Ad’u Tinda 27:29 - Bible azumeina

²⁹ Ar andjaf suma a mbut ni magumei mangâ, suma yam andagad’ina a grif kä avorong mi. Ang ka’î ma ngolâ hi b’oziyongîna. Ar asung grotna a grif kä avorongû. Sama mi gang vunina, Alona mba mi gum vuna mi; sama mi b’e vunam kangâ, Alona mba mi b’e vunam kam mi.

Ad’u Tinda 27:29 ပူးပေါင်းရင်းမြစ်များ

Ad’u Tinda 12:3

An mba ni b’e vunan yam suma yam andagad’ina pet ni kang angû; suma a mba b’e vunazi kangâ, an mba ni b’e vunan kaziya; suma a mba gang vunina, an mba ni gazi vuna mi.

Ad’u Tinda 25:33

Wani Jakob mi dum ala: Ang gunun tang tua. Ata yi máma Esau mi gunum tamu, mi gus ngol mamba woi abo Jakob.

Ad’u Tinda 27:30

Ata yima Isak mi b’e vunam yam Jakob b’ena, Jakob mi ar abumu, mi nde woi abu hina tchegem mi na, wiyema Esau mi tcholï abagei yima nduwanda, mi mba mi.

Ad’u Tinda 27:37

Isak mi hulong dum ala: An tinim wa ngol manga, an hum b’oziyoma abom pet a mbut azungeî mama, an hum awuna ki süm guguzlud’a mi. Gorona, an lang hi ni me d’ei ge?

Ad’u Tinda 27:40

Ang mba te vunangî ki mbigeu mang nga fiyaka, ang mba le ni sunda mi wiyengâ, wani ata yima ang mba iya abo hî yang ngei vangâ, ang mba kus djuk mama woi kelengû.

Ad’u Tinda 37:10

Mi vat ad’ut mabum d’igi mi vat ad’ut mi b’oziyoma na mi. Abum ngobomu, mi dum ala: Adï d’a dang ndata ad’ut nana ge? Na ni asung ki b’oziyongâ ki an ami mba grivimi kä avorong zu?

Ad’u Tinda 37:7

Gola! Ata yima ei nga djini mbugulud’a kur asinenina, mbugulu manda ar tchola akulo, magi d’a nguyuta ti grif kä avorod’u.

Ad’u Tinda 9:27

Ar Alona mi i Jafet avogo, mi kak kur zlub’ud’a hi Sem-mba; ar Kanan mi ka’î magom mama.

1 Amuleina 22:47

Mi dik andjuvei suma gaulangâ karop suma gaulang suma a ar kur ambasa kur atchogoid’a habum Asa-d’ina woi mi.

1 Amuleina 4:21

Salomon mi te yam leu d’a ding nga nguyumba pet, tinï ad’ud’a avun alum ma Efrat-na dei gak mba kur ambas sa Filistê-d’a, gak mi yoï hagad’a ki Ezipte. Kid’a mam nga ki iram tua d’a, amulei suma kur ambas ndatina pet a ge yazi kä ad’umu, a nga hum tara mi.

1 Sunda Hamuleinid’a 5:2

Juda ni ma gangrangâ aduk b’oziyoma, nad’u andjavam ba, amulâ mi nde kua. Wan pî, ngola a hat ni mandjafâ hi Josef-fâ.

Sawal la giled’a 72:8

Ar mi te leud’a tinï ad’ud’a avun alum ma ngol ma Mediterane-na dei gak avun apo d’a Matna; kabo ma avun alum ma Efrat-na, gak mba avun dabid’a handagad’id’a.

Isai 45:14

Ma didina mi dala: Agi Israel-lâ, fed’a hi suma Ezipte-nid’a ki beged’a hi suma Etiyopi-nid’a ki d’a hi suma Sabe suma fuyogeinid’a mba d’i kalï avo hatagiya, mba d’i arî magid’a mi. A mba tit blogogi ki kindjingâ aseziya, a mba dagi zlad’a ki hud’a ala: Alona navo hatagi tu, ma ding nga d’i.

Isai 49:23

Amuleina a mba mbut nabuyok suma a wulu’â, amulei suma aropma a mba mbut nasuyok suma a wulu’â, a mba grif kä avorok ki irazi andaga, a mba trâk gugum ma huyok ase’â woyo. Ndak mba d’i wala an ni Ma didina. Suma a tin huruzi kana a mba mbut zulona d’i.

Isai 49:7

Ma didin ma wurak yam suma ma tin tam irat vat yam Israel-lîna, mi de mi sama suma a golom isâ, mi sama andjaf suma a golomî vama ndjendjed’ina, mi magoma hi suma te yambina ala: Amuleina a mba wangû, a mba tchol akulo avorong mi. Suma nglona a mba grif kä avorong yam an Ma didin ma d’engzeng ma an tin tan irat vat yam Israel ma ni manangâ.

Isai 60:12

Andjaf suma d’oze andjaf suma kur leud’a a mba lak sunda d’uo na, a mba tchazi woyo; andjaf máma a mba dabam mbei pepet mi.

Isai 60:14

Suma a lak ndakina grozina a mba hulong yazi kä avorogu, suma pet suma a golok isâ a mba grif kä avorogu, a mba yak ala Azì ma ngolâ hi Ma didinina, Siyon-nda hi Ma tin tam irat vat yam Israel-lînid’a.

Isai 9:7

Ma didina mi sunï zlad’a á ngop suma hi Jakob-ma, ti nde yam Israel-lâ.

Ndumba 23:8

Ni nana ba, an ni ge vuna mi sama Ma didina mi gum nga vuna d’uo na ge? Ni nana ba, an zal hurun yam sama Ma didina mi zal nga hurum kam mbuo na ge?

Ndumba 24:18

Mba mi kus yam suma Edom-ma, mba mi kus yam suma Seir sumala ni mam suma djangûna adjewe na. Israel-lâ a mba tak ad’eng mazid’a woyo.

Ndumba 24:9

A grif a bur kä d’igi azlona na d’igi azlod’a na mi. Ni nge ba, mba mi tcholozi akulo ge? B’e vuna nga yam sama b’e vuna kangâ, vun ma ged’a nga yam sama gang vunina mi.

Matiye 25:40

An amulâ mba ni hulongôzi ded’a ala: Gagazi, an nga ni dagiya, vama agi lum ki ma gor ma kid’ak aduk b’oziyon suma wanina, agi lumî mi anu.

Matiye 25:45

Ata yi máma, an amulâ mba ni hulong dazi ala: Gagazi, an nga ni dagiya, ata yima agi lagi nga va mi ma gor ma kid’ak aduk gugurei suma wana d’uo na, agi lum mbuo ni mi anu.

Vama ndum mbeina 19:16

Ata baru mamba yam ab’alam simina nga b’ira kua ala: Amulâ hamuleina, Salad’a hi suliyod’a.