Ad’u Tinda 27:40 - Bible azumeina

⁴⁰ Ang mba te vunangî ki mbigeu mang nga fiyaka, ang mba le ni sunda mi wiyengâ, wani ata yima ang mba iya abo hî yang ngei vangâ, ang mba kus djuk mama woi kelengû.

Ad’u Tinda 27:40 ပူးပေါင်းရင်းမြစ်များ

Ad’u Tinda 25:23

Ma didina mi hulong dat ala: Andjaf suma mbà a nga kurugu; andjaf suma mbà ndazina a mba wal woi ni kuruk dei. Ma dingâ mba mi kal ndrama kad’enga, ma ngolâ mba mi ge yam kä ad’u ma gorâ.

Ad’u Tinda 27:29

Ar andjaf suma a mbut ni magumei mangâ, suma yam andagad’ina a grif kä avorong mi. Ang ka’î ma ngolâ hi b’oziyongîna. Ar asung grotna a grif kä avorongû. Sama mi gang vunina, Alona mba mi gum vuna mi; sama mi b’e vunam kangâ, Alona mba mi b’e vunam kam mi.

Ad’u Tinda 32:6

Suma sunda a hulongî gen Jakob, a dum ala: Ami i fami wiyengâ Esau; mam nga mi djï ki suma kikis fid’i á d’ugulongû.

Ad’u Tinda 33:9

Esau mi hulong dum ala: Wiyena, ahle mana nga ngola, ang kak ki mangziyo.

2 Samuel 8:14

Mi min yima kaka hi azigar mamina kur Edom pet; suma Edom-ma pet a ge yazi kä ad’umu. Ata yima lara ma David mi i kuana, Ma didina mi hum ad’enga á kus ayîna yam suma pet.

2 Amuleina 14:10

Jowas mi dum kua ala: Kayam ang kus yam suma Edom-ma, ang nga hle yang akulo, ang nga subur ki tang wana. Kayam ndata, ar ang kak avo hatangû! Ni kayam me ba, ang hal ayîna á mba ki ndaka kang á tchang zlapa ki suma Juda-na ge?

2 Amuleina 14:7

Amasiya mi tchi azigar suma Edom-ma 10.000 kur hor ra Ndjuvuna kur ayî ma durâ, mi hlazì ma Sela-na, mi djogom simiyêm ala Joktel, ni simi máma ba, a nga yum ki gak ini.

2 Sunda Hamuleinid’a 21:10

Suma Edom-ma a kak djangûna ki suma te yam suma Juda-na kur atchogoi ndata gak ini. Suma Libini-na a tchol huneîd’a ki sed’em kur atchogoi ndata mi, kayam mi ar Ma didina Alona habuyom ngolona woyo.

2 Sunda Hamuleinid’a 21:8

Kur atchogoi mamba suma Edom-ma a tchol huneîd’a ki suma Juda-na, a min ala suma Juda-na a te kazi d’i, a tin amula yam taziya.

2 Sunda Hamuleinid’a 28:17

kayam suma Edom-ma a mba dur ayîna ki suma Juda-na kua, a yo suma magomba.

Sawal la giled’a 60:8

Alona, ang deï zlad’a kur gong mang nga kud’ora ala: Ayî ma kusa ni mana, an mba ni b’rau Sikem mbeyo, an mba ni nga hor ra Sukot-ta ni an mi.

Matiye 10:34

Jesus mi had’azi kua ala: Ar agi djib’eregi ala an mba ni ki b’leng nga halasa yam andagad’a d’i. Wani an mba ni ki b’leng nga halasa d’i, wani an mba ni kayî ma durâ.