Azong máma mi yo djambala hi salamid’a dogo, mi i kahle suma djivina teteng suma salama humuzi aboma, mi tchol mi i yam andaga d’a Mesopotami-d’a kur azina hi Nahor-râ.
wani kid’a mam nga ki iram tua d’a, mi hahlena mamiyôm suma gureina grozina, mi walazi woi ki goroma Isak, mi dazi ala a i yam andagad’a abo ma yorogonid’a.
Alona mi de mi Jakob ala: Ang tchola, ang i Betel, ang kak sä kua. Ang min yima ngal ahle suma ngat buzuna mi an Alo ma ni nde tan ndei irang ata yima ang nga ring abo wiyengâ Esau-na.
Mi min yima ngal ahle suma ngat buzuna kua, mi yi yi máma ala El Betel, kayam ni kua ba, Alona mi nde tam mbei iram ata yima mam nga mi ring abo wiyemina.
Suma Galät-na ni suma tchona. Gagazi, azi tazi a mba mbut ni vama hawana. A nga ngat amuzleina buzuna avo Gilgal burâ ki burâ, wani yi mazi ma ngal ahle suma ngat buzu ma tetengâ mi mbut ni d’igi ahina d’a nga mola hur asinenid’a na.
Baläm mi de zla mam mba d’ogola, mi dala: Balak mi yanï woi Aram, amul ma Mowap-ma mi tchugunï asen kä woi yam ahina d’a abo ma yorogonid’a ala: Ang mbeï gan andjafâ hi Jakob-ma vuna! Ang mbeï zal hurung yam Israel-lâ!
Suma Madiyan-na pet ki suma Amale’â ki suma a nga kaka abo ma yorogonina a tok taziya, a djak alum ma Jurdê-na, a ve kang mazina kur hor ra Jisreyel-la.
Suma Madiyan-na, suma Amale’â ki suma pet suma a nga kaka abo ma yorogonina, a nga oîd’a kä kur hora ni d’igi djera na. Djambal mazid’a ti ndak nga á ndum mbi, ti ni ablaud’a d’igi les ma avun alum ma ngolîna na.
Wani Zeba azi ki Salmuna a nga Karkor ki azigar mazina go ki 15.000. Azi pet ni azigar suma a ar hi suma a nga kaka abo ma yorogonina. Suma 120.000, a tchazi woi da’.
