Ad’u Tinda 25:23 - Bible azumeina

²³ Ma didina mi hulong dat ala: Andjaf suma mbà a nga kurugu; andjaf suma mbà ndazina a mba wal woi ni kuruk dei. Ma dingâ mba mi kal ndrama kad’enga, ma ngolâ mba mi ge yam kä ad’u ma gorâ.

Ad’u Tinda 25:23 ပူးပေါင်းရင်းမြစ်များ

Ad’u Tinda 17:16

An mba ni b’e vunan kad’u, an mba ni hang gorâ ki sed’ed’u; an mba ni b’e vunan kad’u, mba d’i vut andjaf suma ablauna; andjaf amuleina ablaud’a a mba buzugï ni kurud’u.

Ad’u Tinda 17:4

Wana ni vun ma djin ma an djinim ki sed’engâ: Ang mba mbut nandjaf suma ablauna abuziya.

Ad’u Tinda 24:60

Azi b’e vunazi kad’u, a dala: Wiyemid’a, ar andjavak mi zul dudubud’a dogo, ar andjavak mi hlazina hi mam suma djangûnina.

Ad’u Tinda 25:24

Ata yima bur mat ma vuta nda’â, gol wani, ngoneîd’a nga kurud’u.

Ad’u Tinda 25:27

Kid’a gro ndazina a djenga, Esau mi mbut sama nduwan ma tchahlena heîna; Jakob ni sama iram si’â, mi ni kaka kä avo.

Ad’u Tinda 27:29

Ar andjaf suma a mbut ni magumei mangâ, suma yam andagad’ina a grif kä avorong mi. Ang ka’î ma ngolâ hi b’oziyongîna. Ar asung grotna a grif kä avorongû. Sama mi gang vunina, Alona mba mi gum vuna mi; sama mi b’e vunam kangâ, Alona mba mi b’e vunam kam mi.

Ad’u Tinda 27:33

Isak mi nde zlaka djidjik, mi dala: Sama mban hliu azarâ adjï ni nge ge? An tum mbei avok mba manga pet da’, an b’e wa vunan kamu, mi arî sama b’e vuna kama mi.

Ad’u Tinda 27:37

Isak mi hulong dum ala: An tinim wa ngol manga, an hum b’oziyoma abom pet a mbut azungeî mama, an hum awuna ki süm guguzlud’a mi. Gorona, an lang hi ni me d’ei ge?

Ad’u Tinda 27:40

Ang mba te vunangî ki mbigeu mang nga fiyaka, ang mba le ni sunda mi wiyengâ, wani ata yima ang mba iya abo hî yang ngei vangâ, ang mba kus djuk mama woi kelengû.

Ad’u Tinda 32:6

Suma sunda a hulongî gen Jakob, a dum ala: Ami i fami wiyengâ Esau; mam nga mi djï ki suma kikis fid’i á d’ugulongû.

Ad’u Tinda 33:3

Mam tamba mi kal avoroziya, mi grif kä, andaga grigrif yam kid’iziya tua ba, mi fe wiyema.

Ad’u Tinda 36:31

Wana namulei suma a tamula yam andaga d’a Edom-mba avok bei Israel-lâ a tamula tua d’a:

Ad’u Tinda 48:19

Wani abum mi noyâ, mi dum ala: An we, gorona, an we. Manase andjavam mba mi zul mi, mba mi mbut ngola mi. Wani wiyem ma gorâ mba mi mbut ngola kalamu, andjavam mba mi zul andjaf suma ablaud’a.

2 Samuel 8:14

Mi min yima kaka hi azigar mamina kur Edom pet; suma Edom-ma pet a ge yazi kä ad’umu. Ata yima lara ma David mi i kuana, Ma didina mi hum ad’enga á kus ayîna yam suma pet.

1 Amuleina 22:47

Mi dik andjuvei suma gaulangâ karop suma gaulang suma a ar kur ambasa kur atchogoid’a habum Asa-d’ina woi mi.

1 Sunda Hamuleinid’a 18:13

Mi min yima kaka hi azigar mamina kur Edom pet; suma Edom-ma pet a ge yazi kä ad’umu. Ata yima lara ma David nga mi i kuana, Ma didina nga mi hum ad’enga á kus ayîna yam suma pet.

Abdiyas 1:21

Suma a sutna a mba djak akulo yam ahina d’a Siyon-nda, a mba te yam ahina d’a Edom-mba mi. Ma didina mba mi kak amula!

Ndumba 20:14

Ni hur ful ma Kades-sâ ba, Moise mi tchuk sunda ata amul ma Edom-ma, mi dum ala: Ang hum zlad’a hi ami b’oziyong Israel-lîd’a: Ang we ndak ka mba kamid’a pet.

Gat ta a hat á mbàd’id’a 2:4

Ang he vuna mablau suma, ang dazi ala: Agi nga halagi ir hagad’a hi b’oziyogina Esau grom suma a nga kaka Seir-râ. A mba lagi mandaragiya, wani agi gologi tagi djivi ped’et.

Gat ta a hat á mbàd’id’a 2:8

Ei hlei woi dei ki b’oziyoina Esau grom suma a nga kaka Seir-râ woi dei ki lovot ta Araba-d’a ki d’a Elat-ta ki d’a Esiyon-Geber-ra mi. Bugola, ei hulongeî kazigei hlei lovot ta abo ma hur ful la Mowap-pid’a.

1 Samuel 17:14

Wani David ni ma tobona. Kid’a b’oziyom suma nglo suma hindina a i ad’u Saul-la,