a d’a.

Ezekiyel 28:12

Ang gor sana, ang tchi horâ yam amul ma Tir-râ, ang dum ala: Salad’a Ma didina mi dala: Angî vama taka yam ndak ka memeta ki ne mang nga kal heîd’a, sama djif d’igi ang na na nga d’uo mi.

Ezekiyel 28:2

Ang gor sana, ang de mamul ma Tir-râ ala: Salad’a Ma didina mi dala: Ang hle yang akulo, ang dala: An nAlona! An nga ni kak yam zlamba hAlonid’a kä kur alum ma ngolâ. Ang mbut tang d’igi Alona na! Wani angî sana, ang nga nAlona d’i!

Ezekiyel 28:9

Fata ang tchol avok sama tchangîd’a, ang mba de kua ala angî Alona zu? Angî sana, ang nga nAlona d’i, avok ma mi tchangâ!

Ezekiyel 29:3

Ang dum ala: Salad’a Ma didina mi dala: Ang Faron amul ma Ezipte-na, gola! An nga ni dur ki sed’engû, ang hurum ma ngol ma nga burâ kä kur aluma ma nga dala: Alum ma Nil-lâ ni mana, ni an ba ni lumu na.

Daniel 4:30

mi de ki delem akulo ala: Wana ni Babilon nda ngol la an minit yima kaka hamulîna ki sib’ika had’eng manda yam ngol manda ki subur mandid’a d’uo zu?

Daniel 6:7

Suma nglo suma te yamba kur leud’ina, suma ngom ahlena, satrap-ma, suma de d’alâ ki suma te yamba a ndjak vunazi ala djivid’a ang amulâ ang tchi wala yam gat ta amula, ang de woi kat ala: Ni gat ta ad’enga kur bur ma dok hindina. Le sama lara ma mi tchen va ata alona d’oze ata sama dingâ bei mi tcheneng ang amulâ ni, a mba ge sa máma kur zula hazlonid’a.

Matiye 6:23

Wani le irang nga lafiya d’uo ni, tang pet ni nduvunda mi. Le b’o d’a kurunga ti mbut nduvunda ni, angî kur nduvunda i’îlika.

Sunda hi suma a sunuzinid’a 26:18

Ar ang malazi irazi woyo, azi ar nduvunda, a mba kur b’od’a; a buzuk kei ad’u ad’enga hi Seitan-nda, a mba gen Alona kayam a he gagazid’a kanu. Hina wani, Alona mba mi vat hurum mbei yam tcho mazid’a, azi mba zlap tu ki sum mama.

2 Korente-na 11:3

Wani an nga ni le mandarâ kagiya. Ar djib’er magid’a ti b’lak ki, ar agi walagi djin magi d’a d’engzeng nga yed’et ta ki Christ-sa woi d’igi guguina mi lop Ef ki lem mamba na d’i.

2 Korente-na 4:4

Azi nga he gagazid’a d’i, kayam alo ma tcho ma kur duniya d’a wandina, mi duguzi irazi woyo. Mi d’elezi á we b’od’a hi Zla d’a Djivi d’a subura hi Christ ma hle tam dedege d’igi Alona na na.

2 Tasaloni’â 2:4

Ni ma mba kak djangûna kahlena pet suma a nga yazi ala Alona na d’oze ahle suma a nga kud’urozina, mba mi hle yam akulo gak mi i kak kur gong nga kud’ora hAlonid’a ala mam tamba nAlona.

Vama ndum mbeina 13:14

Mi vit suma yam andagad’ina woi kahle mam suma atchap suma a humzi á led’a avok ambur ma avok mámina. Mi de mi suma yam andagad’ina á yor vana á subur ambur ma a kam yam mbilâ ki mbigeu d’a fiyaka mi tchilâ.

Vama ndum mbeina 13:4

Suma duniyad’a pet a nde kud’or dragon máma kayam mam had’eng mamba mambur máma, a kud’or ambur máma mi. A dala: Ni nge mi hle tam d’igi ambur máma na ge? Ni nge ndak á dur ayîna ki sed’em ge?

Suma ka sariyad’a 3:2

Mi le hina kayam andjaf Israel suma kur atchogoi ndatina a we ayî ma durâ mi, kayam azi wum nga avok ki.