Ad’u Tinda 27:28 - Bible azumeina

²⁸ Ar Alona mi ge mbad’ïd’a ei akulod’a hur asinengû, andagad’a ti wulung ahlena ngola, awuna ki guguzlud’a mi.

Ad’u Tinda 27:28 ပူးပေါင်းရင်းမြစ်များ

Ad’u Tinda 27:37

Isak mi hulong dum ala: An tinim wa ngol manga, an hum b’oziyoma abom pet a mbut azungeî mama, an hum awuna ki süm guguzlud’a mi. Gorona, an lang hi ni me d’ei ge?

Ad’u Tinda 27:39

Isak mi hulong de mi goroma Esau ala: Ang mba ka’î woi dei kandaga d’a wul ahlena, mbad’ï d’a akulod’a mba d’i ge kua d’uo mi.

Ad’u Tinda 45:18

a yoï abuzi ki sum mama, a mbazï ka hî. An mba ni kagagi kur ambas sa djivi d’a kal la nga kur Ezipte-d’a, azi mba te te ma djivi ma yam ambasina.

Ad’u Tinda 49:20

Andagad’a hi Aser-ra mba d’i wul ahlena heî; te mama mba mi mbut ni d’igi tena hamulîna na.

Ad’u Tinda 49:25

NAlona hi an abungâ ba, mba mi ndjunungû, Alo ma ad’engêm kal petna, mi b’e vunam kangû, mi b’e vunam kang ki mbiyo ma akulona, mi b’e vunam kang ki mbiyo ma kä ad’u andagad’ina mi, mi b’e vunam kang ki grona ki d’uwarâ mi.

2 Samuel 1:21

Agi ahuniyô suma Gilbowa-na, ar mbad’ïd’a ti ge kagi d’oze mbiyo alona mi se kagi d’oze ar asine ma kagina mi wul awuna á he he d’a hawad’a d’uo mi, kayam ni kagi ba, mboriyona hi suma gangrangîna a tchuk kä, mbareid’a hi Saul-la ti nde kä ki irat fafat.

1 Amuleina 17:1

Elie ma Tisbe ma nga kaka Galät-na, mi de mamulâ Ahap ala: An nga ni dang ngei avok Ma didin ma bei matna Alona hi Israel-lâ ma an nga ni lum sundina: Gola! Biza d’a ar avok wanda wani, mbad’ï mba d’i ge d’i, alo mba mi se d’uo mi, gak bur ma an mba ni tchenema tua mbeî!

1 Amuleina 5:11

Wani Salomon nga mi hum afut gemena tonna 6000 ki mbul olif ma djivina lidirâ 8000 bizad’a ki bizad’a yam suma avo hatama.

2 Sunda Hamuleinid’a 2:10

An lut nga afut gemena tonna 6000, afut awu orsâ tonna 6000, süm guguzlud’a lidirâ 800.000, mbulâ lidirâ 800.000 yam azungeî mang suma ka aguna.

Sawal la giled’a 104:15

Ang hazi süm guguzlud’a kayam mi lazi tazi djivid’a, ang hazi mbulâ kayam tazi d’i mbut aklongîd’id’a, ang hazi avuna kayam azi fad’enga mi.

Sawal la giled’a 133:3

Ni d’igi mbad’ï d’a nga d’i ge yam ahina d’a Hermon nda nga d’i sor kä yam ahina d’a Siyon-ndid’a na mi. Kayam ni kur Siyon ba, Ma didina nga mi b’e vunam yam suma, nga mi hazi ari d’a didinda mi.

Sawal la giled’a 36:8

Alo mana, djivi mang nga kal teglesa ti ngola heî. Suma a ngei tazi nad’u gigingângû.

Zla d’a d’ogolâ 19:12

Ayîna hamulîna mi ni d’igi tchina hazlonina na, wani djivi mamba ni d’igi mbad’ï d’a ata asunid’a na.

Zla d’a d’ogolâ 3:20

Ni ki we mamba ba, mbiyo ma nglo ma d’id’ilima vunam mal leyo, d’ugula ti lau woi ti se alona mi.

Isai 45:8

Ar akulod’a ti lau d’engzenga d’igi mbina mi lau woi na, ar d’ugula ti se d’ingêra d’igi alona mi se na, ar andagad’a ti mal vunat á mba ki suta, ti deî d’ingêra d’igi ahlena a deî na mi. Gola! Wana nahle suma an Ma didina ni lazina.

Jeremi 14:22

Aduk fileina handjaf suma dingâ ma ndak á salonina nga zu? D’oze akulod’a ti ndak á salo ma kuküna vat tchu? Ni ang Ma didina Alo mamina d’uo zu? Ami tinimi hurumi ni kang angû, kayam ni ang ba, lahle ndazina wan pet na.

Joel 2:19

Ma didina mi hulongôzi humba, mi de mi sum mama ala: Gola! An nga ni sunugi gemena, süm guguzlu d’a awilid’a ki mbulâ. Agi mba hobogiya. An mba ni aragi á mbut zulona aduk andjaf suma dingâ d’uo d’a.

Mise 5:7

Andjafâ hi Jakob ma arâ mba mi kak aduk andjaf ma ablauna d’igi azlona aduk amburei suma aduk agud’ina na, d’igi azlo ma azongâ aduk kangâna haho’îna na. Ata yima mi kalâ, mi ve, mi kizak keyo, sama mi prut va woi aboma nga d’i.

Zakari 8:12

An mba ni mba ki b’leng nga halasa yam andagad’a, guguzlud’a mba d’i vud’a, andagad’a mba d’i wul awuna, akulod’a mba d’i salona ngola, an mba ni le djivi ndata mi man suma a mba arâ.

Zakari 9:17

Azi mba ka’î suma djivina, suma djifâ mi. Gemena ki süm guguzlu d’a awilid’a a mba had’enga mazungeî mazina ki yugunei mazina mi.

Ndumba 13:20

Agi i gologiziya, nandaga d’a tub’ad’a d’oze d’a bei tub’ad’a, aguna nga kua d’oze mi nga kua d’uo zu? Agi igiya, agi vagi tagi ad’enga, agi mbagi ki vud’agu ma yam ambas ndatina abogiya. Kayam ni yima a tin ad’u dut guguzlud’ina.

Ndumba 18:12

An hang ahle suma avok suma a mba handjina, nala, mbul ma djivi ma kalâ pet, süm guguzlu ma ayî ma kalâ kawuna mi.

Romê-na 11:17

Israel-lâ ni d’igi olif ma pe ma a kam abom ma dingâ woina na. Ang ma ni Juif-fâ d’uo na, ang ni d’igi abo olif ma abagei ma a djagam blangâzina na. Ki tchetchemba, ang nga wulî yam sideina kambira hi olif ma a puma.

Gat ta a hat á mbàd’id’a 32:2

Ar d’al ma an duma mi b’rau woi d’igi alo ma sed’a na. Ar hat manda ti b’rau woi d’igi mbad’ïd’a na, d’igi mbiyo ma kus sei yam asu ma mi deî awilina na, d’igi mbiyo ma yak yam asu ma mi deî awilina na mi.

Gat ta a hat á mbàd’id’a 33:13

Mi de yam andjafâ hi Josef-fâ ala: Ar Ma didina mi b’e vunam yam ambas mamba ki mbad’ï d’a djivi d’a kal tegles sa tcholï akulod’a, ki mbiyo ma lau ei kä kur zul la yiyikina,

Gat ta a hat á mbàd’id’a 33:28

Israel-lâ a kak ki halasa, andjafâ hi Jakob-ma mi nga ni kaka woi vam yam ambas sa nga d’i wul awuna ki guguzlud’a heîd’a, akulod’a nga d’i ge mbad’ïd’a kazi mi.

Gat ta a hat á mbàd’id’a 7:13

Mba mi le kagiya, mba mi b’e vunam kagiya, mba mi zulugiya, mba mi zulugi grogina mi. Andaga magid’a mba d’i wul ahlena, nala, awuna, süm guguzlud’a ki mbul olifâ, mba mi zulugi amuzleina kaho’â yam ambas sa mi gun tam kat mabuyogi ngolo á hagizid’a.

Hebre-na 11:20

Ni yam he gagazid’a ba, Isak mi b’e vunam yam Jakob azi ki Esau, ni vama ngad’a yam va mazi ma nga mi mbana.

Josue 5:6

Kayam Israel-lâ a le biza d’a abagei hur fulâ dok fid’i ki tita, gak suma dur ayî suma a buzugï woi avo Ezipte suma a hum nga vun Ma didina d’uo na, a dap peyo. Kayam Ma didina mi gunuzi tam ala azi mba kal kur ambas sa ambira ki mbul ayuma a nga sor kä kua d’a mi hle vunam kat mabuyozi ngolo á heizid’a d’i.