Ad’u Tinda 28:12 - Bible azumeina

¹² Adïd’a nga d’i dumu, mi wägu ma djak kakulona mi nga tinda kä yam andagad’a gak yam mbi do hur alona. Malaikana hAlonina a nga djaga akulo, a nga hulongî kä ata agu máma.

Ad’u Tinda 28:12 ပူးပေါင်းရင်းမြစ်များ

Ad’u Tinda 15:1

Bugol ahle suma lena, Ma didina mi nde tam mbei ir Abram, mi dum ala: Abram, ang le mandar ri; an ni mbarei manga, wurak manga mba d’i zul avok ngola.

Ad’u Tinda 15:12

Kid’a afata ar go á nikid’a, Abram sena mi lum ngola. Gola! Mandarâ nga mi lum ngola, yina mbut nduvunda kamu.

Ad’u Tinda 20:3

Wani Alona mba mi de mi Abimelek adïd’a andjege ala: Ang mba mit kayam atcha d’a ang vata, kayam ndat natchad’a hi sanid’a.

Ad’u Tinda 41:1

Wani kur dabid’a hi biza d’a mbà d’a Josef mi väd’u adïd’a mazong mamid’a, Faron adïd’a dum ala: Mam nga tchola avun alum ma Nil-lâ.

1 Amuleina 19:5

Bugola, mi bur sena kä ad’u agu ma gor máma, wani malaikana hi Ma didinina mi mba, mi domu, mi dum ala: Ang tchol akulo, ang të.

2 Sunda Hamuleinid’a 16:9

Ma didina iram nga tinda yam andagad’a pet á had’enga mi suma a tin huruzi kam ki hur ma tunina. Zla d’a ang lat wanda ang le ni sun nda lilid’a. Ki tchetchemba, ang mba durî ayîna burâ ki burâ.

Isai 41:10

Agi lagi mandar ri! An nga ki sed’egiya. Agi mbud’ugi tagi hohoud’a d’i, kayam an nAlo magina, an nga ni siragiya, an nga ni mba á ndjunugiya, an nga ni ndjunugi kabon ma ndjuf ma kus ayîna.

Daniel 7:1

Kur biza d’a avok ka Baltazar amul ma Babilon-na nga mi tamulid’a, adïd’a de Daniel, vana nde tam mbei iram ata yima mi nga burâ yam azang mamina. Bugola, mi b’ir zlad’a hadï ndatid’a, mi väd’u zla mat ta nglod’a woi mi.

Ndumba 12:6

Mi dazi ala: Agi humugi zla manda djiviya! Ata yima sana mi mbut ma djogon vunana adigagina, an nde tan iramî nde, an dum zlad’a ni kur adïd’a.

Matiye 1:20

Wani kid’a mi nga kur djib’era tua d’a, malaikana hi Salad’ina mi dum adïd’a ala: Ang Josef ma ad’u andjafâ hi David-na, ar ang le mandarâ á ve amanga Marie d’i, kayam gor ma nga kurutna ni kad’enga hi Muzuk ma bei tchod’a ba nid’a.

Matiye 2:19

Wani kid’a Herot mi mit dad’a, malaikana hi Salad’ina mi de Josef adïd’a avo Ezipte ala:

Jean 1:51

Jesus mi dazi kua ala: Gagazi, an nga ni dagiya, agi mba wagi akulod’a mal leyo, malaikana hAlonina a nga djagï akulo a mba hulongî kä kan an Gor Sana mi.

Hebre-na 1:1

Adjeu Alona mi de zlad’a yam ablaud’a mabuyoi ngolo ki lovod’ot teteng navun mam suma djok vuna.

Hebre-na 1:14

Malaikana pet ni muzuk ma le sunda mAlona, azi ni suma Alona mi sunuzi á ndjun suma a mba fe sutina d’uo zu?